COVID-19arekin gaixo zegoen pertsona bat hil da Gipuzkoako adinekoen egoitza batean
COVID-19arekin diagnostikatutako pertsona bat hil da Gipuzkoako adinekoen egoitza batean, Eider Mendoza aldundiko bozeramaileak jakitera eman duenez.
Hermano Garate - San Ignacio egoitza-gunean atzemandako hiru kasuetako bat da. Hildakoa 90 urteko emakume bat da, aurretik bestelako patologia batzuk zituen eta Donostiako Unibertsitate Ospitalera eraman behar izan zuten asteazkenean koronabirusa zuela baieztatu ostean.
Mendozak, ohar baten bidez, samina agertu du heriotzaren aurrean, eta, Aldundiaren izenean, “gertutasuna” eta “babes osoa” eskaini die “une gogor hauetan” hildakoaren familiari eta hurbilekoei.
Halaber, eskerrak eman dizkie "lurraldeko egoitzetan birusaren aurkako borrokan inplikatuta dauden profesional guztiei".
Azken orduetan ez da COVID-19aren kasu berririk atzeman Gipuzkoako egoitza-zentroen sare osoan, eta, beraz, bi egoiliarrek jarraitzen dute diagnostiko positiboarekin.
Hermano Garate - San Ignacio egoitzan bizi dira biak, eta une hauetan Eibarko ospitaleko hirugarren solairuan daude. Zentro horretan bizi diren gainerako egoiliar eta langile guztiek negatibo eman dute azken egunetan egindako PCR probetan.
Aldundiko zaintza-talde espezializatuak, erizainek eta DYAk osatutako lan-taldeak, prebentziozko 5.688 PCR proba egin ditu azken bost asteetan (abuztuaren 10era arte) eguneko zentroetako eta egoitzetako erabiltzaileen eta langileen artean.
Adingabeen monitorea
Bestalde, bozeramaileak jakinarazi duenez, Donostiako adingabeen etxebizitza bateko monitore batek positibo eman du COVID-19an, eta, ondorioz, PCR proba egin diete zentro horretan bizi diren zazpi adingabeei, eta bakartuta jarraitzen dute.
Azpeitiko adinekoentzako eguneko zentroa modu prebentiboan ixteko agindua eman du Gizarte Politiketako sailak, udalerri horrek bizi duen egoera epidemiologikoa dela eta, gutxienez hilaren 24ra arte. Era berean, Azpeitiko adinekoen egoitzak astebetez bertan behera utzi ditu kanpoan egindako ibilaldiak eta irteerak.
Arrazoi berberengatik, Mutrikuko eta Elgoibarko adinekoentzako eguneko zentroen itxiera prebentiboa beste astebetez mantentzea erabaki da, baita bi udalerrietako adinekoen egoitzen kanpoaldean paseoak mugatzea ere.
Zure interesekoa izan daiteke
EAEko udalekuek euren jarduerari buruzko "erantzukizunpeko adierazpena" sinatu beharko dute
Bernedon gertatutakoaren ondotik, Eusko Jaurlaritza, hiru aldundiak eta EUDEL udalekuei buruzko protokolo berri bat ari dira lantzen.
Hegazti-gripeari aurre hartzeko neurri prebentiboak agindu ditu Espainiako Gobernuak
Arrisku- eta zaintza-eremu zehatzetan etxeko eta haztegietako hegaztiei eragingo dieten neurriak indarrean sartuko dira azaroaren 10etik aurrera. EAEn ez dago horralako eremurik, bai, ordea, Nafarroan. Nolanahi ere, Europatik datorren birusaren aurrean arretaz eta arduraz jardutea eskatu dute agintariek, kutsatzeek eta birusaren hedapenak ekar ditzaketen kalteak saihesteko.
Vuelingek kalte-ordaina eman beharko dio esklerosia duen emakume bati, motoa hegazkinera sartzen ez uzteagatik
2021ean gertatu zen, Sevilla-Bilbo hegaldi batean. Salaketa jarri zuen emakumeak mugikortasun arazoak ditu, esklerosi anizkoitzak eragindakoak. Motoa behar du bidaiatzeko.
Zer protokolo aktibatzen dira ikastetxe batek jazarpen kasu bat egon daitekeela susmatzen duenean?
522 ikasle eskola-jazarpenaren biktima izan ziren joan den ikasturtean EAEn. Zenbakien atzean atzean ikasleen bizipenak daude; beldurra eta isiltasuna protagonista. Ikastetxeetan geroz eta sentsibilizazio handiagoa dago, eta kasuak goiz atzematea oso lagungarria da.
Iaz eskoletan abiatutako 2.263 protokoloetatik 522 eskola jazarpen kasuak izan zirela baieztatu du Hezkuntza Sailak
2024-25 ikasturtean aurrekoetan baino eskola jazarpen kasu gehiago ikertu dira (aurreko ikasturtean baino 364 gehiago) eta baieztatutakoak ere igo egin dira (522). Begoña Pedrosa Hezkuntza sailburuak azaldu duenez, datuek erakusten dute "sentsibilizazio handiagoa, detekzio goiztiarra eta prozeduretan konfiantza handiagoa" dagoela.
San Juan ontziaren uretaratzea, zuzenean
Jarraitu zuzenean Albaolatik Itsas Kultur Faktoria (Pasai San Pedro), San Juan ontziaren uretaratzea, munduko itsas ondarearen historian mugarri izango den gertaera.
Gazteek inoiz baino gutxiago edaten eta erretzen dute, baina Euskal Herrikoak cannabisaren kontsumoaren buruan daude
ESTUDES txostenak egiaztatu duenez, alkoholaren, tabakoaren eta cannabisaren kontsumoak behera egin du Euskadiko nerabeen artean, azken 25 urteetako mailarik baxuenetara. Hala ere, Euskadi kalamuaren kontsumoaren buruan dago 14-18 urte bitarteko adingabeen artean, eta Estatuko mozkorraldien tasarik handiena ere badu.
Albiste izango dira: Eskola jazarpenaren aurkako eguna, klima aldaketari buruzko goi bilera eta abisu horia itsasaldeko arriskuagatik
Gaurkoan Orain-en albiste izango direnen laburpena, bi hitzetan.
Adimen Artifiziala, bullyinga egiteko tresna berria: “Hezkuntza digitalean hezi behar ditugu haurrak”
Azken urtean, ziberjazarpena gauzatzeko adimen artifizialaren erabilerak nabarmen egin du gora, hainbat ikerketaren arabera. Gelakideren baten argazki, bideo edo audio bat manipulatuz bideo faltsuak sortzeko erabiltzen da AA, eta sare sozialen bidez zabaltzen dira. Mikel Cerezo gizarte hezitzaile eta adikzioetan adituak adierazi du orain "duela urte batzuk baino askoz bizkorrago" hedatzen direla edukiak, eta ondorioak suntsitzaileak izan daitezkeela.
Dani Alvarezek Euskal Kazetariak saria jaso du
Dani Alvarez EITB taldeko kazetariari eman diote Kazetarien Euskal Elkargoaren aurtengo Euskal Kazetariak saria. Bilboko BBK aretoan egindako sari-banaketa ekitaldian, pozik agertu da Alvarez, eta esan du "ohorea" dela aitortza hori jasotzea. EITBren parte-hartzea duen Natur Bizia ikus-entzunezko lana ere saritu dute Ingurumen Kazetaritza atalean.