Beltranen familia: "Gure heroia diru-goseagatik eta praxi txarragatik hil da"
Joaquin Beltranen familiaren hitzetan, "gure heroiak batzuen diru-goseagatik eta besteen praxi txarragatik galdu zuen bizitza". Zaldibarreko zabortegian duela hilabete gertatutako luizian harrapaturik geratu zen langileetako bat da. "Ez zen gertatu behar eta 30 egun geroago zabor tona askoren azpian jarraitzen du, hura aurkitzeko beharrezko baliabide guztiak ez jartzeagatik".
Ehunka pertsonak elkarretaratzea egin dute Zallako Euskadi plazan, Joaquin Beltran eta Alberto Sololuze langileak gogora ekartzeko. Aurrenaren senideek deitu dute protesta, Beltran Zallan bizi baitzen.
"Joaquin gogoan" lelopean protesta egin dute. Pankarta plazako kioskoan zintzilikatu dute. Manifestari batzuek lore eskaintza egin eta kandelak piztu dituzte, otsailaren 6tik desagerturik dauden bi beharginak gogorarazteko.
Joaquin Beltranen eta Alberto Sololuzeren senideek eta lagunek parte hartu dute elkarretaratzean. Bost minutuko isilunea gorde ondoren txalo egin dute manifestariek.
Ondoren, Joaquin Beltranen koinata Marta Alvarezek hartu du hitza. "Jadanik 30 egun pasa dira ezbeharra eman zenetik", gogorarazi du eta "ez dugu erantzunik jaso, Joaquin gure artean ez egoteak suntsitzen gaitu".
"Izugarrizko galera konponezinaz gain, gure artean ez dago eta tortura horri egunero egin behar diogu aurre, eta horrez gain, merezi duen atsedena eta agurra ezin diogu eman", gaineratu du.
Alvarezek bere buruari galdetu dio nola ulertarazi diezaiekeen Joaquinen seme-alabei "euren oinarri, gidari eta erreferentea zena ez dela itzuliko, eta haren emazteari bere bizitza-kidea zena joan egin dela adierazi".
Ekitaldian esandakoarekin Joaquin Beltranen emaztearen eta haren hiru seme-alaben sentimenduak aditzera eman nahi zituela nabarmendu du, "haiek ez baitute hori egiteko indarrik".
"Bizitzen ari garen mina, kalbarioa eta agonia azaltzeko nago hemen. Beltranez harro gaudela jakinarazi nahi diogu mundu guztiari”, adierazi du hunkituta.
"Alberto eta Joaquin bilatzeari ez uzteko" eskatu du; izan ere, "bi familiek merezi dugun zerbait da", eta "zabortegi horretan lurperatuta jarraitzen duten minutu orok" Konstituzioan jasotako pertsonen duintasunerako eskubidea urratzen duela azpimarratu du.
Joaquin Beltranen senideak Zallako (Bizkaia) elkarretaratzean. Argazkia: EFE
Zure interesekoa izan daiteke
Hilda topatu dute Arredondon, Kantabrian, desagertutako mendizale bilbotarra
Goizeko lehen orduan aurkitu dute haren ibilgailua, eta, horri esker, mendizalea inguru horretan zebilela baieztatu, eta bilaketa-eremua mugatu dute.
Iruñea kolorez eta euskararen aldeko aldarrikapenez bete du Korrikak
Milaka lagun korrika ibili dira Nafarroako hiriburuko kale eta auzoetan barrena, euskararen aldeko festa jendetsu bihurtuta. Adin guztietako pertsonak bildu dira Iruñean, indarrak hartu ondoren, kaleak energiaz, emozioz eta konpromisoz betez.
Albaceteko zale batekin eztabaidatu ostean hil den Racingeko zale baten heriotza ikertzen ari dira
Ikerketaren gertuko iturriek baieztatu dutenez, gertakariaren jatorria ez dago futbolarekin lotuta, ezta bi taldeetako jarraitzaileen arteko borrokaldi antolatu batekin ere.
EITBk Korrikaren lekukoa eraman du Iruñean
Euskararen aldeko lasterketak EITBren babesa jaso du aurten ere. 24. Korrikaren 763. kilometroa korritu du EITBk, Iruñean, Sadar kalean. Arnaitz Fernandez ("Eguraldia") eta Amaiur Elizari ("Navarra Hoy") aurkezleek eta Iruñeko egoitzako lankideek eraman dute lekukoa Nafarroako hiriburuan.
Arrazakeriaren aurkako 29. martxak etorkinen erroldatzeko eskubidearen alde egin du
500 bat lagunek hartu dute parte gaur Pasaia eta Donostia arteko manifestazioan. SOS Arrazakeriak Arrazakeriaren eta Xenofobiaren aurka antolatutako XXIX. Martxan, etorkinek erroldatzeko eskubidea dutela aldarrikatu dute.
El Bocal kostaldeko pasabidean hildakoak gogoratzeko eta justizia eskatzeko protesta egin dute Santanderren
El Bocaleko pasabidean izandako ezbeharrean hildako sei gazteak gogoratzeko eta justizia eskatzeko protesta egin dute ehunka pertsonak eta kolektibok Santanderren. "Egiaren eta biktimen duintasunaren alde" lelopean, hirigunea zeharkatu dute udaletxeraino, eta bertan manifestu bat irakurri dute haien omenez.
Gizon bat atxilotu dute Bilboko Zorrotza auzoan, bi edukiontzi erretzea egotzita, eta beste zortzi erre ote dituen ikertzen ari dira
Atxilotuak bi edukiontzi erre dituela aitortu du. Sua bizkortzeko asmoz manipulatutako metxero bat zeraman aldean atxilotu dutenean.
Angulen legez kanpoko trafikoaren aurkako operazioa 10 atxiloturekin eta 400 kilo atzemanda amaitu da
Guardia Zibilak eta Jendarmeriak elkarlanean egindako operazioan, Gipuzkoan eta Iparraldean aritzen zen talde bat desegin dute.
Bartzelonan, Madrilen eta Berlinen ere Korrika!
Korrikak ez duela mugarik erakutsi du berriz ere. Larunbat honetan ehunka lagun bildu dira Bartzelonan, Madrilen eta Berlinen euskararen alde korrika egiteko. Tradizio bihurtzen ari da Euskal Herritik kanpo ere korrika egitea eta auten 50 hiri handitan antolatu dute hitzordua. Ikusmin handia eragin dute inguruan zebiltzan herritarren eta turisten artean.
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.