Sanferminekin lotutako agerraldiaren harira 13 kasu gehiago atzeman dira, 21 guztira
Astelehenean, uztailak 6, Iruñean egindako sanferminetako bazkari bati lotuta atzemandako koronabirus agerraldiaren harira, 13 kasu gehiago atzeman dituzte azken orduetan. Horrela, orain arte 21 positibo zenbatu dituzte agerraldi horrekin lotuta, Nafarroako Gobernuak igande honetan ohar baten bidez jakinarazi duenez.
Horrez gain, "mugatuagotzat" jo dituen beste hiru agerraldi atzeman ditu Nafarroako Gobernuak Lizarran, Tuteran eta Iruñerriko herri batean. Agerraldi horien nondik norakoak aztertzen ari dira, eta beharrezkotzat jotzen dituzten PCR proba guztiak egingo dituzte koronabirusari aurre egiteko.
Nafarroan azken egunetan atzemandako koronabirus agerraldiek 34 positibo utzi dituzte jada, horietako batzuk Tuteran eta Iruñean izandako bi agerraldiekin lotuta. Azken orduetan, Tuterako ezkontza batekin lotutako agerraldia "egonkortu" dela uste du Nafarroako Gobernuak, bi kasu berri bakarrik baieztatu baitira (36 guztira 36).
Bestalde, Iruñean, sanferminetako gosari batekin lotutako kasuek gorakada nabarmena izan dute; izan ere, 13 kasu gehiago atzeman dituzte azken orduetan, eta 21 dira guztira.
Hala, bazkari horretara joan ziren pertsonei eta horien inguruko senide eta lagunei jarraipen estua egiten hasi dira, eta, horregatik, "positibo gehiago baieztatuko dira" birusari aurre egiten saiatzen diren bitartean, Osasun Departamentuaren aurreikuspenen arabera.
Egoera berri horrek, ordea, "ez du joera aldaketarik ekarri" oraingoz ospitaleratze eta heriotza kopuruetan, Nafarroako Gobernuak azaldu duenez. Atzo 14 pertsona zeuden ospitaleratuta Nafarroan, horietako bat zainketa intentsiboetako unitatean.
Testuinguru horretan, Nafarroako Gobernuak aste honetan bertan arautuko du maskara nahitaez erabiltzea, baita segurtasun-distantzia gorde daitekeenean ere, agerraldiak eteteko eta COVID-19a zabaltzea saihesteko.
Osasun Departamentua proposamen bat lantzen ari da dagoeneko, eta aste honetan bertan gauzatuko da. Proposamen horretan, arauaren epeak eta alderdi zehatzak jasotzen dira; maskara non jantzi behar den eta arau-hausterik izanez gero ordaindu beharreko isunak, esaterako.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.