Termibus berria azaroaren 29an jarriko dute martxan
Bilbo Intermodala —orain arte Termibus moduan ezagutu duguna— azaroaren 29an jarriko da abian, Bilboko Udalak ohar batean jakinarazi duenez.
Egun horretan, ostiralarekin, sartu eta irtengo dira lehenengo autobusak azpiegitura berritik. Bi egun lehenago, hilaren 27an, inauguratuko dute Juan Mari Aburto Bilboko alkateak eta Alfonso Gil eta Asier Abaunza zinegotziek. Ondoren, bi egunez, ateak irekita egongo da autobus geltoki berria, herritarrek ikus dezaten.
Dena den, etzi emango dituzte lanen eta martxan jartzearen inguruko xehetasun guztiak, prentsaurrekoan.
BIDEOA: Termibus berriko lanak, minutu batean laburbilduta
Termibus egunero erabiltzen duten 13.000 erabiltzaileek aspaldi espero zuten inaugurazioa da honakoa. Izan ere, behin eta berriz atzeratu dute. Hasiera batean, aurtengo maiatzerako espero zen martxan egotea, baina gutxienez bi aldiz atzeratu behar izan dute irekiera. Azkenean, aurreikusitakoa baino sei hilabete geroago inauguratuko dute. Azken ia bi urte hauetan behin-behineko geltokia erabili dute herritarrek.
Lur azpiko geltoki horri esker, autobusak lur gainetik kenduko dituzte eta Luis Briñas kaleak tokiko zirkulazioa bakarrik izango du. Gainera, geltokiak sarbide optimizatuak edukiko ditu Gurtubay kaletik, eta horrek inguruan izango duen eragina txikituko du. Libre utziko dituen 7.500 metro koadroak plaza bat eraikitzeko erabiliko dira.
BIDEOA: Horrelakoa izango da Bilbo Intermodala
Zure interesekoa izan daiteke
Elkarretaratzea egin dute Donostian, hiriko gozoki-denda batean adingabe bati egindako sexu-erasoa gaitzesteko
Itaiak eta Amara Berriko Gazte Asanbladak deitu dute protesta, eta "eraso matxista bakoitzari aurre egin eta kaleak hartzeko" deia egin dute. Erasotzailea, dendaren jabea bera, kartzelan sartu dute.
Epaitegiak Euskal Udalekuak elkartearen aldeko epaia berretsi du, eta Arabako Foru Aldundiaren helegitea atzera bota
Epaileak bertan behera utzi du Sarrea Euskal Udalekuari Bernedon kanpamenduak antolatzeko ezarritako gaitasungabetzea. Legez Sarreak udalekuak ospa ditzakeen arren, antolatzaileek debekua indarrean sartu zenean martxan jarri zituzten alternatibei eustea erabaki dute.
Baso-sute handi bat piztu da Gironan
Baix Empordako sutearen ke-zutabeak 5 kilometroko altuera hartu du ostiral honetan.
Hilketa matxistak Alacanten eta Malagan: hiru emakume hil dituzte
Gizon bat atxilotu dute gaur emaztea eta alabetako bat hiltzea eta beste bat larri zauritzea egotzita. Asteazkenean, emakume baten gorpuatopatu zuten Malagan; martxotik desagertuta zegoen. Hilketaren ustezko egilea, bikotekide ohia, espetxeratu berri dute.
EHUk ikasgai guztietan izan diren noten berri emango du astelehenean, ikasgaien arteko alderaketa eginda
Estitxu Garai EHUko errektoreordeak babesa helarazi die irakasle eta zuzentzaileei eta “kezka” adierazi du, presioen ondorioz hainbatek zuzentzaile lanetan ez aritzea erabaki ondoren, "zuzentzailerik gabe geratzeko arriskua" dagoelako.
Donostian 29 urteko gizon bati arma zuriz egindako eraso bat ikertzen ari da Ertzaintza
Gaztea Donostia Ospitalera eraman dute, baina, dirudienez, zauriak ez dira larriak.
Gasteizko blusek eta neskek zapi beltzekin omenduko dituzte martxoaren 3ko biktimak Andre Maria Zuriaren jaietan
Gainera, abuztuaren 6an ekitaldi bat egingo dute Poliziak hildako bost langileen oroimenez.
Orpoko probaren bitartez bizkarrezurreko muskulu-atrofia hauteman du aurrenekoz Osakidetzak
Gaitz neuromuskular arraro horren diagnostiko goiztiarrari esker, haurtxoa Donostiako Unibertsitate Ospitaleko Neuropediatriara bideratu dute dagoeneko, terapia genikoa jasotzen ari da eta hasierako bilakaera ona da. Jaioberrien baheketa-programak, orpoko proba izenekoak, 24 gaixotasun detektatzeko aukera ematen du.
Sexu erasoei aurre egiteko informazio gunea Gaztelu plazan zabalduko dute sanferminetan, beste urte batez
Foruzaingoak, Udaltzaingoak eta Guardia Zibilak elkarlanean segurtasun dispositiboa diseinatu dute, eta horren baitan alkohol eta droga kontrolak egingo dituzte Iruñeko sarbideetan.
San Fermineko entzierroen ibilbidean irrist ez egiteko produktua aplikatu dute
Hamar bat pertsonak lan egin dute gauean produktu irristagaitza 1.875 metro karratu ingurutan zabaltzeko. Eremu babestuak Santo Domingoko aldaparen amaieran hasi eta Mercaderesko bihurgunera eta metro batzuk harago heltzen dira, Estafetaraino, hain zuzen ere. Lana eskuz egiten da, ureztagailuak eta erratzak erabilita. Arduradunen arabera, likido irristagaitzak erreakzio bat sortzen du, eta erreakzio horrek zoladuraren mikroporoak askatzen ditu. Zulo horiek bentosa-efektua sortzen dute, eta saihestu egiten du pertsonek edo zezenek irrist egitea. Konposatua duela 20 urtetik aplikatzen da Sanferminetan, eta bereziki ondo funtzionatzen du zoladura bustita dagoenean.