Familiarekin eta lagunekin seguru egoteko jarraibideak
Erizainen Kontseiluak infografia bat eta bideo animatu bat garatu du gizarteari erakusteko nola jokatu segurtasunez familia eta lagunartean. Infografia horrek jasotzen duen neurrien artean mahai tresnak eta platerak beste inorekin ez partekatzea, maskara une oro jantzita edukitzea eta bisitetan gauden denbora murriztea aholkatzen dira.
Florentino Pérez Raya Erizainen Kontseilu Nagusiko presidenteak azaldu duenez, “sozializatzeko gogoa eta maite dugun jendearekin egoteko gogoak handiak dira horrenbeste hilabeteren ostean, baina une horietan da, hain zuzen ere, atzerapauso bat emateko arrisku gehien dagoen momentua”.
Ondorengoak dira kontseiluak helarazitako gomendio batzuk:
- Pertsonaren batek sintomarik edukiz gero, ez ospatu elkartzerik. Kasu horietan, koronabirusarentzat ahalbidetutako telefono zenbakira deitu eta osasun autoritateei jakinarazi probak egin ala ez erabaki dezaten.
- Iritsi aurretik, anfitrioiek kontuan izan beharko dute zenbat pertsona gonbidatu ditzaketen segurtasun distantzia mantenduta, eta beti ere gogoan izanda etxebizitza berean bizi ez diren pertsonek 1,5 metroko distantzia mantendu behar dutela.
- Egokiagoa da beti ere elkartzeak aire librean edo aireztatze jarraitua duen lekuren batean egitea, eta, ahal izanez gero, elkartzeen denbora ahalik eta gehien murriztu kutsatzeko arriskua murrizteko.
- Behin elkartze lekura iritsita, besarkadarik eta musurik gabe agurtu behar da jendea, eta gel hidroalkoholikoarekin edota ura eta xaboiarekin garbitu behar dira eskuak ahal izanez gero.
- Maskara eta distantzia errespetatu posible den une guztietan, eta jaterakoan edo ezinbestekoa denean bakarrik kendu. Erabilitako maskara paperezko gutun-azal batean edo telazko poltsa indibidual batean jaso behar da.
- Platerak modu indibidualean zerbitzatu behar dira eta, sukaldeko tresnak partekatzea ekiditeko, pertsona bakarra izango da ura edo janaria banatzeko arduraduna.
- Komunera joan aurretik eta joan ondoren eskuak ondo garbitu, eta komuneko garbiketan arreta berezia jarri. Horrez gain, gainazalekin kontaktua ahalik eta gehien ekidin.
- Mahaikideen artean ezer ez partekatu, edalontziak identifikatu beharrezkoa izanez gero haur edo adinekoentzat. Janaria bukatzean, pertsona bakarrak, maskararekin, jaso beharko ditu platerak, edota norberak bere tresnak jaso beharko ditu.
Zure interesekoa izan daiteke
'Kuadrilla', 2026ko sanferminak iragarriko dituen kartel irabazlea
Marta Garatea artista iruindarraren artelanak festako uneak eta pertsonaiak uztartzen ditu, kolore bero eta bizien bidez. Kartela herri-bozketaren bidez aukeratu dute, eta inoizko parte-hartzerik handiena izan da: 10.000 boto baino gehiago jaso ditu.
24 partidako zigorra ezarri diote futbol-jokalari bati epaileari eraso egiteagatik, Nafarroan
Erasoa pasa den asteburuan gertatu zen, CDA Rotxa eta UD Mutilvera C taldeek jokatutako gazte mailako futbol partidan.
Adimen artifizialarekin sortutako irudi sexualizatuak debekatu ditu Europar Batasunak
Irudi sexualizatuak nahiz haurren kontrako sexu-abusuekin lotutako edukiak sortzeko helburu bakarra duten adimen artifizialeko sistemak debekatu egingo dira 2026ko abenduaren 2az geroztik. Grok X sare sozialeko AAko tresnak sortutako ika-mikaren ondoren adostu dute neurria.
"MV Hondius" ontziak Kanaria Uharteetara heltzeko egingo duen bidea, hemen
Hantabirus kasuak atzemandako itsasontziaren bidaia maiatzaren 9an iritsiko da Kanarietara, zehazki, Granadillako industria-portura. Hortik, tripulatzaileak Tenerife Hegoaldeko Nazioarteko aireportura eramango dituzte.
Gutxienez sei kilometroko auto-ilarak AP-8 autobidean, Usurbilen, Irunerako noranzkoan
Lau autok istripua izan dute, eta erreietako bat itxita dago AP-8 autobidean, Usurbil parean, Irunerako noranzkoan. Bigarren istripu batek are gehiago zaildu du egoera, eta auto-ilara luzeak sortzen ari dira Irunerako noranzkoan.
Albiste izango dira: hantabirusaren azken ordua, Tubos Reunidosko langileen batzarra eta Gabonetako Loteriaren Igorreko auzia
Gaurkoan Orain-en albiste izango direnen laburpena, bi hitzetan.
Matxura baten ondorioz, bi gaixo zeramatzan hegazkin medikalizatuak geldialdia egin behar izan du Kanaria Handian
Bigarren hegazkina Herbereetara heldu da. Munduko Osasun Erakundearen zuzendari nagusiak azpimarratu duenez, osasun publikorako arrisku orokorrak "txikia izaten jarraitzen du". Gurutzaontzia, bere aldetik, Kanaria Uharteetara bidean da jada, eta hiru egun barru porturatzea aurreikusita dago.
Gutxienez 79 lagunek salaketa jarri dute Arratiko Zekorrak errugbi taldeak saldutako loteria txartelen auzian
Behar baino 225 partaidetza gehiago saldu zituela aitortu du Arratiko Zekorrak errugbi taldeak eta, horren ondorioz, 80 bat lagunek ezin izan dute saria kobratu: 10.000 euro partizipazioko; 2,2 milioi euro inguru, guztira.
Albanese "Gernika" aurrean: “Ikaragarria da, Gazan ikusi dudana ematen du”
Francesca Albanese Nazio Batuen Erakundeko Palestinarako errelatorea txundituta agertu da asteazken honetan Gernika Pablo Picassoren margolan ospetsuaren aurrean. Haren ustez, "gerra zibilaren suntsiketa" islatzen badu ere, Palestinako lurralde okupatuetan ikusitakoaren "isla" ematen du.
Trafikoa bere onera etorri da N-1 errepidean, bi kamioiren arteko istripuak auto-ilara luzeak eragin ondoren
Gasteizko noranzkoan izan da istripua, eta errei bat itxita egon da ia bi orduz. Behin ibilgailuak bidetik erretiratuta, pilaketak arintzen hasi dira.