Lau atxilotu Irurtzunen, Donostiako Danborradan 53 mugikor lapurtzeagatik
Foruzaingoak hiru gizon eta emakume bat atxilotu ditu Irurtzunen, ustez Donostian, hilaren 20an, San Sebastian eguneko Danborradan, 53 mugikor lapurtzeagatik. Ostutako gailuetako baten geolokalizazioak ahalbidetu du taldea atxilotzea. Donostiako Udaltzaingoaren eta Ertzaintzaren aurrean aurkeztutako salaketa guztiek jasotzen zuten lapurretak Gipuzkoako hiriburuko Alde Zaharrean egin zituztela.
Astelehenean bertan egin zituzten atxiloketak. Egun horretan, mugikorra lapurtu zioten aretxabaletar emakume gazte batek Ertzaintzari esan zion bere gailua Irurtzungo hotel batean kokatzen ari zela tabletarekin sinkronizatuta zuen geolokalizagailuak. Halaber, zehaztu zuen Danborradan konturatu zela mugikorra ez zeramala aldean. Ertzaintzak Foruzaingoarekin bat egin zuen, eta horrek Altsasuko polizia-etxeko patruila bat bidali zuen segituan bertara.
Hiru atxilotuek agenteen aurrean bakoitzak bere aldetik deklaratu ostean, eta horien bertsioak ez zetozela bat ikusirik eta horiei hiru mugikor eta 766,54 euro hiru zatitan bereizita atzeman ondoren, Iruñeko polizia-etxe nagusira eraman zituzten, ikerketarekin jarraitzeko. Autoa miatzean, Ertzaintzarekin harremanetan jarri zen emakumearen mugikorra agertu zen, eta gela batean ezkutatutako motxila batean, beste 49 mugikor aurkitu zituzten, mota eta modelo askotarikoak.
Hainbat polizia-aurrekari
21-30 urte bitartekoak dira lau atxilotuak, eta hainbat polizia-aurrekari dituzte antzeko lapurretak egiteagatik; gehienak, Bartzelonan egin izan dituzte. Haietako bati, halaber, agirien faltsukeria ere egotzi diote; izan ere, gidabaimen faltsu bat zuen. Epailearen esku daude, ostegunetik.
Bitartean, Foruzaingoa mugikorren jabeak ari da abisatzen, 53 mugikorrak itzultzeko; hamaika jabek aurkeztuta zuten salaketa. Honelako kasuak gerta ez daitezen, Foruzaingoaren gomendioa da urruneko geolokalizagailua aktibatzea, kokapen-ahokaduren bidez edo kokapen-aplikazio espezifikoak erabiliz.
Zure interesekoa izan daiteke
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe eskainiko du ibilbidea, eguneko 24 orduetan.
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.