Lleida, Lugo, Huesca eta Malaga, Espainiar Estatuko agerraldirik kezkagarrienak
Segria eskualdekoa (Lleida) da Espainian kezka gehien sortzen duen agerraldia. Larunbat eguerditik konfinatuta daude berriro, koronabirus kasuak erruz igo direlako. Eskualde horretan dago Lleida probintziako hiriburua. Gutxienez, bi aste konfinatuta egon beharko dira Segrian bizi diren 200 000 pertsonak.
Baina hori ez da Espainiako Gobernua kezkatzen duen agerraldi bakarra. Izan ere, 69 agerraldi identifikatu dituzte Estatu osoan zehar.
Galizian, A Mariña eskualdean (Lugo), egoerak okerrera egin du, aurreko bi egunetan 85 kasu positibo berri atzeman direlako. Galiziako Osasun kontseilaritzak hor dauka jarrit arreta berezia. Xuntaren arabera, agerraldi horren sorburua Burelako itsas portuan dago. Zehaztu duenez, ostalaritza jarduneko hainbat lokaletako langileen gehiengoa da kutsatu dena.
Eskualdeko zenbait lekutan itxialdia ezarri dute. Egoera mendean hartu arte, 600 pertsonatik gora egongo dira etxetik irten ezinik.
Uztailaren 12an hauteskunde eguna izango dute Galizian, eta kanpaina aurrera doa. A Mariñako agintari politikoek herritarren boto eskubidea bermatzeko eskatu diote Xuntari.
Aragoin, 300 pertsona baino gehiago kutsatu dira azken egunetan. Batez ere, Huescan atzemandako agerraldiak dira kezka iturri. Izan ere, probintziako hamar eskualdetatik lau deseskalatzearen bigarren fasean sartu dituzte berriro.
Andaluzian, Malaga osasun barrutian jo du gogor koronabirusak. 100 positibo baino gehiago erregistratu dituzte Gurutze Gorriak kudeatzen duen harrera zentro batean. Andaluziako Gobernuaren arabera, kutsatze gune hori da alarma egoera osteko kezkagarriena.
Madrilek ere kezkatzen ditu agintariak. Itxialdiaren osteko lehen agerraldia baieztatu zuten ostiralean, eta Espainiako hiriburuaren testuinguruak berak eragiten du kezka. Autonomia erkidegoan ia 7 milioi pertsona bizi da, eta biztanle dentsitateaz gain, uda sasoian izan ohi den joan-etorri uholdeak koronabirusaren zabalpena eragin lezake.
Espainiako Gobernuak asteburuetan daturik ez ematea erabaki du. Beraz, astelehenean ezagutaraziko dute azken 48 orduetan gertatu den guztia.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.