Diana Querren aita atxilotu dute, emazte ohia harrapatzen saiatzeagatik
Juan Carlos Quer, alegia, 2016ko abuztuan El Chicle ezizenekoak erail zuen Diana 18 urteko gaztearen aita, atxilotu egin du Guardia Zibilak, asteazken honetan, Madrilen, Diana Lopez Pinel emazte ohia etxebizitzako garajean harrapatzen saiatzeagatik. Atxilotua epailearen esku utzi dute, baina dagoeneko libre dago, eta epaileak ez du onartu emazteak eskatutako urruntze agindua. Dena dela, harrapaketa saiakera ikertzekotan geratu da.
Ikerketaren iturriek jakinarazi dutenez, atxiloketa Pinelek Majadahondako Guardia Zibilaren kuartelean astearte honetan aurkeztutako salaketaren ondorioz egin dute.
Iturri horien arabera, salaketak dio Quer emazte ohia harrapatzen saiatu zela; biktimak, halaber, lesio-agiri bat erantsi du, eta bertan islatuta dago kolpe bana jasan zuela masailalbo-hezurrean eta eskumuturrean.
Guardia Zibilaren iturriek baieztatu dute Diana Querren aita atxilotu dutela, eta aipatutako madrildar udalerriko Institutu Armatuko bulegoetara eraman dutela.
Epaiketa, hilaren 29an
Atxiloketa Diana Querren hilketaren epaiketa hasi baino egun batzuk lehenago egin dute; izan ere, hilaren 29an ekingo diote epaiketari, Fontiñaseko Epaitegietan, Santiagon egoitza duen Coruñako Auzitegi Probintzialaren Seigarren Sekzioak erabaki duenez.
Gaztearen arrastoa 2016ko abuztuaren 22an galdu zen, A Pobra do Caramiñal herriko jaietan. Krimenaren akusatu bakarra den Jose Enrique Abuin Gey El Chicleri ondorengo delituak egozten zaizkie: hilketa, sexu-erasoa eta legez kanpoko atxiloketa. Fiskaltzak eta akusazio partikularrak espetxealdi iraunkor berrikusgarria eskatuko dute.
Albiste gehiago gizartea
Lau suhiltzaile brigada arituko dira gauez Urraulgoitin piztu den baso-sutea itzaltzeko lanean
SOS Nafarroak jakitera eman duenez, 14:19an jaso dute sutearen abisua. Sugarrak uzta bildu gabe zuen sail batean piztu dira, baina pinuak eta makalak dituen baso-eremu batera zabaldu dira.
Berriro bizkortu da pertsona migratzaileen unibertsitate tituluak homologatzeko prozesua
10 hilabeteko blokeoa izan ondoren, berriro bizkortu da pertsona migratzaileen unibertsitate tituluak homologatzeko prozesua. Hala ere, horiei laguntzen dieten elkarteek eskumenak Euskadira transferitzea nahi dute, prozesua bizkortu ahal izateko.
4.000 pertsona baino gehiago eta 31 sagardotegi Donostiako Sagardo Egunean
Ekoizleek 2024ko uztako sagardo onenak eskaini dizkiote publikoari, eta 6.000 botila saldu dituzte, txorizo, bakailao tortilla eta gazta pintxoz lagunduta edateko, trikitilariek eta bertsolariek berotu duten festa giroan.
Nafarroako suhiltzaileak Urraulgoitin piztutako baso-sute bat itzaltzeko lanean ari dira
Sutea larunbat arratsaldean piztu da, Urraulgoitiko baso-eremu batean. Larrialdi zerbitzuek dispositibo berezia zabaldu dute.
Untzillatx mendian erorikoa izan duen eskalatzaile bat erreskatatu dute
Mendiaren hegoaldeko aldean, 8 metroko altueratik erori da 30 urteko gizonezkoa, eta, helikopteroz erreskatatu ostean, Gurutzetako ospitalera eraman dute, zaurituta.
Israel-Premier Tech taldeak herrialdearen izena ezabatu du txirrindularien maillotetik
Israelgo txirrindulari taldeak "segurtasun neurri" gisa justifikatu du aldaketa, Palestinaren aldeko etengabeko protesten aurrean.
Gizon bat atxilotu dute Gasteizen bikotekide ohiari sexu-erasoa egiteagatik
41 urteko atxilotua Arriagako parkean atzeman dute lekuko batzuek biktimari erasotzen harrapatu ostean. Epaileak berehala espetxeratzeko agindua eman du.
Pertsona bat ikerketapean, Eibarko bizilagun bati 40.000 euroko iruzurra egiteagatik "maitasunaren iruzurrarekin"
Iruzurra sare sozialen bidez egin zuten, herentzia baten promesarekin, eta biktimak bi hilabeteren buruan transferitu zuen dirua.
Martxan da A-8 autobideko tarteko radarra Saltacaballon
Onton eta Castro Urdiales arteko tartea zainduko du, 100 km/h-ko abiadura-muga duena, eta isunak gutxienez 100 eurokoak izango dira.
Ehun bat ontzik itsasadarra zeharkatu dute Santurtzitik Palestinaren alde
Santurtzitik abiatu da itsas martxa Bilboko Itsas Museora, eta giza kate batek egin dio harrera bertan.