Ardines zinegotziaren krimenagatik hilketa egotzi die Fiskaltzak lau atxilotuei
Javier Ardines IUko zinegotziaren krimenagatik hilketa leporatu die Asturiaseko Fiskaltzak lau atxilotuei. Llaneseko zinegotzia 2018ko abuztuaren 16an hil zuten, Belmonte de Priako parrokia parean.
Prozeduraren une honetan leporatzen dizkien gertakarien berri eman die Ministerio Publikoak lau ikertuei ostiral honetan.
Fiskaltzak jakitera eman duenez, Pedro L.N.A. biktimaren lagunari hilketaren eragilea izatea egotzi dio, ustezko bi sikarioei (M.K. eta D.B.) hilketa egin izana eta J.M.B haien bitartekari izatea.
D.B. atxilotu aljeriarra espetxeratzen azkena izan zen. Suitzak Espainiari entregatu zion maiatzaren 14an, beste delitu batzuengatik zigorra bete ondoren.
Ardinesen krimena argitzeko ikerketa konplexua abiatu behar izan zuten. Sei hilabete geroago zenbait pertsona atxilotu zituzten.
2019ko otsailaren 19an Pedro L.N.A. zinegotziaren adiskidea atxilotu zuten Zornotzan (Bizkaia), hilketaren eragilea izatea egotzita. Jelosiak bultzatuta bi sikario ez profesionalei krimena aurrera eramateko mandatua eman zien. Bere emaztearen eta zinegotziaren balizko harreman baten susmoa zuen atxilotuak.
Egun berean ustezko bi sikarioak atxilotu zituzten Bizkaian, baita bitartekaria ere. Ikertzaileen arabera, eragilearen eta egileen arteko zubi lanak egin zituen azkenak.
Eragileak 25.000 euro ordaindu zizkiela azaldu zuen D.B. atxilotuak epailearen aurrean, eta beste 10.000 euro bitartekariari. M.K. auzipetuak, ordea, krimenean parte hartu izana ukatu du, nahiz eta mugikorraren seinaleak Llanesen kokatu hilketaren egunean.
Ikertzaileen hitzetan, ustezko eragileak denborarekin eta xehetasun guztiekin prestatu zuen hilketa, jelosiak bultzatuta.
Autopsiaren arabera, zinegotziak buruan eta garondoak kolpeak jaso zituen. Metro gutxi batzuk mugitzeko kapaz izan zen kolpeak jaso ondoren. Gutxi geroago Llaneseko bizilagun batek gorpua topatu zuen.
Zure interesekoa izan daiteke
Entzute prozesuak Guggenheim Museoa Urdaibain zabaltzeko 'ezetza' islatzen du, baina 'baietza' eskualdeko garapenari
Herritarren artean entzute prozesua gidatu duen Agirre Lehendakaria Centerrek azaldu duenez, "hasierako narratiba" horien zati esanguratsu bat "beste joera batera" mugitu da hilabeteetan zehar. Izan ere, Urdaibaiko Guggenheimaren aurkako iritziak jaso dira, baina baita eskualdearen garapenaren aldeko jarrerak.
Korrika egitea, osasuntsu zahartzeko: Fernando eta Leopoldo, 81 eta 76 urterekin korrika egiten jarraitzen duten beteranoak
Fernandok 31 Behodia daramatza, azken bi urteetan beteranoena izanik, eta Leopoldo erretiroa hartu baino pixka bat lehenago hasi zen kilometroak egiten. Korrika egitea botikarik onena da bientzat, ez bakarrik bere ongizate fisikoagatik, gaixotasunak prebenitzen eta zahartzea atzeratzen ere laguntzen baitie.
Ziberindarkeria matxistak ezagutzen laguntzeko gida argitaratu du Emakundek
"Jarri izena" gira gazteei zuzenduta dago, eta bere helburua da ingurune digitaleko indarkeria matxistak identifikatzea, askotan oharkabean pasatzen dira eta, eta alfabetatze digitala eskaintzea, sareetan gertatzen diren indarkeria matxista mota guztiak hautemateko eta horiei izena jartzeko.
Espainiako Gobernuak iragarritako garraio-abonu bateratua urtarrilaren 19tik aurrera erabili ahal izango da
Oscar Puente Garraioetako eta Mugikortasun Iraunkorreko ministroak adierazi duenez, Gobernuaren asmoa gainerako administrazioekin lan egitea da, hala nola autonomia-erkidegoekin eta udalekin, etorkizunean hiri barruko eta hiriarteko abonuak bateratu zein integratzeko eta garraio-txartel bakarrarekin funtzionatu ahal izateko, Europako beste herrialde batzuetan gertatzen den bezala.
Etxegabe bat hil da Donostiako Easo plazan
Hasierako zantzuen arabera, autopsiaren zain, berez hil da. Plazako kioskoan lurrera erori da, antza denez, gaua bertan igaro ostean.
Nafarroa osoan "mugimendu euskaltzalea suspertzea" eta euskararen ofizialtasuna aldarrikatu ditu Euskalgintzaren Kontseiluak
Euskararen Foru Legea onartu zeneko 39. urteurrenean, plataformak salatu du zonifikazioak "oinarrizko eskubideak ukatzen" dituela eta nafarren artean arrakala bat sortu, eta abenduaren 27an Bilbon egingo den ekitaldian parte hartzera deitu ditu herritarrak.
Zestoako sei pertsona epaituko dituzte gaur, horietako baten bikotekidearen integritate moralaren aurkako delitua egotzita
Akusatuen artean dago salaketa jarri duen gizonezkoaren bikotekide ohia, baita Zestoako alkatea ere. Akusazio partikularrak bost urte arteko espetxe zigorrak eskatu ditu, eta mugimendu feministak uste du elkartasun feminista ari direla epaitzen.
Albiste izango dira: Guggenheim Urdaibai proiektuari buruzko erabakia, greba orokorra eta ETB ON plataformaren aurkezpena
Gaurkoan Orain-en albiste izango direnen laburpena, bi hitzetan.
Guggenheimek Urdaibairako daukan proiektuaren etorkizuna, argitzear
Gaur egingo du erabakia hartzeko bilera Guggenheim museoaren patronatuak. EITBk duela aste batzuk jakin ahal izan zuenez, gehiengoak proiektua alboratzearen alde egingo du.
Kamioilari bat hil da AP-8an Irunen izandako istripu batean
Bi kamioik elkar jo dute Baionaranzko norantzan. Ondorioz, autobidea itxi behar izan dute eta auto-ilarak sortu dira.