Koronabirusagatik hildakoak sei dira, Gipuzkoan 69 urteko emakume bat zendu ostean
Euskal Autonomia Erkidegoan sei dira koronabirusaren ondorioz hildakoak, azkenengo kasua aurretik patologiak zituen Gipuzkoako 69 urteko emakume bat da.
Nafarroaren kasuan, sei kasu berri erregistratu dira aurretik atzemandako pazienteekin harremana duten pertsonen artean.
Kasu berri horiek Nafarroan positibo eman duten gainerako kasuei gehitu behar zaizkie, Gobernu Foralaren arabera asteburu honetan hiru kasu atzeman dira eta jakinarazi du pazienteak ospitaleratuta daudela oraindik, osasun-egoeran aldaketa nabarmenik gabe.
Era berean, Bastidako (Araba) ikastetxeen jarduera bertan behera geratuko da. Ikastetxeak ez du ikasleekin aurrez aurrekorik izango, gutxienez 14 egunez. Neurri hori ikastetxeko eskolaz kanpoko jardueretara ere zabalduko da.
Halaber, sortutako egoera dela eta, eta kutsatuen gorakadaren ondorioz, bi astez Gasteizen hezkuntza jarduera guztia ere bertan behera uztea erabaki du Eusko Jaurlaritzak. Neurri hori mota guztietako ikastetxeei eragiten die, bai publikoei, bai pribatuei eta bai hezkuntza-aldi guztiei.
Eusko Jaurlaritzako Osasun Sailak ere lehen koarentena ezarri du EAEko egoitza batean, erregistratuttako koronavirus kasuen aurrean. Gasteizko San Martin auzoan dagoen zentro pribatua da, eta Sanitasek kudeatzen du. Azken egunotan 26 kasu positibo antzeman dituzte: 22 adineko (horietako bi azken orduetan hil dira) eta lau langile.
Eusko Jaurlaritzak jakitera eman duenez, egun 148 kasu positibo daude Euskadin (atzo baino 46 gehiago), eta horietatik 47 ospitaleratuta daude. Guztira 122 Araban daude, 21 Bizkaian eta 5 Gipuzkoan.
Euskadin hildakoen kopuruari dagokionez, beste bostak Araban (3) eta Bizkaian (2) izan ziren.
Epidemiologiako eta Osasun Publikoko adituen gomendioak oinarri hartuta eta Nazio Batuen Erakundearen eta Munduko Osasun Erakundearen irizpideei jarraituz, Osasun Sailak adierazi du Eusko Jaurlaritzak prebentzio-neurriak indartzea erabaki duela, "Euskadin egoera epidemikoa geldiarazteko".
Bestalde, Osasun Sailak gaur goizean gomendatu du kasu positiboak atzeman diren zentroen jarduera bertan behera uztea. Birusa ikasleen artean geldiarazteko prebentzio-neurri bat da.
Albiste gehiago gizartea
Gizon bat atxilotu dute Portugaleteko taberna batean beste bati aizkoraz erasotzeagatik
Atzo 20:00etan gertatu zen erasoa. Biktimak zauriak ditu eskuetan eta bizkarrean.
Albiste izango dira: Saretzen txostena, PSNren krisia eta Errefuxiatuen Mundu Eguna
Gaurkoan albiste izango direnen laburpena, bi hitzetan.
Oñatiko Larraña Etxeak 20 nazionalitateko 100 errefuxiatu hartzen ditu
Zentroa kudeatzen duen Zehar-Errefuxiatuekin elkarteak salatu du Atzerritarrei buruzko Legearen Erregelamenduaren azken erreformak nazioarteko babesa eskatzen duten pertsonak "zigortzen" dituela. 3.000 pertsonak baino gehiagok eskatu dute nazioarteko babesa Euskadin aurten.
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Musika, nagusi: EAEko 10 kultur ekitalditatik hiru musikari lotutakoak dira
6.342 kontzerturekin, musika euskal agendan gehien agertzen den forma kultural gisa finkatu zen iaz. Ondoren antzerkia (4.239 ekitaldi) eta, urrunago, zinema/ikus-entzunezkoak (2.349) eta dantza (860).
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.