Etxerik gabeko emakumeentzako aterpetxe baten itxiera salatu dute Barakaldon

"Itxieraren ondorioz, etxerik gabeko zazpi emakumeetatik bik aterpetxean jarraitzeari uko egin diote, abusu matxisten beldur, eta egun ez dakite kalean bizitzera itzuli diren", azaldu dute.

Barakaldoko Udalak etxerik gabeko emakumeentzako aterpetxea ixteko erabakia kritikatu dute. EiTB

Agentziak | Erredakzioa

2020/03/30 - 14:01

Azken eguneratzea

2020/03/30 - 15:13

'Argitan' Barakaldoko Emakumeen Aholkularitza Zentroak salatu duenez, etxerik gabeko emakumeentzako aterpetxea "bat-batean" itxi eta bertan zeuden emakumeak zentro misto batera eraman dituzte. Horrek esan nahi du "COVID-19 birusaren eta abusuen aurrean segurtasunezko eremua" galdu dutela.

Argitanek ohar batean, Barakaldoko Udalak "bat-batean" etxerik gabeko emakumeentzako aterpetxea "ixtea" erabaki duela kritikatu du. Urtarrilean jarri zuten martxan, eta apirilera arte jarraitzea aurreikusita zegoen, baina martxoaren 24an zerbitzua emateari utzi zioten, "langileek aterpetxe mistoa artatu behar zutela" argudiatuz.

"Etxerik gabeko pertsonentzako aterpetxe mistora lekualdatu dituzte beste aterpetxeko emakumeak; aurretik indarkeria matxista jasan duten emakumeek 60 pertsona gizon baino gehiagorekin partekatu behar dute etxebizitza, eta, aldi berean, zaila da COVID-19 koronabirusaren aurkako babesa bermatzea" ohartarazi dute. Izan ere, Argitanek azaldu duenez, erabiltzaileen arabera, "bi kasu positibo daude".

"Harrera-etxea ixtea" deitoratu dute, "etxerik gabeko zazpi emakumeetatik bik aterpetxean jarraitzeari uko egin diote, gehiegikeria matxisten beldur direlako, eta egun ez dakite kalean bizitzera eta lo egitera itzuli diren".

Bestalde, etxerik gabeko pertsonentzako aterpetxe mistoak 28 lagunentzako tokia zeukan Lasesarreko kiroldegian, martxoaren 16ra arte. Beraz, erabiltzaileak Barakaldoko frontoira lekualdatu ziren, eta "ordura arte kalean lotan zeuden beste hiru dozena herritar" batu zituztela azaldu dute.

Hala ere, zentroak adierazi duenez, "martxoaren 26an berriro lekualdatu ziren denak, gizonezkoak zein emakumezkoak, Lasesarreko kiroldegira, baina ez aterpetxera, kirol anitzeko kantxara baizik".

"Udalaren jardunak, prentsari emandako datuekin, inprobisazioa eta planifikazio falta erakusten du. Hala, aterpetxeko emakumeek bi etxe-aldaketa egin behar izan dituzte 48 ordutan, eta ingurune seguru eta osasuntsu batetik atera dituzte, masifikatutako eta era guztietako arriskuak dituen gune batera eramateko", deitoratu du Argitanek.

Bertako arduradunek Udalari kritika egin diote, "eginbehar guztiak artatzeko langile kopurua handitu beharrean, emakumeentzako zerbitzu espezifikoa ezabatu" egin duelako, eta "itxiera eta konfinamendu masibo honen eraginpean dauden bi emakume indarkeria matxistaren biktimak" direla nabarmendu dute. Eurek eskatu zioten Udalari "gune seguru bat", emakumez inguratua soilik, "lasaitasun eta babes handiagoa bermatzeko". Udalak, ordea, "entzungor" egin duela salatu dute.

Esparru horretan, Emakumearen Aholku Zentroak berretsi du koronabirusaren pandemiak eragindako krisia "indarkeria matxisten egoerak larriagotzea" eragiten ari dela, "baita emakumeek pairatzen duten pobrezia eta prekarietatea ere, indarkeria eta sexu-erasoak jasateko arrisku handiagoa baitute, tratu txarrak eragiten dizkietenekin edo bortxatzaileekin bizitzera behartuta daudelako".

Hori dela eta, "egiturazko konponbideak" eskatu ditu, "enplegu duina eta baldintza berdinak" bermatzen dituzten neurriak eskatzen dituztenak, baita "emakumeei bizitza duin batez gozatzeko aukera emango dien babes sozialeko sistema bat ere, normaltasun zein salbuespen egoeretan".

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta / edo deitu doako telefono hauetako batera: 900 840 111 (Euskadin) edo 016 (Estatu osoan). Ez dute fakturan arrastorik uzten, baina bai telefonoan. Beraz, ez ahaztu ezabatzea.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Kontseiluaren telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.

Zure interesekoa izan daiteke

Elkarretaratzea egin dute Basaurin, talde feministek deituta

Basauriko hilketa matxista salatzeko elkarretaratzea egin dute ostiral arratsaldean, talde feministek deituta

2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.

Itzurun hondartza, mikroplastikoz beteta

Azken egunotako denboraleen ondorioz, mikroplastikoz beteta agertu zen atzo Zumaiako Itzurun hondartza. Naiara Malave Euskal Kostaldeko Geoparkean lan egiten duten Begi Bistan-eko kideak azpimarratu du arazoa mundu mailakoa dela, eta azken hamarkadetako plastikoaren gehiegizko erabileraren ondorioetako bat.

Asesinato machista en El Kalero (Basauri)

Gizon bat atxilotu dute Basaurin, bikotekidea hiltzea egotzita

Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, atxilotuak askotan urratzen zuen urruntze agindu bat zegoen.

Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"

Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.

Azpeitiko sutean kaltetutako bi lagunek alta jaso dute eta beste bizileku bat eman diete

Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.

2016ko Itzuliak Bilboko kaleetan izango duen eragina, planoan

Aldaketak Bilboko trafikoan datorren astelehenean, Itzulia Basque Country dela eta

Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.

50.000 pertsonak baino gehiagok eman dute izena jada Osakidetzako EPEn

EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.

18:00 - 20:00

19 eta 21 urte bitarteko bost gazte atxilotu dituzte Gasteizen adingabe bat sastatzeagatik

Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.

Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”

Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.

Bi pertsona ospitalera eraman dituzte Azpeitiako etxebizitza batean izandako sute baten ondorioz

Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.