Zer egin koronabirusagatik koarentenan bazaude: osasun-aholkuak
Euskadiko Fisioterapeuten Elkargo Ofizialak "ahalik eta aktiboen" egotea gomendatzen die koronabirusaren eraginez etxean edo ospitalean isolatuta daudenei, mugimenduak mugatzearen ondorioak saihestea helburu.
Fisioterapeuten esanetan, 300 bat lagun daude isolatuta Euskadin. Ohar batean, elkargoak "kezka" agertu du, "konfinamendu-epe luze batek ekar litzakeen ondorioengatik"; hala ere, zehaztu dutenez, "neurri hori, konfinamendua, indarrean dagoen osasun-krisiarekin bat dator. Herritarren eta osasun-langileen segurtasunari eta osasunari eman nahi zaie lehentasuna, eta horregatik hartu dute neurri hori", azpimarratu du.
Fisioterapeutek "jarduera fisiko terapeutikoa" gomendatu diete "mugimenduak mugatuta" dituztenei, "betiere nork bere ahalmena kontuan izanik, eta osasun-langileek adierazitakoaren arabera. Hori dena, lekua eta eskura dituzten baliabideak murriztuta egon arren".
Testuinguru horretan, elkargoak gogorarazi du "ikerketa askok" lotu izan dituztela mugikortasunik ezako edo ohean egon behar izateko epe luzeak hainbat osasun-arazorekin; adibidez, zurruntasun artikularrarekin, indar muskularraren galerarekin, arnas-arazoekin, zirkulazio-arazoekin, idorreriarekin, azaleko ultzerekin, edo buruko egoerarekin (depresioa, desorientazioa…), besteak beste.
Aholkuen artean, fisioterapeutek gomendatzen dute "ez geratzea ohean behar baino luzeago, ondo hidratatzea, dieta eta haren edukiera kalorikoa egokitzea, eta oinarrizko lau gaitasun fisikoak lantzea, alegia, malgutasuna, abiadura, erresistentzia eta indarra".
Lau gorputz-adarrak erabilita, mugimendu-irismeneko ariketa aktiboak
Era berean, gomendagarritzat jo dute, "lau gorputz-adarrak erabilita, mugimendu-irismeneko ariketa aktiboak egitea; mina eragin dezaketenak baztertuta, astunak edo hain astunak ez diren objektuak hartzen edo lekualdatzen saiatu ahal da, eserita, edo aulki batetik altxatu eta bertan eseri, hainbat aldiz, hanketan indarra ez galtzeko eta mugak gainditzeko".
Ibiltzeko ahalmena izanez gero, gomendatzen dute "galeren barruan edo urrunen dauden etxeko puntuen artean" hori egitea, "gutxienez bost minutu pazienteak altxatuta ematen duen orduko". Azkenean, "mugatutako lekuak lekualdaketa handirik baimentzen ez badu", gogora ekarri dute 'simulatutako ibilketa' aukera ona dela, "aurrera egin gabe, belaunak altxatuta, bata bestearen atzean".
Albiste gehiago gizartea
Zarautzeko Udalak hondartzan erretzea eta bozgorailuak erabiltzea debekatuko du
Udalbatzak aho batez onartu zuen araudia berria, baina alegazioak aurkezteko epea zabalik egongo da abuztuaren 6ra arte.
Harresi baten aztarnak aurkitu dituzte Gasteizko Antzoki Zaharra birgaitzeko lanetan, besaulki-patioaren azpian
Arkeologoek txosten bat egingo dute aurkikuntza aztertzeko, eta, bitartean, lanek normaltasunez aurrera jarraituko dute antzokiaren gainerako eremuetan.
San Adriango kobazuloan neandertalak bizi izan zirela berretsi du Aranzadik
40.000 urte baino gehiago dituzten piezak berreskuratu dituzte arkeologoek. Aranzadik bi hamarkada daramatza Gipuzkoan, Aizkorri mendilerroan, dagoen tunel horretan indusketak egiten. Historiako garai ugaritako aztarnak aurkitu dituzte.
Euskararen aurkako azken epaia salatzeko elkarretaratzeak deitu ditu UEMAk larunbat honetan, udaletxeen aurrean
Euskarak "justizia" behar duela nabarmendu du Martin Aramendi Udalerri Euskaldunen Mankomunitateko (UEMA) lehendakaria, eta Auzitegi Gorenetik heldu dena, "ez da justizia, euskara bigarren mailara kondenatzen duen epaia baizik". "Horregatik, aukera guztiak aztertu, eta prest gaude EAEko udal legea dagokion lekuan defendatzeko, baita Europako auzitegietan ere, zerbitzu juridikoek horretarako aukera ikusiz gero", gaineratu du. Halaber, gogoratu du EAEko udal legea "mugarri" izan zela udalerri euskaldunentzat, "elebitasun simetrikoa gainditzeko eta euskara lehenesteko aukera eman zuelako".
Atzerapenarekin bada ere, iritsi dira Saharako haurrak Euskal Herrira
Agiriak tramitatzeko izan dituzten arazoen ondorioz, 15 egun beranduago iritsi dira Euskal Herrira Saharako 213 neska-mutikoak. Orain bertako familietan edota aterpetxeetan igaroko dute uda abuztu bukaera arte. Behar dituzten osasun frogak egiteaz gainera, elikadura hobetzea eta basamortuko 50 graduko tenperaturak ekiditea da Oporrak Bakean ekimenaren helburua.
Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.
"Torre Pachecoko migratzaileek ultraeskuinak egoera astindu aurretik zegoen bizikidetza itzultzea besterik ez dute nahi"
Asier Sanchez ETBk Torre Pachecon duen berriemaileak nabarmendu du, bertako meloi zelai batetik, poliziaren presentzia izugarria dela herrian, batez ere San Antonio auzoan. Bertan biltzen da magrebtar biztanleria. Ultraeskuindarrek beste elkarretaratze bat deitu dute gaurko, 20:00etan, baina ez dute horretarako baimenik. Torre Pachecoko bizilagunek atzoko egoera errepikatzea espero dute.
"Kezkatuta eta beldur handiarekin gaude. Nire semeak ez du etxetik irten nahi"
Joan den ostiralean 16 urteko gazte bat jipoitu zuten Torre Pachecon. Duela 23 urte Murtziako herria honetan bizi den emakume ondarroar baten eta marokoar baten semea da gaztea. Domingoren aurkako erasoa salatzeko manifestazio baketsu batera joan zen lagunekin, baina, sareetako bulo baten ondorioz, Domingoren erasotzailearekin nahastu zuten, eta pertsona talde batek lintxatu egin zuen. Amak herrian eta familian bizitzen ari diren amesgaiztoa kontatu digu.
Sareetako eduki arrazistek gora egin dute, diskurtso "oldarkorragoa eta sofistikatuagoa" erabilita
Sare sozialetan gorroto-diskurtsoa monitorizatzen duen behatokiak mota honetako 54.000 eduki baino gehiago atzeman zituen ekainean: % 81 Afrika iparraldeko pertsonei zuzenduta zeuden, eta plataformek mezuen % 29 baino ez zituzten ezabatu.
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.