15 milioi koronabirus kasu baino gehiago dira jada mundu mailan

Nazioarteko Osasun Erakundearen datuak dira. Egunero kutsatutako pertsona kopuruak nabarmen egin du gora. AEB, Brasil eta India dira herrialde kaltetuenak.

Indiako emakume bat, musukoa jantzita. Argazkia: EFE

AGENTZIAK | ERREDAKZIOA

2020/07/26 - 10:55

Azken eguneratzea

2020/07/26 - 12:10

COVID-19agatik egunero kutsatutako pertsona kopuruak gora egin du, Nazioarteko Osasun Erakundeak baieztatu duenez, eta 15 milioi kasutik gora dira mundu mailan dagoeneko. Izan ere, 250.000 kasu inguru atzeman dira egun bakarrean.

Hildakoei dagokienez, 619.150 dira, eta datu horrek ere gorakada izan du, egun bakarrean 7.000 hildako izan baitira. Mundu mailako kasuen erdia baino gehiago hiru herrialdetan jazo dira: Estatu Batuetan (3,86 milioi kutsatu), Brasilen (2,15 milioi), eta Indian (1,23 milioi).

Tedros Adhanom Ghebreyesus Nazioarteko Osasun Erakundearen zuzendari nagusiak azpimarratu duenez, mundu osoko ia Estatu gehienek izan dituzte koronabirus kasuak, baina "herrialde gutxi batzuen arteko transmisio handia atzeman dugu". Izan ere, kasuetatik bi herenak (ia 10 milioi kutsatu) 10 herrialderi dagozkie.

Estatu Batuak

Bestalde, 4.174.437 kutsatu eta 146.391 hildako eragin ditu koronabirusak dagoeneko Amerikako Estatu Batuetan, Johns Hopkins Unibertsitateko zenbaketa independentearen arabera. Aurreko egunean baino 68.212 kutsatu gehiago dira, eta 1.067 hildako gehiago. Hala ere, azken egunekin alderatuta, datuak moteldu dira. Estatu kaltetuenak Kalifornia, Florida eta New York dira.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn uztailaren 16tik, eta Nafarroan, uztailaren 17tik. Iparraldean, "espazio publiko itxietan" derrigorrezkoa da uztailaren 20tik.

Albiste gehiago gizartea

san martin unx nafarroa sutea incendio navarra efe

Baso-suteak sortzeko arrisku "handia" eta "oso handia" Nafarroan

Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.

VITORIA, 20/06/2025.- Un incendio ocurrido este viernes en la fábrica del productos de higinene personal LEA, en Vitoria, ha causado llamaradas de varios metros de altura y una densa columna de humo que es visible desde toda la ciudad. EFE / L. Rico

Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute

Suhiltzaileek lantegira ura botatzen jarraitzen dute, su txiki gehiago izan ez dadin.

EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian

Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.

Gasteizko LEA enpresaren lantegiko sutearen aireko irudiak

Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.

"6 edo 7 leherketa izan dira, baina bat oso handia izan da eta eraikin osoa dardarka jarri du"

Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.

Sutea piztu da LEA fabrikan, eta Arabako hiriburu osotik ikus daiteke kea

Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.

LEAko langilea: "Shock egoeran gaude, eta ez dakigu zer gertatuko den gure lanpostuekin"

Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.