Rianxon topatutako gorpua Diana Querrena dela baieztatu dute DNA probek
Abenduaren 31n Rianxoko (Coruña) industria-nabe bateko putzu baten barruan topatutako gorpuari egindako DNA probek Diana Quer gaztearena dela baieztatu dute. Hala jakinarazi du astearte honetan Espainiako Gobernuak Galizian duen ordezkari Santiago Villanueva Alvarezek.
Diana Querren senideei eta ingurukoei "elkartasuna" adierazi ostean, joan den igandean topatutako gorpuari egindako DNA proben emaitzen berri eman du Espainiako Gobernuak Galizian duen ordezkariak. Hala, A Pobra do Caramiñal herrian (Galizia) desagertu zen 18 urteko gaztearen gorpua dela baieztatu du.
Jose Enrique Abuin El Chicle susmagarri nagusiak aitortu zion Guardia Zibilari non ezkutatu zuen gorpua. Astelehenean, epaileak baldintzarik gabeko espetxeratzea agindu zuen gizonarentzat.
Behin-behineko espetxeratze inkomunikatua
Diana Quer gaztearen hilketa dela eta atxilotutako gizona baldintzarik gabe kartzelara bidali zuen urtarrilaren 1ean magistratuak, ihes egiteko eta delitua berriro egiteko arriskua zegoela iritzita.
Gauzak horrela, El Chicleri behin-behineko espetxeratze inkomunikatua ezarri zion epaileak, deklaratzeari uko egin ostean.
Madrilgo gaztea hil eta beste neska bat iragan astelehenean, Boiron, bahitzen saiatu izana leporatuta, gizona espetxera bidali du epaileak.
Delituak
Epaileak astelehenean emandako ebazpenean azaldu zuenez, joan den abenduaren 25ean legez kanpoko atxiloketa eta indarkeria erabilita egindako lapurreta saiakerengatik ikertzen ari dira Abuin. Beti ere, "biktimaren osotasun fisikoari eta psikologikoari eragingo lioketen delituak kontuan hartu gabe".
Gainera, legez kanpoko atxiloketa eta hilketa delituak egin izanagatik ikertzen ari dira El Chicle, Diana Quer gaztearen hilketaren susmagarri nagusia baita. Magistratuak azaldu duenez, El Chicle ikerketapean dago, egin dituen delituak argitzeko helburuarekin.
Zure interesekoa izan daiteke
Lurraldebusek Donostiatik Eskuzaitzeta industrialdera eta Zubietara doan linea berria estreinatuko du irailaren 21ean
Linea berriak industrialdeko langileei emango die zerbitzua, baita Zubietako espetxera joaten direnei eta Zubietara joaten diren Realeko zaleei ere.
Giro aparta Kontxako Banderaren bigarren jardunaldian
Kontxako Banderaren bigarren jardunaldiak jai giroz bete du Donostia, kolore ugariz. Familiek, gazteek eta beteranoek traineruen emozioa partekatu dute, eta ertzetatik animatu dituzte euren taldeak. Poza bereziki nabaria izan da Arraun Lagunak eta Orio taldeen zaleen artean, euren traineruen garaipena ospatu baitute.
Imsersoren bidaiak bihartik aurrera egongo dira eskuragarri Hego Euskal Herriko pentsiodunentzat
Nafarrentzat astelehenean abiatuko da plaza eskuratzeko epea, eta EAEko pentsiodunentzat, asteazkenean. Guztira, ia 900.000 plaza eskainiko dira penintsulako kostaldera eta uharteetara joateko edo bospasei eguneko bidaiatxoak egiteko.
Elon Musk bat dator Anthropic eta OpenAI lehiakideekin, adimen artifiziala moteldu behar dela
Anthropiceko Dario Amodeik adimen artifizialaren (AA) garapena moteltzeko eskatu zuen ostiralean, segurtasun arriskuengatik, eta eskaera horren alde egin dute lehiakideek, OpenAIko Sam Altmanek eta xAIren sortzaile Muskek. OpenAIko eta Anthropiceko liderrek iragarri dute ebaluatzaile independenteei beren sistemak ikuskatzea ahalbidetuko dietela, baina Muskek ez du hori argitu.
Ceutako 860 migratzaile baino gehiago aldi baterako instalazio egokitu berri batera eraman dituzte
Jaurlaritzak 4.300 plaza inguru izango ditu aldi baterako, eta datozen egunetan 6.000 plaza baino gehiago izango direla aurreikusi du.
AEBk Kuban ezarritako "setioa" salatu dute Bilbon, Silvio Rodriguezen kontzertuaren aurretik
Manifestariek Kubako eta hainbat herri zapalduren banderak eraman dituzte. "Nazio Batuetan urtero giza eskubideen urraketa masiboa gaitzesten den arren, gobernu gehienak geldi daude", salatu dute. "Argia eta Indarra Kubarentzat. Blokeoaren aurka, Energia Kubarentzat" kanpaina solidarioa babesteko ere balio izan du protestak.
Oihane Mateos Oria, duela gutxi hildako lankide eta laguna, gogoan izan du Dani Alvarezek Gasteizko FesTVal jaialdian
Aste gogorrak izan dira azken hauek Orain eta EITBko Albistegietako lantalde guztiarentzat. Dani Alvarez lankideak Gasteizko FesTVal jaialdian esan duen bezala, "bizitzako injustizia bategatik goizegi joan berri da Oihane Mateos Oria". Bere irribarrea, energia eta lanerako grina beti izango dira gure artean, ordea. Hemen Daniren hitzak gaur iluntzean, sari bat banatu aurretik.
Zarrakazteluko baso sutea eragindakoa ote den ikertzen ari dira
Garrak atzo piztu ziren Corral Nuevo inguruan, eta gaur arratsaldean egonkortu dituzte. Eremuan ez zegoen nekazaririk lanean, eta, hori dela eta, Foruzaingoak susmoa du nahita piztutakoa izan zela.
Bost gasolindegi Margaritan, 30 laguneko herrian, bizilagunen desesperaziorako
Gasteizko Margarita kontzejuan, bizilagunak kexu dira beste gasolindegi bat jarri nahi dietelako, bosgarrena bailitzateke. 30 bat biztanle diren herrixka honetarako sarbideak dagoeneko kolapsatuta daudela diote, eta gainera salatzen dute, kamioi gidariek ez dutela askotan oso gizalegez jokatzen.
Logroñon desagertutako 83 urteko gizon baten gorpua aurkitu dute Vianan
Hilotza Iruñeko Auzitegiko Institutu Anatomikora eraman dute, autopsia egin diezaioten.