Hondarribiko Udalak 'errespetuz' hartu du alarde tradizionaleko gazteen agiria
Hondarribiko Udalak "erabateko errespetua" agertu dio alarde tradizionaleko udalerriko hainbat gaztek sinatutako agiriari, bai eta gaia eztabaidatzeko plataforma bat sortzeko proposamenari; testuan, gazte horiek defendatzen dute emakumeek, hala nahiz izanez gero, eskubidea dutela alardean soldadu gisa desfilatzeko.
Ohar batean, Udalak adierazi du "orain arte bezala" jarraituko duela lanean, "Hondarribian bizikidetza hobea izateko"; izan ere, helburu horrek lehentasuna du Udalarentzat.
Gogora ekarri du, halaber, udal-talde guztiek testu bat adostu zutela irailaren 5ean; horren ildotik, "aurrerapausoak eman ditugu, hainbat eragilerekin batera, alardearen inguruan dagoen gatazkan, elkarrizketa sustatzeko". Udalak eskerrak eman dizkie eragile horiei guztiei, ahaleginengatik: "Udala osatzen dugun alderdi guztion iritziz, bide honi eutsi behar zaio", gehitu du.
Jaurlaritzak eta Arartekoak ontzat eman dute
Josu Erkoreka Eusko Jaurlaritzaren bozeramaileak nabarmendu du testua “albiste ona” dela, eta laguntza eman ahal duela alardearen ospakizunean "berdintasuna eta duintasuna" nagusitzeko.
Erkorekak txalotu du testua bultzatu dutenak gazteak izatea; izan ere, horiek izango dira alardearen protagonistak etorkizunean. "Zuzen emandako urratsa da", zehaztu du.
Arartekoaren esanetan ere, "positiboa" da; testuak, Arartekoaren iritziz, "argi eta garbi adierazten du gazteek zuzentzen duten gizarte-bilakaera; jai-bizikidetzako eredu baterantz goaz, eta horretan ezinbestekoa da emakumeen eta gizonen arteko erabateko berdintasuna".
"Aurreko urteotan egindako inkestek erakusten zuten Hondarribiko herritarrek akordioaren alde egin nahi zutela, bizikidetza baketsuaren alde, eta festa honetan gizonek eta emakumeek berdintasunean parte hartzearen alde", esan du, ohar bidez.
Azkenean, Arartekoak esan du espero duela "emakumeak alardean berdintasunean aritzea laster izatea errealitate normalizatu eta baketsua".
Albiste gehiago gizartea
Bonba-mehatxu batengatik, Bilbon lur hartu behar zuen hegazkin batek larrialdiko lurreratzea egin behar izan du Lisboan
Bi bidaiari atxilotu dituzte galdekatzeko, mehatxuaren berri ematerakoan nolabaiteko erantzukizuna izan dezaketen susmoa izan baitu Poliziak. Hegazkina eta ekipajeak "zorrotz" miatu ondoren, agintariek baieztatu dute ez dagoela lehergailurik. Arratsaldea osoa bertan pasa ostean, azkenean, Euskal Herrian 21:00ak zirenean abiatu da hegazkina Lisboatik Bilborantz.
Azores-Bilbo hegaldi bateko bi bidaiari atxilotu dituzte bonba-mehatxu faltsu bat egotzita
Sata Azores Airlines konpainiako hegaldiak larrialdiko lurreratzea egin du Lisboan. Bertako Poliziak hegazkina hustu eta lehergailuak bilatu ditu, baina ez du ezer aurkitu. Gainerako bidaiariek Lisboan jarraitzen dute, Bilbora noiz ekarriko dituzten zain. Iker Gomezek grabatutako irudiak.
Eusko Jaurlaritzako Trafiko zuzendaria: "Urtez urte, errepide bidezko mugikortasuna hazten ari da"
Udako Irteera-Itzulera Operazio Bereziaren erdian, autoen joan-etorriak "aurreikuspenen gainetik" hazten ari direla azaldu du Estibaliz Olabarri Trafiko zuzendariak. Dena dela, ez direla auto ilara handirik ezta gorabehera nabarmenik izan azpimarratu du.
Bi pertsona atxilotu dituzte Madrilen, pertsona zaurgarrien etxe barrura lixiba eta kristalezko botilak botatzeagatik
Gorroto-delitua aporofobiagatik (txiroekiko fobia), hiru lesio-delitu eta kalte-delitu bat egotzi dizkiete atxilotuei. Etxebizitza horretan bizi diren pertsona zaurgarriek salatu dutenez, denbora daramate jazarpena eta erasoak jasaten.
Pertsona bat hil dute Bartzelonan, polizia-etxe batean armatuta sartu ostean
Esquadra Mossoek baztertu egin dute gertaerak motibazio terrorista izatea.
Bidaiaririk gabe zihoan villavesa bat irauli da Iruñeko Ingurabidean, eta arin zauritu da gidaria
Bart gauean gertatu da, 22:45 aldera, PA-30eko 14. kilometroan, Arazurin. Autobusa irauli egin da, eta errei bat oztopatzen gelditu denez, errei alternatibo bat prestatu behar izan dute garabiak ibilgailua eraman bitartean.
Motorzale bat larri zauritu da Hondarribian, trafiko-istripuz
Istripua 06:30ak aldera jazo da, N-638 errepidean, Hondarribia parean. Zauritutako motor-gidaria Donostia Ospitalera eraman dute, eta Ertzaintzak ikerketa abiatu du istripuaren nondik norakoak argitzeko.
Carla Emazabel Amunarrizek izan du aurten kutxa eramateko ohorea eta amets bikoitza bete du: berea eta aitonarena
Duela 30 urte, Carlaren aitonak ez zekien bilobarik izango zuenik ere, baina zilarrezko ezteietan Sevillara joan zenean, erakusleiho batean mantoia ikusi, erosi eta gordeta izan du ordutik. Inork ez zekien zeukanik, eta gaur Carlak ohore handiz jantzi du. Hura soinean, 40 buelta eman dizkio 20 kiloko kutxari, bere aitak itsasoan daramatzan urteak hainbeste.
Donibane Lohizuneko klinika pribatuak zerbitzu publikoko larrialdi zerbitzua eskaintzen jarraituko du
Azken urteetan itxita egon dira maiz larrialdi zerbitzuaren ateak, bereziki gauez, dirua eta langileak falta direla eta. Herri Berri udal oposizio taldeak deituta, herritarrek mobilizazioei ekin zieten urte hasieran, zerbitzu "iraunkor eta eraginkorra" defendatzeko.
Espainiako Poliziako komisario bat atxilotu dute Nafarroan, haren menpeko lankide bati sexu-erasoa egitea leporatuta
Epailearen esku geratu ondoren, baldintzapean aske utzi dute. Urruntze agindua ezarri diote, eta ezingo da biktimarekin komunikatu. Arma baimena ere kendu diote polizia komisarioari.