Sare sozialak "sutan", Iñaki Williamsek jaso dituen irain arrazistekin
Jokalari, politikari, pertsona ezagun zein herritar anonimo ugarik babesa agertu diote gaur arratsaldean Iñaki Williams Athleticeko jokalariari Espanyol-Athletic Club partidan jasan behar izan dituen irain arrazistengatik. #NoAlRacismo #SayNoToRacism traolarekin, milaka mezu zabaldu dira Twitterren, honelako jokaerekin amaitu beharra dagoela aldarrikatzeko.
Cornellako RCDE Stadiumean aldatu dutenean, iraindu dute Williams: "Jendeak bere taldea animatzea oso ondo dago, baina zalegoaren zati bat zure aurka hasten bada eta irain arrazistak egiten hasten bada, ez dago ondo. Jendeak bere taldea animatzera etorri behar du futbol-zelaira, futbolaz gozatzera, talde eta laguntasun kirol bat baita, eta oso itxusia da gertatu dena. Azkenean, irainka ari zirenak ez zirela ez bi ez hiru ikusita, nik ere aurre egin diet, barrua ikutu dit eta 'saltatu' egin dut, min egin baitit" azaldu du jokalariak ETBko mikrofonoaren aurrean.
"Guztiok gara pertsonak, guztiok gara gizakiak, hezur haragizkoak, berdin dio naziotasuna edo azalaren kolorea; jendea futbolaz gozatzera etorri behar da eta ez beste pertsona bat iraintzera, beste herrialde batekoa delako edo beste azal kolore bat duelako" hausnartu duo.
CONTENIDO NO ENCONTRADO
Kamera aurrean barrua hustu ondoren, txio bat idatzi du Williamsek Twitterren, arrazismoarekin "guztion artean" amaitu beharra dagoela aldarrikatzeko.
Milaka "birtxio eta atsegite" jaso ditu txio horrek baita milaka babes mezu ere sare sozialetan. Tartean, bere talde Althleticena, noski, baina baita aurkarienak ere, Realarena, kasuko:
"Lotsagarrikeria puta" idatzi du bere taldekide Mikel San Josek, eta Athleticen nahiz Real Madriden jokatu zuen Rafa Alkortak ere argi eta garbi hitz egin du: "Nire gurasoek besteak errespetatzen irakatsi zidaten, azal kolorea begiratu gabe, besteak nondik datozen begiratu gabe, bestearen sexualitatea begiratu gabe; ez dakit zer duten buruan Williams iraindu dutenek. PENA ematen dit".
Espainiako presidente Pedro Sanchezek eta Pablo Iglesias presidenteordeak ere mezu zuzenak argitaratu dituzte euren sareetan:
Euskal politikarien artean, Andoni Ortuzar EAJko presidenteak babes osoa agertu dio Williamsi: "arduradun politiko gisa, AthleticClubeko bazkide gisa, eta euskal herritar gisa nire babes, hurbiltasun eta maitasun" osoa du, idatzi du.
Lander Martinez Euskadiko Podemosen idazkari naugiak ere babesa agertu dio jokalariari eta arrazismoak ezin duela tokirik izan nabarmendu du, "ez kirolean ezta gizartean ere".
EH Bilduk ere eraso arrazistak ezin direla onartu salatu eta Jon Iñarritu Madrilgo diputatuak iragarri du astelehenean interpelazioa aurkeztuko dutela Gobernuak ze neurri hartu behar dituen galdetzeko:
Iñaki Williamek jasan dituen irain arrazistek ez dute partidan bertan inolako neurririk eragin. Williams berak azaldu duenez, Iker Munian kapitainak gertatzen ari zena azaldu dio arbitroari "baina ez dakit aktan jasota geratu ote den".
Iragan abenduaren 15ean Rayo Vallecanoren estadioan partida bertan behera geratu zela ekarri dute gogora Twitterreko erabiltzaile askok. Zozuliak irain "naziak" jasan zituela eta, arbitroak bertan behera utzi zuen Rayo Vallecano eta Albaceteren arteko partida orduan. Gaur gertatuarekin alderatuta, salaketa hau egin du, adibidez, Quique Peinado, telebistako kolaboratzaileak:
Eta zentzu berean, Gabriel Rufian ERCko diputatuak futbol zelaietan esan daitezkeen eta esan ez daitezkeenen balizko zerrenda txiokatu du:
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.