Eusko Jaurlaritzak ez du bilaketa etengo bi langileak aurkitu arte
Eusko Jaurlaritzak duela hilabete lurperatuta geratu ziren Zaldibarko (Bizkaia) zabortegiko bi langileen bila jarraituko duela berretsi du, eta bilaketa lehenago uzteko aukera baztertu du.
"Topatzea da aukera bakarra, baina horretarako denbora behar dugu", adierazi du Ernesto Martinez de Cabrero Uraren Euskal Agentziaren (URA) zuzendariak, Ermuan izan den luiziaren lanak kudeatzen dituen mahai teknikoaren bileraren ostean.
"Ez dakizue nola partekatzen dugun bi familien etsipena", adierazi du erreskatearen geldotasuna eta deskoordinazioa aurpegiratzen dituzten kritiken harira.
"Geologoen iritziz egiten ari dira lanak" mendi-hegalaren egonkortasuna zaintzea delako helburua, azpimarratu dute. Lanak "pixkanaka burutzera" behartzen du horrek, eta, gainera, azken egunetako euriak bilaketa atzeratu du.
Anituak jakinarazi duenez, datorren asteburuan bilaketa lanekin jarraituko dute, eta, euren aurreikuspenen arabera, makinekin luiziaren eremu guztietan sartzea lortuko dute, batean izan ezik.
Zabortegi zaharraren baskularen ingurua egiteke dago oraindik, "luiziaren zentroa dagoen lekuan", azaldu du Martinez de Cabrerok.
Zati hori 40 metro inguruko altuera duen hondakinen fronte handi baten azpian dago, eta bertan lanean ari dira 40.000 metro kubiko kentzeko, 39 metro inguru zabaltzeko, eta horrek lurrak eusteko sistema bat planifikatzea eskatuko du.
Orain arte iritsi ez diren bide bat irekitzea lortu dute Anituaren aburuz, eta "hildakoren bat topatzeko aukerak" handitu daitezke; hori dela eta, datozen egunetan zonalde horretan lan egingo dute.
Gasteizko Gardelegiak jaso dezakeen hondakinen kopurua handitzea aztertzen ari dira
Gorka Urtaran Gasteizko alkateak Gardelegik jaso dezakeen hondakin kopurua "noraino irits daitekeen" aztertuko duela adierazi du, Eusko Jaurlaritzak egindako eskaeraren aurrean "ahalik eta industria hondakin kopuru handiena onartzeko".
Urtaranek jakinarazi du "datorren astean" proposatutako 23.000 tona hondakin jasotzen has daitekeela, Zaldibarko zabortegiaren luiziak eragindako krisiari aurre egiteko. Gardelegik kopuru hori bere gain har dezakeela ziurtatu du, "giza baliabideen eta baliabide materialen errefortzu txiki batekin".
Hala ere, Udalak "zabortegiaren ustiapen sistemari eragin gabe" zabor kopuru handiagoa har dezakeen aztertuko du. "Noraino irits gaitezkeen aztertuko dugu", adierazi du alkateak.
Urtaranek argi utzi du Gardelegik jasoko dituen hondakinak "Arabako hondakinak, arriskutsuak ez direnak eta udal zabortegiaren baimena dutenak" izango direla, epe mugatu batean.
Zure interesekoa izan daiteke
Marijaia eta zirkuaren bisita dute gaur Basurtuko Ospitalean, Aste Nagusiko bosgarren egunean
Ekitaldi eta ikuskizunetako teknikariek Bizkaia osoan deitutako grebak baldintzatuko du asteazkeneko programazioa. Jarduera batzuk bertan behera geratu dira jada, eta beste batzuk, berriz, egunaren bilakaeraren zain daude.
Nafarroako Urzainkiko baso-sutea kontrolatutzat jo dute
Gaur gauean, Nabaskoze parkeko suhiltzaileak egongo dira bertan, zaintza-lanak egiten.
Kobre lapurrek 176 hilobi kaltetu dituzte Errenteriako hilerrian
Gurutzeak, argazki-markoak eta bestelako apaingarriak eraman dituzte Errenteriako hilerrian. Azken hilabetean bitan izan dira lapurretak eta oraingoan 4 salaketa daude, momentuz. Udalaren arabera, nahiko bideratuta dago kasua eta datozen egunetan guztia argitzea espero dute.
Osasun Publikoak esku hartu du Eibarko taberna batean tortillen kontsumoarekin lotutako salmonelosi-agerraldi baten aurrean
Detektatutako 29 kasuetatik 25ek osasun-arreta behar izan zuten, eta bederatzi ospitaleratu egin zituzten. Guztiek alta jaso dute jada. Kutsatutako arrautzak Aragoiko ustiategi batekoak dira.
Euskal Herriko urtegien % 48,8 dago beteta, abuztuan ohi baino ia 6 puntu gutxiago
Uztailaren hasieratik, urtegietan bildutako ura azken 20 urteetako batezbestekoaren azpitik dago, eta alde hori astez aste handitzen joan da.
Hondarribiko Alarde tradizionalak "jarrerak polarizatzea eta herritarrak haserretzea" leporatu dio Udalari
HAOSE elkarteak dio otsailean utzi zuela konponbidea bilatzea helburu zuen prozesua, "gardentasun faltagatik eta prozesuarekiko leialtasun faltagatik", eta uste du Udalak orain argitaratutako komunikatuaren helburua dela alarde ez parekidearen defendatzaileak "deslegitimizatzea".
Espainiako Gobernuak bere gain hartu du Ceutako krisiaren kudeaketan aginte bakarra
Espainiako Gobernuak "historian aurrenekoz" deklaratu du Segurtasun Nazionalaren interes egoera eta migrazio krisiari eman beharreko erantzuna koordinatzeko aginte bakarra hartu du. Angel Victor Torres Lurralde Politikako eta Memoria Demokratikoko ministroak zuzenduko du egitura.
Patata-tortilla usaina eta festa giroa Bilbon, Aste Nagusiaren laugarren egunean
Gaur goizean, Areatzako patata-tortilla lehiaketak 400 parte-hartzaile baino gehiago bildu ditu; herritar eta konpartsakideak zartagina eskuan aritu dira euren trebezia erakusten. Gainera, eguerdian, ohikoa den moduan, bilbainadak entzun dira Pergolan, Los Chimberos taldearen eskutik.
Nafarroak frankismoaren biktimen memoria berreskuratu du "Objektuen memoria" erakusketan
Erakusketak Nafarroako hobi komunetan egindako prospekzio eta hobitik ateratze lanetan berreskuratutako objektuak biltzen ditu, frankismoaren errepresioaren biktimen historia eta memoria herritarren esku jartzeko. Iruñeko Alde Zaharreko Rozalejo Markesaren Jauregi berrituan dago ikusgai.
Gizon bat atxilotu dute Gasteizen, genero indarkeria egotzita, bikotekidearekin eztabaida bat izan ostean
Udaltzainak etxebizitza batera joan ziren, eta borroka batekin bateragarriak ziren zantzuak ikusi zituzten.