RACVNek alarma egoera bitartean jarritako TAOko isunak baliogabetzea eskatu du
Real Automovil Club Vasco Navarrok (RACVN) TAOko isunak bertan behera uztea eskatu du, COVID-19 koronabirusaren pandemiak ezarritako alarma egoera bitartean. Gainera, eskertu du Bilboko eta Donostiako udalek TAOri buruz zeukaten "jarrera zuzendu" izana, eta ikuspuntu berria, "gainerako Udalekin bat datorrena", egokia dela uste dute, nahiz eta "berandu" iritsi den.
Ohar baten bidez, RACVNk "kontraesantzat" jo du TAOa mantentzearen erabakia, kalera ateratzea debekatzen duen alarma-egoeraren Errege Dekretuarekin "bateragarria ez zenean".
"Paradoxa bat eman da: udal-ordenantza betetzen zenean, Errege Dekretua urratzen zen; dena den, bidezkoa da aitortzea RACVNk ez duela ezagutzen bere ibilgailua lekuz aldatzeagatik edo beste tiket bat jartzeagatik isuna jarri dioten erabiltzailerik", adierazi du.
RACVNren arabera, Bilboko eta Donostiako Udalek "dei efektuak, pilaketak eta egonaldi luzeko aparkalekuak saihesteko" hartutako erabakia justifikatzeak ez du zentzurik, "joan-etorriak oso gutxi izan dira eta izaten ari dira, egun hauetan frogatu ahal izan den moduan". Egoera hori egun "bi Udalek onartu izan dute", azpimarratu du.
RACVNek adierazi duenez, bi Udalen hasierako jarrera "TAOko langileak eta erabiltzaileak arriskuan jartzen zituen, tiketa lortzeko parkimetroak erabili eta botoiak sakatu behar zituztelako".
Kontuan hartuta "Udalak TAOa mantentzearen erabakiak kalteak eragin ahal izan dizkiela isuna jaso duten erabiltzaileei", RACVNek eskatu du "alarma-egoeran ezarri diren isunak bertan behera uztea eta ordaindu dituztenei zenbatekoa itzultzea".
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.