'Klimaren Goi-bilera ez da Ifema barruan izan, Madrilgo kaleetan baizik'
Egunotan Madrilen egiten ari diren Klimaren inguruko Goi-bileraren lehenengo astearen balorazioa egin du Greenpeacek, eta ohartarazi duenez, "planetak anbizio handiagoa behar du".
"Astebete pasa da eta bi pausu egin ditugu atzera: planetak anbizio handiagoa behar du", esan du elkarteak ohar baten bidez. COP25 ekitaldiaren gauza garrantzitsuenak "ez dira Ifema barruan gertatu, Madrilgo kaleetan baizik". Horren harira, "justicia klimatikoa" aldarrikatzeko ostiralean Madrilen bildutako "ehunka mila lagunak" txalotu ditu. Aldi berean, bien bitartean, "6. artikuluaren inguruan Gobernuak eztabaidatzen aritu izana" kritikatu du Greenpeacek, larrialdi klimatikoaren "arazo handiari aurre egiteko haiek daukaten erantzukizun handiari so egin gabe".
Hori dela eta, COPen bilduta dauden ordezkari politikoei ohartarazi die planeta osoa "haiei begira" dagoela, "zer erabakiko duten zain: ingurugiroa merkantzia gisa hartu (karbonoarekin trafikatzeko sistema baten bidez) ala larrialdi klimatikoak eskatzen duen isurien murrizketa osorako konpromisoak hitzartu".
'Manifestazio baketsua eta masiboa'
Bestalde, Espainian inoiz izandako "ingurugiro-manifestaziorik handiena" txalotu du Mario Rodriguez Espainiako Greenpeaceko zuzendariak. "Jendearen boterearen erakusketa masibo eta baketsu horrek zientziak eskatzen duten negoziazioa bultzatu behar du, kontrolik gabeko larrialdi klimatikoa prebenitzeko", gaineratu du.
Greenpeacek "ez ditu atzerapenik edota tranparik onartuko, larrialdi klimatikoa ate joka dugulako". "Gobernuen agendan eta COPeko negoziazioetan une oro egon beharko litzateke hori presente, baita Espainiako gobernu berriaren negoziazioetan ere", amaitu du.
Albiste gehiago gizartea
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Sutea piztu da Gasteizko LEA fabrikan, eta ke-zutabe handia eragin du
Gamarrako industrialdeko enpresa guztiak hustu dituzte, eta ez da inor zauritu. Gasteizko Udalak etxetik ez ateratzeko eskatu die Abetxuku eta Arriaga auzoetako bizilagunei.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.
Etxebizitza da EAEko herritarren kezka nagusia
Osasunarekiko kezkak behera egin du azken sei hilabeteetan, baina bigarren arazorik garrantzitsuena da (% 36), bizitzaren kostuaren aurretik (% 34). Bestalde, herritarrek 10etik 4,7ko nota jarri diote Imanol Pradales buru duen Eusko Jaurlaritzaren lehen urteari.
174 urteko espetxe zigorra eskatu dute Zizurko institutuko komunetan emakumeak grabatu zituen irakaslearentzat
Probintzia Auzitegian epaituko dute, haurren intimitatearen aurkako delitua eta haur pornografia delitua egotzita, hainbat hilabete ikertzen eman eta gero; guztira, 41 biktima izan dira.
700 pisu turistiko kentzeko exijitu dio Eusko Jaurlaritzak Airbnb plataformari
Uztailaren 1ean, etxebizitza turistikoen erregistro bakarra sartuko da indarrean. Javier Hurtadok ohartarazi duenez, nahitaezko erregistro-zenbakiak sartu ezean, jarduera etetera behartuko dituzte.