Legez kanpo dauden pertsonak "berehala" erregularizatzea eskatu dute
Dozenaka manifestarik mobilizazioetan parte hartu dute Bilbon, Donostian eta Iruñean, Espainiako Estatuan legez kanpoko egoera administratiboan dauden pertsonak “berehala” erregularizatzea eskatzeko.
Erregularizazioa “emakume eta gizon guztiak duin bihurtzeko lehen pausoa eta oinarrizko eskubidea da”, defendatu dute manifestariek Bilbon, Erregularizazioa Orain plataformak deituta. Plataforma pertsona etorkinek eta errefuxiatuek osatzen dute.
“Erregularizazioa” eta Europari “harresia zabaltzeko” eskatu diote karteletan eta pankartetan. Antolatzaileen hitzetan, covid-19ak “pertsona etorkinen bizitzen prekarietatea areagotu eta agerian utzi du, Atzerritarren Legearen menpe gure eskubide sozial eta ekonomiko guztiak zapaldu dituelako”.
Horregatik, berehalako eta baldintzarik gabeko erregularizazio iraunkorra eskatu dute pertsona etorkin guztientzako, baita atzerritarrentzako itxialdi-zentroak ixtea eta Ceutan eta Melillan konfinatutako pertsonak penintsulara ekartzea ere. Era berean, “berehalako edo berotan eginiko kanporatzeak” amaitzea aldarrikatu dute.
Bilboko mobilizazioa. Argazkia: Ongi Etorri Errefuxiatuak
Bestalde, Atzerritarren Legea indargabetzea eskatu dute, “profil etnikoan oinarritutako sarekada arrazistak bukatzea”, baita “pertsona guztiak baldintzarik gabe Euskadin erroldatzea” ere.
Iruñean, 100 bat pertsonek egin elkarretaratzea dute Gazteluko plazan, pertsona etorkinen erregularizazioa aldarrikatzeko, SOS Arrazakeria, Africa United, Paperak eta Eskubideak Denontzat, Iruña Harrera Hiria eta Mugak Zabalduz kolektiboek deituta.
Esku beltz handiak eraman dituzte manifestariek, eta pankarta bat eta kartelak “Erregularizazioa orain” leloarekin.
Elkarretaratzean manifestu bat irakurri dute. “Espainiako lurralde osoan legez kanpoko egoera administratiboan dauden emakume eta gizon guztiak premiaz, baldintzarik gabe eta betirako erregularizatzea” eskatu diote kolektiboek Espainiako Gobernuari.
Elkarretaratzea Iruñean, Gazteluko plazan. Argazkia: EFE
Zure interesekoa izan daiteke
AEK-k Korrikatik kanpo utzi du CCOO sindikatua, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.