Arabako erdialdea eta Arabako Errioxa, lurralde-planak berritzen aurrenak
Arabako erdialdea eta Arabako Errioxa lurralde-plan partzialak (LPP) berrituko dituzten Euskal Autonomia Erkidegoko lehen eskualdeak izango dira, Eusko Jaurlaritzak iragan udan Lurralde Antolamenduaren Gidalerroak (LAG) berritu ondoren.
Eusko Jaurlaritzak eta Arabako Foru Aldundiak lankidetza hitzarmena sinatu dute ostiral honetan, bi egitasmoak berriz aztertzeko. Lurralde antolamendurako tresnak dira, udalen eskumenak gainditzen dituzten gaietan.
Euskadik 15 zonalde ditu lurralde-plan partzialekin. LAG berriei egokituko diren aurrenekoak izango dira Arabako bi zonaldeak, hurrengoa Bilbo izango da.
Etorkizunari begira, LAG berriek sektore eta hirigintza egitasmoak jaso dituzte: klima aldaketaren erronka, genero ikuspegia, biztanleriaren zaharkitzea eta haren ondorioak, irisgarritasuna, immigrazioa eta parte-hartze publikoa lurraldearen gobernantzan.
Lurralde estrategia berriaren oinarriak bat datoz NBEk onartutako Garapen Jasangarrirako 2030 Agendak identifikatutako erronkekin.
Araba erdialdeko plana Eusko Jaurlaritzak eguneratuko du. 32 udalerri hartzen ditu zonaldeak, horien artean, Gasteiz, eta lurralde historikoaren zati handi bati eragingo dio.
Iñaki Arriola Ingurumen, Lurralde Plangintza eta Etxebizitzako sailburuak azaldu duenez, Lautada inguratzen duten espazio naturalen eta barnealdekoen arteko lotura ekologikoa bermatzeko lan egingo dute: Salburua, harizti-uharteak eta ibilguak, besteak beste, hiriburuko Eraztun Berdearekin batera, "ekosistemen konexioa sendotzeko funtsezko piezak direlako".
Arabako Errioxari dagokionez, Josean Galera Ingurumen eta Hirigintza foru diputatuak azaldu duenez, Aldundiak upategiak lurzoru urbanizaezinean jartzeko eta bodegak hobetzeko irizpideak barneratuko ditu.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.