Realeko emakumeen futbol eta hockey taldeek Urrezko Danborra jaso dute
Realeko emakumeen futbol eta hockey taldeek 2020ko Urrezko Danborra jaso dute, Eneko Goia alkateak emanda. Saria jasota, kirolariek, hunkituta, nabarmendu dituzte bi taldeek ordezkatzen dituzten "berdintasun- eta gainditze-balioak".
Ekitaldia astelehen honetan egin dute, hiriaren zaindariaren festa-egun handian, Donostiako Udaletxeko Bilkura Aretoan. Hainbat ordezkari instituzional eta politiko izan dira bertan.
Urrezko Danborra bi taldeen kapitainek jaso dute, alegia, Nahikari Garcia futbolariak eta Nerea Belzunegi hockey-jokalariak. 'Iriyarena' abestiarekin batera, golardoa eman diete.
Onarpen "hunkigarriena, ordezkatzen duen guztiagatik"
Nerea Belzunegik azpimarratu duenez, Realaren belar-hockey taldeak ekarri ditu jokalariak Urrezko Danborra jasotzera, "bere filosofiagatik eta Reala maitatzeko bere moduagatik. Inoiz ez zaigu axola izan orduz kanpo entrenatzea, kilometroak auobusez egitea, entrenatzeko zelai mugatu bat izatea, gure bizitza pertsonalak alde batera uztea. Egin izan dugu, egiten dugu eta jarraituko dugu egiten", adierazi du.
Nahikari Garciak, bere aldetik, esan du ez dagoela hitzik "eskertzeko bi taldeok jaso ditugun onarpen guztiak eta maitasuna", baina, "zalantzarik gabe, gaurkoa da hunkigarriena, ordezkatzen duen guztiagatik".
“Oso garrantzitsua den zerbaiten hasieran gaude; emakumezkoen kirolak hazten jarraitu behar du. Guk jakin badakigu eredua garela, gero eta gehiago, hainbat neska eta mutilentzat. Urrezko Danbor honek lortutakoa saritzen du, baina bultzada izan behar du, zer izango garen horretara iristeko”.
Gerora, bi taldeetako jokalariei argazkia egin diete, San Sebastian Martxa jotzen ari zirela.
BIDEOA | Realaren ereserkia ozen abestu dute Realeko neskek
CONTENIDO NO ENCONTRADO
Haur Danborrada
Eguerdiko hamabietan, txikientzako txanda heldu da, Haur Danborradaren hasierarekin. Aurten, ia 5.000 haurrek hartu dute parte, Donostiako 41 eskolaren 48 konpainiatan. Aimar Capa Danbor Nagusiak zuzendu du San Sebastian Martxa, eta, segituan, Desfilea hasi da.
Milaka haurrek hartu dituzte Donostiako kaleak. Argazkia: EFE.
Astelehen honetan, urtero urtarrilaren 20an gertatzen denez, Donostiak festa-egun handia du. Gauerdian hasi da; une horretan ekin zioten donostiarrek danborrak jotzeari, Bandera Igoeran. Ordutik, helduen 151 danborrada, 19.000 bat donostiarrekin, ari dira parte hartzen, Haur Danborradan irten diren haurrez gain. Gauerdian, Konstituzio plaza izango da, berriro ere, milaka donostiarren topagunea; izan ere, Banderaren Jaitsiera bertan egingo dute, San Sebastian egunari amaiera egiteko.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.