Renfek garraio zerbitzua egokituko du Gipuzkoan eta Bizkaian
Renfek bidaiarien mugikortasuna bermatzen duen zerbitzua jarri du martxan Gipuzkoan eta Bizkaian, eta zerbitzu horren eskari errealera egokitu du -gaurtik aurrera-. Eredu berriarekin ohiko zerbitzua murrizten ari da, egokitzapen honen arrazoia azken asteetan Donostiako eta Bilboko erdigunean emandako bidaiarien beherakadari dagokio, baita alarma egoerak eragindako mugikortasun murrizketei ere.
Gipuzkoan, zerbitzuak ordutegi bera du asteko egun guztietan, 06:00etatik 22:48ra. Irun–Brinkola linean, eguneroko zerbitzuetan ibiliko liratekeen trenen % 50 eskaintzen ari dira.
Bizkaian ere ordutegi bera da egunero, kasu honetan 05:00etatik 22:30era arte. C1, Bilbo-Santurtzi, eta C2, Bilbo-Muskiz, lineetan, alarma-egoerarik gabeko astegun batean ibiliko lirateeken trenen % 50 ibiltzen ari dira; C3 linean (Bilbo-Urduña), trenen % 40 ibiltzen ari dira; eta C4f linean (Bilbo-Balmaseda), % 30.
Trenak eta trenbideetako instalazioak desinfektatzea
Koronabirusaren ondorioz hartutako neurri bereziak eta jarduteko prozedura zehatzak aplikatzen jarraitzen du Renfek, trenak, geltokiak eta trenbideetako instalazioak garbitzen eta desinfektatzen ari dira; langileen desinfekzio produktuen hornidurarekin osatzen ari dira (zipriztingailuak, zapi bustiak, desinfektatzeko likidoa, gel banagailuak, etab.).
Garbiketa lanak desinfekzio produktuekin erabilera publiko eta orokorreko unitate guztietan egiten ari dira (eskubandak, gidarien kabinak, barandak, trenetako botoiak, leihoen markoak, eskulekuak, heldulekuak edota jesarlekuak garbitzen ari dira, besteak beste). Buruko kabinak bereziki desinfektatzen ari dira, eta behin tailerretara iristen direnean lan guztia berriro errepikatzen dute.
Garbiketa eta desinfekzio lanak geltokietan, tornikete eremuetan, autosalmentako makinetan eta erabiltzaileei arreta eskaintzeko leihatiletan ere gauzatzen ari dira.
Horrez gain, geltokietan, salmenta eta informazio puntuetako leihatilak metakrilatozko manparekin babestu dituzte, bidaiarien eta langileen artean babesa eta distantzia zaintzeko. Bidenabar, Renfeko langileen lan instalazioetan ere esku hartu da, txanda aldaketak egiten diren zona komunak desinfektatu baitira.
Zure interesekoa izan daiteke
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".