Tolosan beste hiru positibo zenbatu dituzte eta Zarautzen PCR probak egiten hasi dira
Tolosan beste hiru koronabirus kasu antzeman dituzte ostiral honetan. Azken egunetan 631 PCR proba egin dituzte Beotibar frontoian eta horietatik bakarra izan da positiboa.
Gauzak horrela, Osakidetzak frontoian jarri zuen dispositibo berezia kendu egin dutela jakinarazi du Olatz Peon alkateak ohar bidez.
Orain arte jasotako datuekin, transmisio komunitariorik izan ez dela esan du, baina, hala ere, "zuhurtziaz eta arduraz" jokatzeko eskatu die herritarrei, gaur beste hiru kasu baieztatu dituztelako. Guztira, 27 pertsona gaixotu dira covid-19arekin.
Halaber, segurtasun-neurriak zorrozteko eta iturri ofizialek zabaldutako informazioa soilik kontutan hartzeko deia egin du. "Alarma sortzen duten informazio faltsuak ez dira zabaldu behar, azken egunetan gertatu den moduan, horrek herritarren artean urduritasuna eta nahasmena sortzen duelako", ohartarazi du.
Osasun Sailarekin elkarlanean ari direla eta datuak egunez egun aztertzen dituztela esan du, "pandemiaren bilakaera zein den jakiteko".
Udalerrian jarduera eteteko asmorik ez dutela esan du, "orain arte ezarri diren segurtasun-neurriak betetzen badira behintzat".
Frontoiko dispositibo berezia kendu badute ere, sintomarik edo zalantzarik izanez gero, osasun zentrora deitzeko gomendioa egin du alkateak.
Test masiboak Zarautzen
Bestalde, Osakidetza ostiral honetako lehen orduan hasi da PCR testak egiten Zarauzko herritarrei. Eguna amaitzerako 850 inguru egingo dituzte. Larunbatean proba gehiago egingo dituzte, eta beharrezkoa balitz, baita igandean ere.
Xabier Txurruka alkateak azaldu duenez, agerraldiaren jatorria joan den asteazkenean eta larunbatean Zarauzko hainbat tabernatan, bereziki malekoian daudenetan, egindako ospakizunekin dago lotuta, egun horietan jendetza bildu baitzen herrian.
Txurrukaren esanetan, pilatu zen jendetzagatik kezkatuta, tabernariek eurek ohartarazi zituzten Udaltzaingoa eta Ertzaintza, eta asteazken gauean bertan agenteek bost lokal itxi zituzten.
"Fokua hor egin zitekeela susmatu eta berehala lokal horietako jabeekin jarri ginen harremanetan eta dagoeneko bi positibo antzeman ditugu", azaldu du. Bi tabernatako langileak dira kutsatutakoak. Udalak bi establezimendu horiek itxi zituen ostegunean eta hala jarraituko dute langile guztiei testak egin eta lokalak desinfektatu arte.
Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn uztailaren 16tik, eta Nafarroan, uztailaren 17tik. Iparraldean, "espazio publiko itxietan" derrigorrezkoa izango da datorren astetik aurrera.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.