Danbor-hotsak Donostia hartu du, hotzari aurre eginez
Danbor-hotsak Gipuzkoako hiriburua hartu du. Donostiarrek hotzari aurre egin diote San Sebastian egunari eta festari hasiera emateko. Eneko Goia alkateak bandera igo eta Raimundo Sarriegiren 'San Sebastian martxa' ezagunaren doinuak jota lehertu da festa Gipuzkoako hiriburuan.
Union Artesana elkartearen 150. urteurrena dela eta, danborrada horretako danbor nagusia den Aitor Oyarzabalek "Donostiako Martxa" zuzendu du, Gaztelubideko danbor nagusiarekin batera. Aurretik, Gaztelubidek Urrezko Kupela eman dio Union Artesanari.
Elkarte gastronomikoetan eta jatetxeetan afari tradizionala egin ostean, donostiarrek Konstituzio plaza bete dute jaiari ongietorria egiteko, berriz ere, danbor hotsekin.
151 danborradak, 19.004 lagunek (8.120 emakume eta 10.884 gizon) hunkitu egingo dituzte donostiarrak San Sebastian egunean.
Danborradan ohikoak dira eskularru zuriak eta zapiak eta kapelak, eta aurten inoiz baino aproposagoak izango dira osagarriok, San Sebastian eguna oso hotza izango baita, ETBko meteorologia zerbitzuak iragarri duenez. Horren arabera, termometroek ez dute 10 ºC-ko langa gaindituko, eta hotzenak 0-2 ºC artean ibiliko dira. Halere, ateri eutsiko dio.
CONTENIDO NO ENCONTRADO
Haurren danborrada
8.800 ume baino gehiago ibiliko dira astelehenean, San Sebastian egunean, Donostia hiria zeharkatuko duten Haur Danborradetan. Aurten lehen aldiz, Haur Danborradan ez da Easo Ederrik izango; izan ere, Aitor Ikastolak zuen pertsonaia horren papera nork ordezkatuko duen aukeratzeko ardura, baina beste pertsonaia baten alde egitea erabaki zuen.
41 eskolak hartuko dute parte aurten Haur Danborradan, eta protagonistak hautatzeko txandakatu egiten dira ikastetxe horiek guztiak. 2020an, Harri Berri Oletak izan du Danbor Nagusia aukeratzeko ardura, eta Aitor Ikastolari hauek zehaztea egokitu zaio: Jenerala eta haren laguntzailea, alkatesa, notarioa, batelaria, iñudea, arrantzalea, irulea eta herritarrak, besteak beste. Aitor Ikastolako Gurasoen Elkarteak erabakita, baina, Easo Ederrak eta ohorezko damek ez dute bat egiten berdintasun-balioekin.
2020ko Urrezko Danborra
Realeko emakumeen futbol eta hockey taldeek jasoko dute 2020ko Urrezko Danborra, Donostiako Udalaren Bozeramaileen Batzordeak adostuta, gehiengo kualifikatuz.
Bezperan, Hiritar Merezimenduaren Dominak banatu ditu Eneko Goia Donostiako alkateak. Aurten, hauek saritu dituzte: Jesus Rubio Raymond ekintzaile soziala, Itziar Mintegui animaliak eta landareak babesteko elkarteko kidea, buruko gaitzak dituzten pertsonen bizi-kalitatea hobetzeko lan egiten duen Why Not Fundazioa, Naizen Elkartea (Chrysallis) eta erradiazioaren ondorioak jasaten dituzten ume errusiar eta bielorrusiarrak hartzen dituen Bikarte Kultura.
Jaia, Donostian bakarrik ez
San Sebastian eguna ez da Gipuzkoako hiriburuan soilik ospatzen. Azpeitian, Lakuntzan eta Tafallan ere egun handia dute urtarrilaren 20a, eta egitarau zabala prestatu dute.
Azpeitian helduen danborrada egin dute, eta igande eguerdian hasi dute festa. San Sebastian egunean, haurren danborrada izango dute, eta sokamuturra ere ez da faltako, beste hainbat ekitaldirekin batera. Gauerdian amaituko dute jaia.
Nafarroan ere ospatzen dute San Sebastian, Lakuntzan eta Tafallan.
Zure interesekoa izan daiteke
Txirrindulari bat hil da Forondan, auto batekin izandako istripu batean
Ezbeharra 08:50ak baino minutu batzuk lehenago gertatu da, A-4306 errepideko biribilgune batetik gertu.
Osakidetzak 17 pertsona txertatuko ditu berriro Bilbon eta Lasarten, hotz-katearen akats baten ondorioz
Osasun Sailak berretsi egin du EH Bilduk salatutako hotz-katearen akatsa, eta berriro txertatuko ditu kaltetuak: bost Lasarten eta hamabi Arangoitin. Rebeka Uberak gertatutakoa "ulergaitza" dela esan du, orain gutxi Osakidetzan iraungitako txertoekin izandako polemika gogoraraziz.
Eibarko Udalbatzak ezohiko osoko bilkura egingo du gaur, San Joan jaietako sokamuturrak bertan behera utzi edo ez erabakitzeko
Bilkura arratsaldeko 19:00etan egingo da, eta ordu erdi lehenago, 18:30ean, elkarretaratzeak egingo dira udaletxe kanpoan, sokamuturraren aldekoen eta aurkakoen aldetik.
Albiste izango dira: Abisu horia beroagatik, Estatu Batuen eta Iranen arteko bake akordioa eta "Bizi Natura" saioaren denboraldi amaiera
Gaurkoan Orain-en albiste izango direnen laburpena, bi hitzetan.
Eusko Jaurlaritzak euskara azterketetako zeroen auziko "balizko gorabeherak" aztertzeko eskatu dio EHUri
Unibertsitate eta Hezkuntza sailburuek eta errektoreak urgentziazko bilera egin dute, giro adeitsuan. Aurretik, Jaurlaritzaren bozeramaileak eskatuta zuen azterketak azkar zuzen ditzatela, eta Unibertsitatearen esku daudela esan du. EHUk erantzun du "prozesu guztia" Eusko Jaurlaritzarekin batera egiten dela.
39 urteko gizon bat atxilotu dute, Basaurin adingabe bati sexu-erasoa egitea egotzita
Erasoa larunbat goizaldean egin zuten, lonja batean.
Nafarroako Larrialdietako Zuzendariordetzak botako du sanferminetako txupinazoa
Erakunde hori aukeratu dute herritarrek bozketan, Joseba Asiron alkateak iragarri duenez.
Amaitu da Martuteneko presoak Zubietako espetxe berrira lekualdatzeko prozesua
Ertzaintzaren konboi batek 230 preso eraman ditu asteazken honetan Martutenetik Zubietako espetxe berrira, segurtasun neurri zorrotzekin. Operatibo honekin amaitutzat eman da espetxe zaharraren huste historikoa.
44 urteko garraiolari bat hil da Murchanten, beste kamioi batekin izandako istripu batean
Ezbeharra AP-68an gertatu da. Bertaratu diren langileek ezin izan dute ezer egin hildakoaren bizia salbatzeko. Istripuan 41 urteko beste garraiolari bat zauritu da.
Bi pertsona atxilotu dituzte Bizkaian, Hezbollahrekin zerikusia dutelakoan
Operazioa sekretupean dago, eta ez dute xehetasun gehiagorik zabaldu. Libanoko taldearen beso armatua Europar Batasuneko erakunde terroristen zerrendan dago; ez, ordea, alderdi osoa.