Ikasle talde iraunkorretan, maskararik eta segurtasun distantziarik ez
Haur Hezkuntzan eta Lehen Hezkuntzako lehen eta bigarren mailan ikasle talde iraunkorrak sortuko dituzte datorren ikasturtean, eta, ondorioz, ume horiek ez dute maskararik jantzi beharko, ezta 1,5 metroko segurtasun-distantzia zaindu beharko ere.
Eusko Jaurlaritzaren Hezkuntza Sailak koronabirusari aurre egiteko protokolo orokorra landu du, eta ikastetxe bakoitzaren esku egongo da 2020-2021 ikasturterako kontingentzia plan propioak diseinatzea, irizpide horiek kontuan hartuta.
Jaurlaritzaren planak hiru agertoki posible aurreikusten ditu datorren ikasturterako: lehen agertokia normaltasunarena izango litzateke eta, betiko moduan, aurrez aurreko klaseak irailean hasiko lirateke; bigarrenean, jarduera presentziala eta telematikoa uztartuko lituzkete; eta hirugarrena konfinamenduarena izango litzateke (beraz, ikastetxeak itxita egongo lirateke).
Hezkuntza Sailak azpimarratu du zentroak prest egon beharko direla pandemiaren bilakaeraren arabera egokitzeko.
Prebentzio neurriak
COVID-19aren sintomak (37 gradu, eztul sikua, eztarriko mina, arnasketarako arazoak…) izanez gero, eskolara ez joateko agindua eman dute.
Oro har, 1,5 metroko segurtasun-distantzia gorde beharko da, tarte hori errespetatu ezin bada maskara erabili beharko da, eskuak sarri garbitu beharko dira eta taldeko jardueratan parte-hartzaileen kopurua murriztuko dute.
Hori da irizpide orokorra, baina salbuespenak ere izango dira. Horrela, bada, Haur Hezkuntzako umeek ez dute maskararik jantzi beharko.
Halaber, Haur Hezkuntzan eta Lehen Hezkuntzako lehen eta bigarren mailetan, talde iraunkorrak sortuko dituzte, ikasleak tutoreekin soilik egon daitezen. Kasu horietan, ez dute segurtasun-distantzia mantendu beharko, ezta maskararik jantzi beharko ere.
Irakasleei dagokienez, maskara janztea borondatezkoa izango da aipatu kurtsoetan, eta derrigorrezkoa gainerakoetan, segurtasun-distantzia mantendu ezin denean.
Ikastetxeen ardura izango da irakasleei eta langileei maskarak ematea. Ikasleek etxetik eraman beharko dituzte, eta horretarako baliabiderik ez dutenen kasuan, zentroak bermatu beharko die.
Ordutegi ereduak
Normaltasun egoeran, Haur eta Lehen Hezkuntzako klaseak goizez eta arratsaldez emango dituzte, baina zentro bakoitzak aukera izango du erabakitzeko astean behin arratsalde bat libratzea, betiere asteko ordu kopurua betez gero.
Derrigorrezko Bigarren Hezkuntzan, kurtso guztia lanaldi jarraituan egin ahalko da.
Batxilergoan, klaseak Internet bidez emateko aukera egongo da, lehenengo mailan gehienez lau orduz eta bigarren mailan gehienez hiru orduz.
Bigarren agertokian egonez gero, Haur eta Lehen Hezkuntzan klaseak aurrez aurrekoak eta goizez izatea lehenetsiko dute. Hirugarren agertokian, berriz, ez da klase presentzialik egongo.
Jangeletako zerbitzuak normaltasunez funtzionatuko du lehen agertokian, eta bigarrenean, ikasle zaurgarrienei soilik emango zaie eskolan bazkaltzeko aukera.
Zure interesekoa izan daiteke
Desfileak, kalejirak eta gutunak ematea hiriburuetan: badatoz Olentzero eta Mari Domingi!
Hiriburuak prestatzen ari dira Gabonetako protagonistei harrera egiteko: desfileak, kalejirak eta bereziki haurrei zuzendutako harrerak udaletxeetan.
Auto-ilarak N-1 errepidean, Tolosan, Gasteizerako noranzkoan izandako istripu baten ondorioz
Ibilgailu bat galtzadatik irteten da eta kilometro eta erdi inguruko auto-ilarak daude; pertsona bat zauritu da. Bestalde, N-634 autobideak itxita jarraitzen du Zumaia eta Getaria artean olatu handiek eragindako itsasaldeko arriskuaren ondorioz.
Albiste izango dira: Gabonetako Loteriaren zozketa, Extremadurako hauteskundeen biharamuna eta abisu horia izotzagatik
Gaurkoan Orain-en albiste izango direnen laburpena, bi hitzetan.
21.000 etxebizitza berri egingo dituzte Gasteizen, eta hiria barrurantz haziko da
HAPO berrian, etxebizitzak zaharberritzeko erreztasunak emango dira eta lokalak beheko solairuetan etxebizitza bihurtzeko atea ireki da, betiere bizigarritasun-baldintza zorrotzak betetzen badituzte. Gainera, Europa Jauregia edo Hornidura Merkatua bezalako eraikinen goiko solairuetan ostalaritza-erabilerak ahalbidetuko dira eta industrialdeetako arauak malgutuko dira.
Gabonetako loteriak 2.772 milioi euro banatuko ditu gaur saritan
Behin-behineko datuen arabera, EAEn 87,43 eurokoa da batez besteko gastua biztanleko; Nafarroan, aldiz, 58,62 eurokoa. Ikusteko dago Hego Euskal Herriak zortea alde duen, duela bi urte bezala. Zozketa 09:00etan hasiko da, eta ORAIN albiste zerbitzu digitalak zuzenean jarraituko du.
Gizon bat atxilotu dute Barakaldon hilda agertu den emakumearen kasuarekin zerikusia duelakoan
Emakumea bere etxean hilda aurkitu dute senideek, "indarkeria zantzuekin". Ikerketak aurrera jarraitzen du, eta autopsiak zehaztuko ditu heriotzaren arrazoiak.
Euria gorabehera, giro ederrarekin ospatu dute San Tomas Bilbon eta Donostian
Negu giroa nagusitu da, baina horrek ez ditu bisitariak kikildu, eta milaka pertsona ibili dira Bizkaiko hiriburuan eta Gipuzkoakoan hara eta hona.
51 urteko gizonezko bat hil da A-1 autobian, Agurain parean izandako istripu batean
Kamioi batek eta auto batek talka egin dute, Irungo noranzkoan. Autoan zihoan beste pertsona, 59 urteko gizasemea, Txagorritxuko Ospitalera eraman dute.
Emakume baten gorpua agertu da Barakaldoko etxebizitza batean, "indarkeria zantzuekin"
Emakumearen senideek Ertzaintzari jakinarazi diotenez, konorterik gabe aurkitu dute bere etxean goizean. Bertaratu ostean, heriotza baieztatu eta ikerketa abiatu du Ertzaintzak gertatua argitzeko.
Jaurlaritzak Neguko Bidezaintza Plana aktibatu du, mendateen egoera bertatik behera jarraitzeko
Jarraipen eta informazio fasea martxan jarrita, elurra kentzeko 215 makina, ibilgailu astunak erretiratzeko 7 garabi eta 130 laguntza-ibilgailu izango dira behar denerako prest.