Tabernen bezeroak eta garraioen erabiltzaileak % 94 eta % 89 gutxitu dira
Kafetegietara eta jatetxeetara joan diren pertsonen kopurua % 94 jaitsi da Euskadin, alarma-egoeraren lehen bi asteetan, aurreko bi hilabeteetako batez bestekoarekin alderatuta, eta % 88 jaitsi dira tren, metro eta autobus geltokietako erabiltzaileak, Googlek ostiral honetan argitaratu dituen mugikortasun datuen arabera.
Espainian, % 94 eta % 89 jaitsi da, hurrenez hurren, ostalaritza-lokaletara eta garraio-geltokietara joan diren pertsonen kopurua.
Ikerketa 131 herrialdetan telefono mugikorren jarraipena eginez gauzatu dute, eta emaitzen artean, EAEko parkeetara eta aisialdirako lekuetara joan diren pertsonen kopurua % 93 jaitsi dela ondorioztatu dute (Estatuko batez bestekoa baino % 89 gutxiago).
Enpresak datu anonimoak erabiltzen ditu pribatutasun diferentzialaren eta zarata artifizialaren bidez, erabiltzaile bakoitzaren informazioa babesteko eta pribatutasunean mantentzeko.
Googlek urtarrilaren 3a eta otsailaren 6a bitartean bost astez (alarma egoeraren lehen partean) izandako mugikortasuna hartu du erreferentziatzat.
Euskadiko datuak, Espainiako batez besteko datuekin alderatuta oso antzekoak diren arren, jatetxe, kafetegi, merkataritza-zentro, parke tematiko, museo, liburutegi eta zinemetarako joan-etorriak nabarmen jaitsi dira martxoaren 8tik 15erako astearen lehen erdian, eta mugikortasunak % 94 egin du behera bigarrenean, ordura arteko datuekin alderatuz.
Garraio publikoko geltokietara joan diren pertsonen kopuruari dagokionez, beherakada martxoaren 11n hasi zen, eta, aisialdirako lekuen kasuan bezain arina izan ez den arren, martxoaren 20an % 88ko beherakada izan zen, hilaren 29ko azken datuekin alderatuz.
Parkeetara, hondartzara eta pasealekuetara joan diren pertsonen kopuruak % 93 egin du behera Euskadin; supermerkatu eta farmazietan, berriz, bezeroak % 77 gutxitu dira, lehengaiak bermatzeko irekita jarraitzen duten lokalak baitira. Dena den, alarma-egoera ezarri aurretik, aurrez aurreko bezeroen kopuruak gora egin zuen.
Lantokira joaten diren pertsonen kopuruak ere behera egin du bat-batean, % 63raino, eta etxebizitzetako joan-etorriak, berriz, gora egin dute, % 22.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.