Ekologistak Martxanek kereila aurkeztu du Verter Recyclingen aurka
Ekologistak Martxan plataformak kereila bat aurkeztu du Durangoko Auzitegian herri-akusazio gisa Verter Recycling 2002 Zaldibarko zabortegiaren jabearen aurka, eta ez du baztertzen administrazio publikoetako arduradunen aurka ere jotzea, ikerketan delitu zantzuak aurkitzen badituzte.
Plataforma ekologistak uste du Zaldibarren gertatutakoa ez zela "zorizko" zerbait izan, eta horregatik jo du enpresaren aurka, "ingurugiroaren eta langileen segurtasunaren aurkako delitua" egon daitekeelako, "administrazioaren kontrol ezagatiko ardurak baztertu gabe".
Ekologistek gogorarazi dutenez, otsailaren 6an zabortegian izan zen lur-jausiak eragin zuen Alberto Sololuze eta Joaquin Beltran langileak lurpean, edo zaborpean, desagerraraztea.
Kereila horretan gaineratu dute hasiera batean "segurtasun neurri egokirik gabe egin zituztela larrialdi eta erreskate lanak, amiantozko eraikuntzen 16.148 tona hondakin zituen zabortegi batean", "inolako tratamendurik, isolamendurik edo bereizketarik jaso ez zuten hondakinen" artean.
Era berean, suteak sortu zirela, "dioxina eta furano isuri altuak" atzeman zituztela eta "herritarren segurtasunerako eta osasunerako alertak eta aholkuak" zabaldu zituztela aipatu dute salaketan.
Aixolako erreteneko eta Ego ibaiko kutsadura ere agertzen da kereilan, amonioa eta metal pisutsu batzuen maila altuegiak aurkitu dituztelako bertan.
Horregatik, Ekologistak Martxanen kereila, printzipioz, Verter Recycling 2002 enpresaren aurkakoa da, eta bestelako arduradunik auzipetzen badute, horien aurka zabalduko dute.
Izaera juridikoari dagokionez, plataformak uste du natur baliabideen eta ingurugiroaren aurkako delitua egon daitekeela, eta baita langileen eskubideen kontrakoa ere.
Bestalde, Ekologistak Martxanek ez du baztertzen, ikerketak agerrarazten duenaren arabera, administrazioaren aurka bestelako ekintzaren bat abian jartzea, balizko prebarikazioaren kasuan.
Albiste gehiago gizartea
Karabela portugesa gorabeherak eragiten ari da Euskal Herriko hondartzetan
Donostiako Zurriolan eta Kontxan, eta Bizkaian Bakioko hondartzan atzeman dituzte. Itsas korronteen eta haizearen ondorioz iritsi ohi dira bizidun horiek itsasertzera, eta zenbaitetan horien ziztadak arriskutsuak izan daitezke.
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.