Koronabirusa
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Zer da osasun larrialdi egoera eta Eusko Jaurlaritzari ematen dizkion tresnak

Exekutiboak pertsonak etxeetan edo toki seguruetan konfinatzeko aukera izango du, baita arrisku guneetatik herritarrak ateratzeko edo urruntzeko ere.
Gurutzetako Ospitalea. Artxiboko irudia: EFE
author image

EiTB.EUS

Azken eguneratzea

Eusko Jaurlaritzak osasun larrialdi egoera jarri du indarrean Euskal Autonomia Erkidegoan gaur, astelehena, koronabirusagatik. Exekutiboak pertsonak etxeetan edo toki seguruetan konfinatzeko aukera izango du, baita arrisku guneetatik herritarrak ateratzeko edo urruntzeko ere.

Zehazki, hauxe dio Larrialdiak Kudeatzeko Legearen zortzigarren artikuluak:

1.– Babes zibilaren arloko agintaritza eskudunak herritarren eskubideei eragiten dieten jarraibide eta oharrak eman ahal izango ditu legeetan ezarritakoaren arabera, bai eta hartzaileek derrigor bete beharko dituzten neurriak hartu ere, aplikatu beharreko planean ezarritakoaren edo hondamendiak gertatzen direnean aktibatutako babes zibileko plan baten arabera, edo larrialdiak edo babestu beharreko ondasunek sortzen dituzten beharrek hala eskatzen dutenean.

2.– Besteak beste, honako neurri hauek hartu ahal izango ditu:

a) Pertsonak beren etxeetan edo leku seguruetan konfinatzea.

b) Pertsonak arrisku-lekuetatik ebakuatu edo urruntzea.

c) Arriskuko edo ekintzako eremuetarako sarbidea mugatzea.

d) Zerbitzu publiko eta pribatuen erabilera edo ondasunen kontsumoa mugatu edo baldintzatzea.

e) Leku jakin batzuetan jarduerak mugatu edo debekatzea eta arreta, prebentzio edo jokabide jakin batzuk hartzeko betebeharra ezartzea.

3.– Manu honetan aipatzen diren neurriak zorrozki mugatuak egongo dira larrialdiari aurre egiteko beharrezkoa den denbora-tartera; halaber, neurriok arriskuaren araberakoak izango dira, eta ez dute inolako kalte-ordainik jasotzeko eskubiderik emango.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn uztailaren 16tik, eta Nafarroan, uztailaren 17tik. Iparraldean, "espazio publiko itxietan" derrigorrezkoa da uztailaren 20tik.
Eusko Jaurlaritzak osasun-larrialdi egoera ezarriko du astelehenean
EAE osasun larrialdira itzuliko da gaur, birusaren hedapena gelditzeko
Tabernetako edukierak, ordutegiak eta pertsonen bilerak murriztuko dituzte berriro
Gizartea Araba Bizkaia Gipuzkoa Iñigo Urkullu Euskal Autonomia Erkidegoa Eusko Jaurlaritza Gaixotasunak Eguneko Titularrak Alarma-egoera Covid-19aren aldaera berriak Osasun larrialdia

Albiste gehiago gizartea

18:00 - 20:00
ZUZENEAN
Duela  min.

27 pertsona ebakuatu behar izan dituzte Montserrateko funikularretik, Katalunian, euri jasa gogorrak direla eta

Montserrat funikularraren inguruetan 100 litro bota ditu metro koadroko, eta 27 pertsona ebakuatu dituzte euriteek eragindako luizi baten ondorioz. Katalunia osoa dago abisu laranjan eta euriak gogor jo du, batez ere, Bartzelonan, Gironan eta Tarragonan. Suhiltzaileek 90 bat esku-hartze egin dituzte dagoeneko, eta errepideetan ardura handiz gidatzea eskatu dute. Euriteen ondorioz, gainera, bertan behera gelditu dira zenbait hegaldi, eta Gironan atzerapenak daude tren zerbitzuan, trenbidera eroritako zuhaitz bategatik. 
Gehiago kargatu