Bikote bat atzeman dute Etxaurin 3,5 hektarea erre zituen barbakoa batengatik
Foruzaingoak segurtasun kolektiboaren aurkako ustezko delitu bat egotzi dio 27 eta 32 urteko bikote bati, Etxaurin (Nafarroa) legez kanpoko barbakoa batek piztutako sute baten ondorioz 3,5 hektarea zuhaitz erre ondoren.
Sutea hilaren 5ean gertatu zen, Etxauriko haitzen basoan. Foruzaingoaren Aginte eta Koordinazio Zentroak Ingurumen Babeserako Brigadako patruila bat mobilizatu zuen, eta sutea ustez hasi zen lekuaren ondoan kanpaldia egiten ari ziren bi pertsona identifikatu zituen.
Inplikatuetako batek barbakoa batean janaria egiteko sua egin zuela onartu zuen, eta kea adar batekin kentzean landaredia erre zuela, eta ezin izan zuela kontrolatu. 112 zenbakira berak deitu zuela gaineratu zuen.
Bestalde, ikertuek ez zuten Etxauriko Udalaren baimenik kanpatuta egoteko, eta ordurako hiru gau eman zituzten bertan.
Kanpaldi librearen ingurumen-baldintzak arautzen dituen 226/1993 Foru Dekretuak honako hau dio 4. artikuluan: "Kanpaldi librea egiteko, aldez aurretik dagokion toki-erakundeak baimena eman beharko du, toki-baimena lurren titularrarekiko independentea izango da, eta toki-erakundeak, kanpaldia baimentzean, ingurunea eta ingurumena egokiago babesteko baldintza bereziak eta zehaztapen erlatiboak jaso ahalko ditu, baldintza higienikoei, sua erabiltzeari, hondakinak ezabatzeari eta garbiketari buruzkoak, esaterako".
Biek onartu zuten, halaber, ez zutela ezagutzen suaren erabilera arautzen duen araudia eta baso-suteak prebenitzeko lurzoru urbanizaezinean barbakoak erabiltzeko debekua (222/2016 Foru Aginduaren 5. artikulua). Horren arabera, "debekatuta dago sua erabiltzea zuhaitz-, zuhaixka- edo sastraka-landarediz estalita dauden lursail guztietan, edo larre eta belardietan, edozein dela ere babes-araubidea".
Agindu horren 8. artikuluan jasotzen denez, udan (ekainaren 15etik irailaren 30era bitartean), Nafarroako hegoaldean, kanpin-kategoriako hotel-establezimenduetatik kanpo, debekatuta dago sua aisialdirako erabiltzea, horretarako prestatutako lekuak barne, hala nola, barbakoak edo kanpoko beste edozein instalazio eta komunikabideetako atsedenlekuak. Debeku horren barruan sartzen dira beroa edo sua sortzen duten tresna guztiak, hala nola, kanpin gasak".
Eginbideak Iruñeko guardiako epaitegira eta Nafarroako Ingurumen Fiskaltzara bidali dituzte.
Zure interesekoa izan daiteke
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Gizon batek bikotekidea hil du Pontevedran
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Guardia Zibila gizonaren bila ari da atxilotzeko.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.