La Manadako lau kideek ez dute deklaratu nahi izan, 'Pozoblanco' auziagatik
Cordobako Pozoblanco herrian 21 urteko neska bati ustez egindako sexu-abusuak eta intimitatearen aurkako delitua egotzita epaituak izaten ari diren lau kideek ez dute deklaratu nahi izan. Lau gizon horiek 2016ko sanferminetan 18 urteko emakume bat bortxatzeagatik kondenatuak izan ziren jada.
Hala adierazi dute Luis Javier Santos Cordobako 1 zenbakiko Epaitegiko epailearen aurrean, euren buruak "errugabetzat" jo ostean. Bien bitartean, lau auzipetuek grabatutako bideoa baliogabetu ala ez epai egunera arte atzeratzea erabaki du epaileak.
Alfonso Jesus Cabezuelo, Jose Angel Prenda, Antonio Manuel Guerrero eta Jesus Escudero La Manadako taldekideei delitu horiek egotzi dizkie fiskalak, eta zazpi urteko espetxe-zigorra eskatu du horietako bakoitzarentzat.
Akusatuak Alcoleako presondegira (Kordoba) eraman dituzte, astelehen honetan hasi eta ostegunera arte epaituko dituztelako.
Sanferminetako sexu-erasoagatik 15 urteko espetxe-zigorra ezarri zioten bakoitzari, eta auzi horren harira abiatu zuten Pozoblancoko ikerketa.
Akusatuetako baten telefono mugikorrean, WhatsApp talde batean partekatutako bideo bat aurkitu zuten. Kordobako neska bat ageri zen bertan, konorterik gabe, kotxe baten atzeko partean eserita, Alfonso Jesus Cabezuelo eta Jesus Escuderoren artean, Antonio Manuel Guerrero eta Jose Angel Prenda aurrealdean zeudela, eta akusatuek "sexu-ukituak" egin zizkiotela ikusten zen.
Fiskalaren idatzia
Fiskalaren arabera, 2016ko maiatzaren 1ean Torrecampoko (Kordoba) azokan egon ziren lau akusatuak, eta bere lagunekin zegoen biktimarekin batu ziren. Edaten ibili ziren, hizketan, eta, 07:15 aldera, Pozoblancora eramateko gonbidapena egin zion Alfonso Jesus Cabezuelok neskatoari. Biktima "konorterik gabe" geratu zen orduan, eta oraindik ez dute argitu alkoholagatik edo substantzia estupefazienteren bat eman ziotelako gertatu zen. Handik aurrera gertatutako guztia ez du gogoratzen.
Bideoan ikus daitekeenez, akusatu guztiek "sexu-ukituak" egin zizkioten neskari auto barruan, eta, "biktimak jakin edo oniritzia eman gabe baina beste guztiek adostuta", Jose Angel Prendak Antonio Manuel Guerreroren telefono mugikorra hartu eta erasoa grabatu zuen.
Gaztearen "intimitatea urratzeko asmoz", irudi horiek La Manada izeneko WhatsApp taldera bidali zituzten, lau akusaturen eta beste hiru pertsonaren taldera. Gainera, Jose Angel Prendak berak WhatsAppeko hainbat taldetan zabaldu zuen bideoa.
Pozoblancora iritsi zirenean, akusatuetako hiru autotik jaitsi ziren, eta Alfonso Jesus Cabezuelok argitu gabeko leku bateraino eraman zuen gaztea. Hura esnatu zenean, "felazio bat egiteko" eskatu zion Cabezuelok, eta, biktimak ezetza eman ostean, aurpegian jo zuen eta kotxetik bota zuen, bultzaka.
Bideo horiek 2016ko irailean eman ziren ezagutzera, Iruñeko bortxaketaren ikerketaren harira. Orduan izan zuen Pozoblancoko biktimak jazotakoaren berri, eta horrek "trauma osteko estresa" eragin zion.
Sexu-abusuengatik hiru urteko kartzela-zigorra eskatu du fiskalak akusatu bakoitzarentzat, eta laukoa, intimitatearen aurkako delitu batengatik. Gainera, Cabezuelori 720 euroko isuna ezartzeko eskatu du fiskalak, lesio delitu arina leporatuta.
