Tolosako alkatearen iritziz, udalerrian "ez dago komunitate-kutsatzerik"

Asteazkenean egindako 200 PCR probak negatibo eman dute, eta horren ostean esan du hori Olatz Peonek. Oraingoz, 25 positibo atzeman dituzte; horietako sei, ostegun honetan jakinarazi dituzte.

PCR probak Beotibar frontoian egiten ari dira. Argazkia: EFE.

Agentziak | Erredakzioa

2020/07/16 - 20:26

Azken eguneratzea

2020/07/16 - 20:26

Olatz Peon Tolosako alkateak ostegun honetan azaldu duenez, "badirudi ez dagoela COVID-19ko komunitate-kutsatzerik" udalerrian; izan ere, asteazkenean egindako 200 PCR probak negatibo eman dute.

Tolosan, Eusko Jaurlaritzaren Osasun Saila probak egiten ari da, Beotibar frontoian, modu masiboan. Azken astean, 25 kasu positibo atzeman dituzte; ostegun honetan, sei jakinarazi dituzte.

Peonek prentsaurrekoan esan duenez, Tolosan atzemandako positibo berriek Ordiziako fokuan atzemandako kutsadurekin "lotutako kasuak" izaten jarraitzen dute.

Osasun Sailak, asteazkenean, eskatu zien Elorri tabernan uztailaren 10etik 15ra artean egon diren herritar guztiei probak egiteko, lokal horrekin lotutako berragertze berria egoteko aukera ikertzeko. Taberna Lekuona Margolariaren kalean dago.

800 PCR proba, egunero

Komunitate-kutsatzea saihesteko, Osasun Sailak aurreikusita du egunero 800 PCR proba egitea, frontoian dauden karpetan, hurrengo egunetan, alkateak azaldu duenez.

Peonek, halaber, gogora ekarri ditu zein neurri murriztaile onartu dituen Eusko Jaurlaritzak Tolosan, Zarautzen eta Eibarren ezartzeko; ostalaritzan, edukiera % 50era murriztu dute, ordutegia 23:30era arte izango da mugatuta, eta barran ezin izango da kontsumitu.

Tolosak, gainera, gimnasioak eta gazteen lokalak itxiko ditu; auzolandegiek aurrera jarraituko dute, eta aisialdiko jarduerak zainduko ditu.

Kultura-jarduerak bertan behera utzi dituzte; azokak, aldiz, jarraituko du, segurtasun- eta garbitasun-neurriekin, baina postuak Triangulo plazara eramango dituzte.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn uztailaren 16tik, eta Nafarroan, uztailaren 17tik. Iparraldean, "espazio publiko itxietan" derrigorrezkoa izango da abuztuaren 1etik.

Albiste gehiago gizartea

san martin unx nafarroa sutea incendio navarra efe

Baso-suteak sortzeko arrisku "handia" eta "oso handia" Nafarroan

Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.

VITORIA, 20/06/2025.- Un incendio ocurrido este viernes en la fábrica del productos de higinene personal LEA, en Vitoria, ha causado llamaradas de varios metros de altura y una densa columna de humo que es visible desde toda la ciudad. EFE / L. Rico

Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute

Suhiltzaileek lantegira ura botatzen jarraitzen dute, su txiki gehiago izan ez dadin.

EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian

Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.

Gasteizko LEA enpresaren lantegiko sutearen aireko irudiak

Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.

"6 edo 7 leherketa izan dira, baina bat oso handia izan da eta eraikin osoa dardarka jarri du"

Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.

Sutea piztu da LEA fabrikan, eta Arabako hiriburu osotik ikus daiteke kea

Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.

LEAko langilea: "Shock egoeran gaude, eta ez dakigu zer gertatuko den gure lanpostuekin"

Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.