Getxoko Udaltzaingoak 40 salaketa baino gehiago jarri ditu asteburuan
Getxoko Udaltzaingoak gaueko aisialdiaren kontrola areagotu du eta 40 salaketa baino gehiago bideratu ditu asteburuan covid-19aren pandemiak eragindako kutsatzeak gutxitzeko araudia ez betetzeagatik.
Getxoko Udaltzaingoak ohar batean azaldu duenez, isun gehienak maskara ez eramateagatik eta bide publikoan edariak kontsumitzeagatik jarri dituzte.
Salaketen erdia Romon egin ziren. Herritarren Segurtasunerako arloko agenteek 80 gazte baino gehiago topatu zituzten ikastetxe bateko patioan edari alkoholdunak kontsumitzen. Alkoholaren zati bat konfiskatu eta 13 pertsona identifikatu zituzten, eta kalean edo espazio publikoetan taldeko kontsumoa debekatzen duen araudiaren arabera salatu zituzten.
Era berean, Getxoko udaltzainek Algorta auzoko hainbat ostalaritza-establezimenduren aurkako salaketa jarri zuten, ordutegia ez betetzeagatik eta lokaleko bezeroei edariekin bide publikora sartzen uzteagatik.
Algortan ere, gazte bati bozgorailu handi bat konfiskatu zioten eta goizaldean erabiltzeagatik zigortu zuten.
40 salaketa Irunen, neurriak ez betetzeagatik
Irungo Udaltzaingoak 40 parte inguru ireki ditu azken astean Gipuzkoako udalerrian osasun eta segurtasun neurriak ez betetzearekin lotuta. Irungo Udalak azaldu duenez, jarduera gehienak maskara ez erabiltzearekin lotuta daude.
Ohar baten bidez Udalak azaldu duenez, uztailaren 27tik astelehenera bitartean 13 espediente ireki dituzte maskara ez eramateagatik, gehienak (5) ostiralean.
Betebehar hori zaintzea Irungo udaltzainen jarduera finkoetako bat da, azken hilabete hauetan gaueko aisialdirako ezarritako neurri berriak betetzen direla zaintzen baitute.
Ildo horretan, "ostalariak ondo betetzen ari dira", eta hiru zehapen-proposamen baino ez dira egin azken egunetan ordutegiak ez betetzeagatik, baita dantzaleku batekin lotutako bat ere.
Bestalde, Polizia ere zaintza intentsiboa egiten ari da botiloi-ospakizunen inguruan. Horri lotutako 11 espediente ireki dituzte, ia guztiak (10) joan den ostiralean. Gazteen lokalen kasuan, guztira 10ek jaso dituzte agenteen zigor-proposamenak, eskatutako araudiak eta neurriak ez betetzeagatik.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.