Albiste gehiago gizartea
Gizon bat ikerketapean, autoa mozkor eta gidabaimenik gabe gidatzeagatik, bi bidaiari gorputza sabaitik ateratzen ari zirela, Iruñean
23 urteko gidaria bide-segurtasunaren aurkako delitu batengatik ikertu dute. Autoan zihoazen bi bidaiariak ere salatu dituzte, segurtasun-uhalik gabe zihoazelako, mugikorrarekin grabatzen.
Baso-suteek 350.000 hektarea baino gehiago erre dituzte abuztua hasi denetik, Espainian
Oraindik, hogei bat su daude aktibo Gaztela eta Leonen, Galizian eta Extremaduran, eta haizea sua itzaltzeko lanak zailtzen ari da hainbat tokitan. Bien bitartean, azken orduetan Leongo iparraldean botatako euriak garrak kontrolatzen lagundu du Europako mendien inguruan. Bestalde, EAEtik sua itzaltzera joandako suhiltzaileek etxerako bidea hartu dute.
11 pertsona atxilotu dituzte Bilboko Aste Nagusiko bosgarren gauean; batek osasun-langileei eraso egin die
Atxiloketa gehienak indarkeriaz egindako ebasketekin eta lapurretekin lotuta daude. Dena dela, beste delitu batzuk ere jazo dira, eta gizon bat ere atxilotu dute emakume bati ukituak egitea leporatuta.
Hona hemen Faltzesko Piloneko bosgarren entzierroko irudiak
Faltzesko Piloneko bosgarren entzierroak minutu bat eta 11 segundo iraun du, orain arteko bigarren entzierro luzeena izan da eta Eulogio Mateo de Carcarren zezenak izan dira protagonista. Hainbat eroriko eta estropezu izan dira ibilbidean zehar.
Gaur arratsaldean abiatuko da Itzulera Operazioa euskal errepideetan
Ostegunetik igandera, asteburu luzea kontuan hartuta, egingo dute aurten Itzulera Operazioa. Oporretatik buelta askoz ere modu mailakatuagoan egiten denez azken urteotan, bi asteburuz izango dute aktibo dispositiboa: abuztuaren 21etik 24ra, eta 28tik 31ra.
Mocedades taldeak Bilboko Aste Nagusian jo du, 24 urte geroago
Bilbao Orkestra Sinfonikoa (BOS) lagun, Abandoibarreko eszenatokira igo dira bart Mocedades taldeko kideak, eta zaleek gozatu egin zuten emanaldiaz.
Euriak gorabehera handiak eragin ditu zirkulazioan: istripu ugari eta errei-mozketak
Erandion (Txorierri) izan dira gertakari nabarmenenak, eta, ondorioz, auto-ilara luzeak izan dira Avanzada eta Arrontegin. Usurbilen, gainera, AP-8an gorabeherak izan dira, istripu baten ondorioz. Nolanahi ere, 09:00ak aldera ohikora itzuli da egoera.
Abisu horia ezarri dute Bizkaian eta Gipuzkoan eguerdira arte, euriagatik
Nafarroa iparraldean 15:00ak arte egongo da indarrean euriagatiko abisu horia. Euskalmetek zabaldutako datuen arabera, Gipuzkoa ekialdean pilatu da euri gehien. Zehazki, 24 orduan 64 litro bildu dituzte Oiartzunen eta 60 litro baino gehiago, Behobian.
Sutea gertatu eta bost egunera, San Vicente de Leirako (Ourense) bizilagunak herrira itzuli ahal izan dira
Ourenseko San Vicente de Leira herrian, suak kalte handiak eragin ditu. Herriko etxeen % 80 kiskalita daude. Herrira itzul diren herritar batzuekin hitz egiteko aukera izan du gaur EITBk.
Segurtasun zinegotziak adierazi du Udaltzaingoak manteroen kanpalekuak desegiten jarraituko duela
Amaia Arregi Bilboko Segurtasun zinegotziak kaleko saltzaileen kanpalekuei buruz hitz egin du Radio Euskadin, eta azpimarratu du bizilagunen eta merkatarien kexak jaso zituztela, baita kanpalekuak egitea debekatuta dagoela ere.