10 eta 29 urte arteko gazteak dira EAEko azken hiru egunetako positiboen % 60
Ostiraletik igandera atzemandako 426 kasuetatik % 60,5 10 eta 29 urte artean daude. Gainera, egun horietan aurkitutako positibo gehien dituen lurraldea Gipuzkoa (212) da. Atzetik Bizkaia du (185), eta, azkenik, Araba (27).
Osasun Sailak argitaratutako txosten epidemiologikoan ostiraleko, larunbateko eta igandeko herriz herriko eta adinkako datuak agertzen dira, baina ez dira koronabirusagatik hil diren pertsonen datuak agertzen, horiek asteazkeneko txostenean argitaratuko baitira.
Ostiralean hasi eta igandera arte, 14.304 PCR proba egin dira Euskal Autonomia Erkidegoan, eta gehienak Unibertsitaterako sarbide proba (lehen Selektibitatea zena) egin eta geroko jaietan emandako kutsatzeak atzemateko egin dira.
Test horietatik 426 positibo izan dira eta 258k, hau da, % 60,5ek, 10 eta 29 urte artean dituzte. Gainera, 10 urtetik beherako 27 haur ere badaude kutsatu berrien artean. Hala ere, Nekane Murga sailburuak adierazi du kutsatzeen gehiengo gazteetan ematen ari bada ere, positibo berrietatik 31 60 urtetik gorako biztanleetan eman direla.
Datu horiekin, R0 zenbakia, kutsatutako pertsona bakoitzak beste zenbat pertsona kutsatzen dituen estimatzen duen zenbakia, larunbatean igaro zen lehen aldiz 2 kutsatzeetatik. Izan ere, 2,27ra igo zen eta igandean 2,21era jaitsi.
Oraindik ere Gipuzkoa da kutsatze gehien jasotzen dituen lurraldea: 212 azken 3 egunetan. Hurrengoa Bizkaia da 185 kutsatzerekin eta azkenik Araba dago, 27 kutsatzerekin (horietatik 14, Gasteizen).
Egun hauetan kutsatze gehien izan dituen EAEko herria Ermua izan da (azken 72 orduetan 77 positibo atzeman dira bertan). Eibarren, berriz, 56 positibo atzeman dira eta, Zarautzen, 53.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.