Ertzaintzako Sipe sindikatuak lau salaketa aurkeztu ditu Jaurlaritzaren aurka
Ertzaintzako Sipe sindikatuak lau salaketa aurkeztu ditu Eusko Jaurlaritzako Segurtasun Sailaren aurka, "arduragabekeriaz jokatzeagatik, ertzainen osasuna eta, ondorioz, herritar guztiena arriskuan jarriz", Bilboko polizia-etxe batean eta Brigada Mugikorreko kideen artean kasu positiboak atzeman ondoren neurririk ez hartzeagatik.
Aurkeztutako salaketen arabera, abuztuaren 3an hamar positibo atzeman ziren Bilboko ertzain-etxeetako batean lan egiten duten agenteen artean, eta Estafanía Beltrán de Herediak zuzentzen duen saileko Laneko Arriskuen Prebentziorako Sailak ukatu egin zien PCR probak egitea positiboekin harremanetan egon ziren agenteei.
Sindikatuak Lan Ikuskaritzaren aurrean egindako idatzietan, konfinamendu eta isolamendu irizpideak ere ez zirela ezarri salatu du, "lantokiko gainerako langileen osasuna arriskuan jarriz".
Siperen arabera, egoera bera gertatu zen abuztuaren 7an Iurretan (Bizkaia) egoitza duen gorputzeko Brigada Mugikorreko kideen artean zazpi positibo detektatu zirenean, eta abuztuaren 10etik 11rako goizaldean Ertzaintzak pertsona zauritu bat artatu eta biktimak positibo eman zuenean egin zen koronabirusaren proban.
Segurtasun Sailak neurririk hartu ez zuenez, jarduketa horretan parte hartu zuten agenteek berriz ere lan egin zuten hurrengo gauean, "beste behin ere, txanda bera egiten ari ziren lankide guztien osasuna arriskuan jarriz".
Sipek, azkenik, Segurtasun Saila salatzen du, joan den abuztuaren 10etik ez zaielako "maskara nahikorik" ematen Bilboko ertzain-etxean jendearen arretan lan egiten duten langileei; izan ere, astean 4 maskara ematen zaizkie soilik 5 eta 7 eguneko txandarako.
Albiste gehiago gizartea
26.000 ikasle itzuliko dira eskolara astelehen honetan Ipar Euskal Herrian
Ikasleen %13k Seasko murgiltze ereduan ikasiko dute. Aurten, berrikuntza gisa, gaskoia erakutsiko diete Samatzeko ikasleei astean hiru orduz.
Cabrales gazta irabazlearengatik 37.000 euro ordaindu eta, ospatzen ari zela, lurrera erori zaio
Asturiasko Cabrales gazta batengatik 37.000 euro ordaindu dituzte, horrelako batengatik inoiz ordaindu den kopururik handiena. Lehiaketa Encarnacion Bada gaztagileak irabazi du, eta Ivan Suarez El Llagar de Colloto Oviedoko jatetxeko ostalariak erosi du.
Protestarako deia egin dute Yala Nafarroak eta BDZ Nafarroak, Israel taldea Vueltan aritzearen aurka
Vueltako hainbat etapatan antolatutako protesta ekintza baketsuekin bat egingo dute Yala Nafarroa plataformak eta BDZ Nafarroa mugimenduak. Izan ere, Vueltako pelotoia Nafarroan barrena ibiliko da datorren asteartean, Sendavivan hasi eta Larra-Belaguan amaituko den hamargarren etapan.
Bilboko Aireportuko suhiltzaileen kamioi bat Sondikako haur-parke batera erori da
Eusko Jaurlaritzako Segurtasun Sailak jakinarazi duenez, ezbeharra 06:20 aldera gertatu da, eta ez da inor zauritu. AENA enpresa publikoa istripuaren nondik norakoak aztertzen ari da, suhiltzaileak ere kudeatzen baititu.
212 urte, Ingelesek eta Portugaldarrek Donostia erre zutenetik
Urtero legez ekitaldi ugarirekin oroitu dute gertakaria. Goizean, esaterako, Donostiako Udalak lore eskaintza egin du Itxas atean goizeko elizkizunaren ostean, 1813 hartan hil ziren donostiarren omenez.
Suteen okerrena igaro da: Espainia alerta eta jarraipen fasera igaro da
Amaitutzat jotzen da Espainiako historia hurbilean baso-suteen gertakaririk tragiko eta suntsitzaileenaren faserik zailena: 300.000 hektarea baino gehiago erre dira, lau lagun hil dira eta 48 zauritu.
Palestinari elkartasuna adierazi diote Bilbon
Ongi Etorri Errefuxiatuak elkarteak bilkura egin du Bilbon. Palestinako herriari babesa adierazi diote bertan, eta haren aldeko aldarrikapenak egin dituzte.
Etxauriko gainean, Ziritzan, piztu den sutea kontrolpean dago
Haizeak sua bizitu duen arren, ez da arriskutsua izan inguruko etxebizitzentzat, nahiz eta Na-700 errepidea itxi behar izan duten bi noranzkoetan.
Mozkortzearen ondorioak simulatzen dituen alkoholik gabeko lehen garagardoa sortu dute
Erresuma Batuko laborategi batek mozkorturik egotearen efektua lortzen duen alkoholik gabeko lehen garagardoa egin du: Sentia Spirits. Ondoezak ez du luze irauten, edan eta hogei minutu edo ordu erdira desagertzen baita horren eragina, eta ez du biharamunik uzten.
Irailarekin batera, neguko ordutegiak itzuliko dira garraio publikora eta TAO zerbitzura
TAO zerbitzua ohiko ordutegietara itzuliko da udan ezarritako aldaketen ondoren. Itzulera hiriko trafikoaren gorakadarekin eta lan-jardueraren gorakadarekin bat dator.