Bizkaiko 23 garbiguneek ateak zabalduko dituzte berriro, astelehen honetatik hasita
Bizkaiko 23 garbiguneek ateak zabalduko dituzte berriro astelehen honetan, maiatzak 18, COVID-19aren pandemiak derrigortutako etenaldiaren ostean. Konfinamendu garaian bederatzi garbigune bakarrik izan dira zabalik Bizkaian. Astelehenetik aurrera, Foru Aldundiak martxan jarriko ditu garbigune guztiak, astelehenetik ostiralera, ohiko ordutegietan: 9:00etatik 13:25era eta 15:30etatik 18:00etara.
Bizkaiko Foru Aldundiak aditzera emandakoaren arabera, eta koronabirusak eragindako murrizketen ondorioz, martxoaren 17tik garbigune nagusiak bakarrik izan dira lanean (Barakaldo, Basauri, Durango, Erandio, Gernika-Lumo, Getxo, Gueñes, Igorre eta Markina), gremioek hondakinak bertara eraman jarraitu ahal izateko.
Denbora horretan, zerbitzua “euren jardueran jarraitu duten sektoreen beharrizanei erantzuteko gai izan dela erakutsi du, bederatzi garbigune horiekin”. Orain, eta deseskalatzearekin batera, posiblea da herritarren beharrizanei erantzutea eta garbigune guztiak zabaltzea, baina beti “segurtasun neurri guztiak errespetatuz langileen eta erabiltzaileen osasuna zaintzeko eta bermatzeko”.
Hasiera batean, garbiguneak astelehenetik ostiralera zabalduko dira, baina ekainaren erdialdetik asteburuetan ere zabaltzea aurreikusten dute.
Garbigune mugikorrak
Bestalde, Bizkaiko Foru Aldundiak martxan jarriko ditu berriro garbigune mugikorrak, Garbiker elkarte publikoaren bidez. Horrela, garbigune horiek Bizkaiko udalerrietara itzuliko dira birziklatzea herritarren artean zabaltzeko eta bultzatzeko.
Garbigune mugikorrak pandemiaren aurreko maiztasunarekin mugituko dira irailera arte (astebete emango dute udalerri bakoitzean), baina urritik aurrera maiztasuna handiagoa izango da egonaldiak luzeagoak.
Zure interesekoa izan daiteke
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da.
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.