Hondakin industrialak beste erkidego batzuetara eraman nahi ditu Eusko Jaurlaritzak
Eusko Jaurlaritzak beste erkidego batzuetara eraman nahi ditu orain arte Zaldibarko zabortegian pilatzen ziren hondakin industrialak; izan ere, Euskal Autonomia Erkidegoak ez du gaitasunik hondakin horiek guztiak bere gain hartzeko.
Elena Moreno Ingurumen sailburuordea Araba, Bizkaia eta Gipuzkoako zabortegietako arduradunekin eta hondakinak Zaldibarrera eramaten zituzten enpresetako ordezkariekin bildu da gaur goizean, Gasteizen.
Zaldibarreko zabortegian 500.000 tona hondakin industrial pilatzen ziren urtean, baina EAEko zabortegietan ez dago leku nahikorik zabor hori guztia hartzeko.
Morenok aitortu du egoera "larria" dela, eta jakinarazi du dagoeneko beste autonomia batzuetako agintariekin harremanetan jarri direla, EAEko enpresek sortutako "eta arriskutsuak ez diren hondakinak" erkidego horietara eramateko aukeraz hitz egiteko.
Gaurko batzarrean EAEko zabortegietako arduradunek jarrera positiboa erakutsi dutela adierazi du, baina erantsi du Zaldibarko luiziak eragindako egoera "oso konplexua" dela eta "urduritasun eta presio handia" dagoela.
Horrez gain, oraingoz euskal enpresak normaltasunez jarduten ari direla esan du, besteak beste, horietako askok hondakinak aldi batean gordetzeko instalazio propioak dauzkatelako.
Nolanahi ere, premiazkotzat jo du arazo honi irtenbidea datozen egunetan ematea.
Bestalde, Zaldibarko zabortegitik ateratzen ari diren hondakinak behin-behienean pilatzeko handik hurbil dagoen lursail batean zelda bat eraikitzen ari direla jakinarazi du Ingurumen sailburuordeak.
Bien bitartean, lurpean desagertuta dauden bi langileak bilatzeko lanetan jarraitzen dute zabortegian.
Zure interesekoa izan daiteke
Etxegabetzeen aurkako dekretua luzatzeko eskatu dute, 2026an dozenaka familia kalean ez geratzeko
Donostian egindako prentsaurreko batean, Kaleratzeak Stop elkarteko ordezkariek, EH Bilduko, Podemoseko eta EB-IUko kideekin batera, abenduaren 31n amaituko den "babes soziala" luzatzeko eskatu dute, eta Eusko Legebiltzarrak aste honetan onartutako Etxebizitzaren, Lurzoruaren eta Hirigintzaren arloko Premiazko Neurriei buruzko Legearen kontra agertu dira.
Mitika diskotekako atezain batek kolpatuta hil zen Kerman Villate gaztea omendu dute Gasteizen
Kerman Villateren senideek prozesu judizialaren nondik norakoak salatu dituzte, eta egia eta justiziaren bila jarraituko dutela adierazi dute. Ehunka pertsona bildu dira Kermanen omenez egindako ekitaldian.
UEMAren esanetan, 2026ak “hizkuntza politika berriaren orubeak sendotzeko urtea” izan behar du
Urdiain eta Zeberio sartuta, 120 udalerrik osatzen dute jada Udalerri Euskaldunen Mankomunitatea (355.000 biztanle). Euskararen kontrako oldarraldia dela eta, “euskarak benetako lege-babesa izan dezan akordioak adosteko ahalegin guztiak” egingo dituela esan du Martin Aramendi UEMAko lehendakariak.
Zorteak irribarre egin dio Barakaldori: loteriaren bigarren sari batek 1,2 milioi euro utzi ditu
Larunbat honetako Espainiako Loteriaren zozketak 1,2 milioi euro utzi ditu Barakaldon. Loteriaren 17. administrazioak oso-osorik saldu du bertan 54299 zenbakia.
Adingabe batek Getxoko talde batean jasandako erasoak eta jazarpena salatu ditu horren familiak
Biktimak bi urtez jaso ditu ezkutuko deiak, irainak, jazarpena sare sozialetan eta eraso fisikoak. Eraso larriena udan jaso zuen, erasotzaileek inguratu eta jo egin baitzuten. Konortea galduta, lurrera erori zen, eta erasoa grabatu egin zuten.
1932an Eibarrek Niceto Alcala Zamorari oparitutako pistola berreskuratu dute Frantzian
Pistola 1931 eta 1936 artean II. Errepublikako presidente izan zen Alcala Zamorari oparitu zioten Eibarko elkarte errepublikarreko emakume talde batek. Frantziako poliziak urtarrilean berreskuratu zuen legez kanpo bildumagile frantziarren eskuetan zegoen arma.
Aita Marik 56 pertsona erreskatatu ditu 2025eko azken misioan
Erreskatea gaur goizean egin dute, Lampedusatik 34 mila nautika hegoekialdera. Erreskatatutakoen artean 7 haurtxo eta 16 adingabe daude. Bi hilabeteko haurra eta bere gurasoak Aita Maritik eraman behar izan dituzte haurrak muturreko desnutrizioa eta deshidratazioa zituelako.
Iruñeko Irabia ikastetxeko ikasle ohi batek salatu du Opus Deiko apaiz batek sexu erasoak egin zizkiola nerabezaroan
Opus Deik, bere aldetik, gertatutakoa onartu du, bai eta Donostian eta Madrilen ere antzeko bi kasu izan zirela argitu ere. Lehenengoa, adingabe batekin jazo zen; bigarrena, berriz, 45 urteko emakume batekin.
VacaPop, ganadua erosi eta saltzeko aplikazioa: “Edadekoak ere hasi dira, pixkanaka, erabiltzen”
Inora joan beharrik gabe abereak saldu eta erosteko helburuarekin sortu da VacaPop mugikorrerako aplikazioa. Azoken zain egon barik, Internet bidez behiak, zaldiak, ahuntzak, landako makinaria eta bazka saldu eta erostea posible da honezkero. Oier Aizpuru eta Aitzol Gorospe abeltzain gazteek adierazi dutenez, oso erraza eta azkarra da. Nabarmendu dute, halaber, tratuak era tradizionalean ixten direla, alegia, aurrez aurre.
“Gure hezkuntza, euskalduna” lelopean, milaka ikasle kalera atera dira
Hego Euskal Herriko ikasleriak bat egin du Ikamak deituriko greba egunarekin. Manifestazio jendetsuak egin dira Iruñean, Gasteizen, Bilbon eta Donostian. Euskara oldarraldi judizial eta politiko bat jasaten ari dela eta indarrean dagoen hezkuntza ereduak euskara mesprexatzen duela salatu dute.