Donostiako epaitegi batek osasun neurriak betetzeko eskatu die bi egoitzari
ELAk adinekoen hiru zentroren aurka jarritako salaketa izapidetzea eta sindikatuak eskatutako kautelazko neurria ezartzea onartu du Donostiako Lan arloko 1 zenbakiko Epaitegiak. Hartara, Iurramendi (Tolosa) eta San Jose (Ordizia) egoitzei eskatu die osasun neurriak betetzeko, langileak covid-19tik babeste aldera.
Horrela, epaitegiak Zu eta bioki, Euleni eta Kabia foru organismo autonomoari galdegin die “berehala eta urgentziaz, covid-19aren pandemiak diraueino indarrean diren araudi, agindu, gida eta protokoloetan onartutako neurriak betetzeko, betetzen ari ez diren heinean, horietan jasotzen denari jarraituta test diagnostikoak eginez, langile guztiak arriskuan diren langiletzat hartuz eta langile guztiei norbera babesteko ekipo oso eta homologatuak emanez, arrisku biologiko eta birusen aurrean beharrezkoak baitira”.
Horrez gain, eskatu dio “testak egin eta gero diagnostiko egokia lortutakoan, isolamenduari eta kokatze mailan dagozkion neurriak hartzeko” eta langileei “arrisku planaren” berri emateko.
Halaber, beste neurri batzuk ere aipatu ditu epaitegiak, hala nola “garbiketa zerbitzua indartzea, langileei heziketa gaurkotu eta berariazkoa ematea”
ELAk, joan den astean Iurramendi (Tolosa), San Jose (Ordizia) eta Argixao (Zumarraga) egoitzetako langileen osasun, bizitza eta osotasun fisikorako eskubideak babesteko hiru salaketa aurkeztu zituen sindikatuak, azaldu du azken zentro horri dagokion autoa ez dela oraindik jendarteratu.
Albiste gehiago gizartea
Gizon bat atxilotu dute Bilbon, atzo izandako hilketarekin zerikusia duelakoan
31 urteko gizon bat da. Ertzaintzak ikerketa zabalik du oraindik, gertakaria argitzeko. Beste bi gizonezko daude identifikatuta.
Haurtxo bat hil da Gasteizen, bigarren solairuko leiho batetik erorita
Adingabea Txagorritxuko ospitalera eraman zuten urgentziaz, eta han heriotza egiaztatu besterik ezin izan zuten egin.
Israelek Gazan hil dituen 1.580 osasun-langileak omendu dituzte Gasteizen
Txagorritxuko Ospitalearen atarian egindako irakurketaren helburua "genozidio sionistak hildako osasun-langileen memoria eta bizitzak gogoan izatea" izan da. Mugarik Gabeko Medikuen arabera, bi urte hauetan 1580 osasun-profesional hil ditu Netanyahuren Armadak ospitaleen, kliniken eta larrialdi eta erreskate taldeen aurka egindako erasoetan.
Abian da Beldur Barik egitasmoaren 16. bideo lehiaketa, gazteek indarkeria matxistaren aurrean duten jarrera erakuts dezaten
Miren Elgarresta Emakunderen zuzendariak Donostiako Lauaizeta ikastetxean egindako ekitaldian gogorarazi duenez, programaren helburua da gazteen artean indarkeria matxista prebenitzea, "neskak ahalduntzea lagunduz eta mutilei berdintasunaren beharraren gainean hausnartzen lagunduz, denen parte-hartzearekin gizarte berdinzaleago baten alde egiteko".
Berdintasun Ministerioak orkatilako telematikoak kudeatzeko kontratu berri bat lizitatuko du "hilabete gutxi barru"
"Hobekuntza teknikoak" egongo dira, hala nola plataforma bat gailu horien datuen jarraipen etengabea egin ahal izateko. Dena dela, Berdintasun ministroak esan duenez, "orkatilakoek funtzionatzen dute, ondo funtzionatu ere".
Gizon bat atxilotu dute Hernanin, urtebetean laugarrenez, pertsonen trafikoan ibiltzea egotzita
25 urteko atxilotuak bost lagun zeramatzan gidatzen zuen furgonetan, modu irregularrean. Gainera, atxilotuak ez zuen gidabaimenik.
Gizon batatxilotu dute Gasteizen, denda bateko langileari genitalak ukitzea leporatuta
Antza denez, susmagarria langilearengana hurbildu zen, produktuak apaletan jartzen ari zenean, eta genitalak ukitu zizkion.
Aburtok bizilagunen laguntza eskatu du Bilboko hilketaren egileak atxilotzeko
Igandean Solokoetxe auzoan 21 urteko gizon bat labankadaz hil zutela eta, atzoko eguna "oso gogorra" izan zela onartu du Bilboko alkateak. Halaber, hilketaren egileak aurkitzeko Ertzaintzarekin kolaboratzeko dei egin die bizilagunei.
Ertzaintzak identifikatu ditu jada Bilbon 21 urteko gizon bat hil zuten hiru lagunak
Identifikatu ostean, bilatzeko lanean ari dira. Erasoa igande goizean gertatu zen, Bilboko Solokoetxe auzoan. Biktimak arma zuriz egindako zauria zuen bularrean, eta Gurutzetako Ospitalean hil zen.
Ibai batek eraman zuen adingabe baten gorpua aurkitu dute Bartzelonan, eta aitaren bila ari dira
Desagertuen ibilgailua sakan baten hondoan aurkitu dute, oso egoera txarrean; euri-jasa bortitzen ondorioz, ur-emaria handitu egin da, bi metro eta erdira arte.