Balmasedako (Bizkaia) eta Arabako Errioxako ikastetxeak, itxita
Eusko Jaurlaritzaren Osasun Sailak Arabako Errioxako eta Balmasedako (Bizkaia) hezkuntza zentroak ixtea erabaki du. Arabako Errioxaren kasuan, neurriak 1.900 bat ikasleri eragin die.
Balmasedaren kasuan, Bizkaian itxitako lehen zentroak dira. Eusko Jaurlaritzak klaseak bertan behera uztea erabaki du martxoaren 12tik 23ra, koronabirus gaixotasunak udalerrian eragindako epidemia dela eta.
El Gobierno Vasco ha ordenado suspender las clases en los centros educativos del municipio vizcaíno desde mañana día 12 hasta el 23 de marzo, debido a la especial incidencia de la epidemia de coronavirus en esa localidad.
Cristina Uriarte Hezkuntza sailburuak bidali duen oharrean jasotzen denez, eskola-jarduera aldi baterako etetea erabaki da, "koronabirusaren foku epidemiologikoak Balmasedan eragin berezia duela egiaztatu ostean, transmisioa eta kutsatze-kopurua kontrolatzeko".
Ikasgelak ixtearekin batera, Hezkuntza Sailak "ikasleen artean koronabirusa hedatzea" galarazi nahi du, "koronabirusa eskala handiagoan transmititzea saihestuz".
Oharrean Osasun Sailak, Osasun Sailak gomendatu du ikasleek esparru itxiak eta talde-jarduerak saihestea, baina "bizitza arruntarekin" jarraitu dezatela adierazi du.
Ikastetxeak familiekin harremana mantenduko du informazio eguneratua helarazteko.
Arabako Errioxan, guztira, bederatzi hezkuntza-zentro daude, Lehen Hezkuntzatik DBHra, eta bost haurtzaindegi, Hezkuntza Sailaren iturriek zehaztu dutenez. Orain arte, Bastidako bi eskolak eta Guardiako bat zeuden itxita; hain zuzen ere, koronabirusagatik Estatu espainiarrean itxitako lehen eskolak izan ziren.
Argudiatu zuten, orduan, horiek Harotik gertu daudela; izan ere, Errioxako udalerri hori koronabirusaren foku nagusietakoa da. Astelehenean bertan, Gasteizko beste ikastetxe batean, bi irakaslek positibo eman zuten, eta, hortaz, itxi egin zuten; neurria, asteartean, hiriko hezkuntza-zentro guztietara zabaldu zen.
Kasu guztietan, helburua izan da birusaren hedapena saihestea, gaixoen kopurua etengabe hazten ari baita. Guztira, Euskadin, asteazken honetan, 261 koronabirus-kasu daude, asteartean baino 64 gehiago; Araban daude EAEko inon baino kutsatu gehiago, 201 positiborekin.
Zure interesekoa izan daiteke
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".