Termibus
Gorde
Kendu nire zerrendatik

Hauek dira Bilbo Intermodala autobus geltoki berria bisitatzeko ordutegiak

Gaur goizean, inaugurazio ekitaldi ofiziala egin du alkateak, eta, jada Intermodala bisitatzeko aukera dago. Ostiralean hasiko da azpiegitura berria zerbitzua ematen.

Juan Mari Aburto Bilboko alkateak gaur, asteazkena, azaroak 27, inauguratu du Bizkaiko hiriburuko lurpeko autobus-geltoki intermodal berria, eta ostiralean, azaroak 29, jarriko da martxan.

11:00etan, inaugurazio-ekitaldi ofiziala egin da, eta, ondoren, Bilbo Intermodalek ateak ireki dizkie herritarrei instalazioak ezagutzeko, ostiralean martxan jarri baino lehen.

Hala, gaur arratsaldean hasita, bi egun izango dira azpiegitura berria bisitatzeko. Gaur 16:00etatik 20:00etara irekiko dituzte ateak, eta ostegunean 10:00etatik 14:00etara.

Ostegun arratsaldean, autobus zerbitzua ematen duten 25 konpainiak behin-behineko geltokia utzi eta Intermodal berrira aldatuko dira.

Azkenik, ostiralean, 06:00etan aterako dira azpiegitura berritik lehen autobusak.

BIDEOA: Horrelakoa da Bilbao Intermodal geltoki berria:

18:00 - 20:00

Albiste gehiago gizartea

18:00 - 20:00
ZUZENEAN
Duela  min.

Kamioi batek su hartu du AP68 errepidean, Zuian

Autoak zeramatzan kamioi batek su hartu du AP68an, Zuian, Zaragozarako noranzkoan.  Arabako suhiltzaileak bertaratu dira eta errepidea itxita dago oraindik. Trafikoko zuzendaritzak azaldu duenez, auto-pilaketak daude.

18:00 - 20:00
ZUZENEAN
Duela  min.

Sexu-esplotazioko sare batean zeuden 12 emakume askatu dituzte Euskadin

Polizia Nazionalak sei autonomia-erkidegotako prostituzio-etxeetan emakumeak sexualki esplotatzen zituen erakunde kriminal bat desegin du, besteak beste, Euskadin. Askatutako 18 biktimak —12, Euskal Autonomia Erkidegoan— Kolonbian erakarri zituzten, lan egingo zutela zin eginda, gezurra esanda. Proposamen faltsua onartutakoan, 8.000 euroko zorra zuten esplotatzaileekin, eta prostituzioan jardunez kitatzera behartzen zituzten. Bost atxilotu daude —hiru Bilbon eta bi Gijonen—, horietako bi behin-behineko espetxealdian sartu dituzte, eta sei etxebizitza itxi dituzte.  

Gehiago kargatu