Bost positibo gehiago, 21 guztira, Tuterako adinekoen egoitza bateko agerraldian
Bost lagunek, bi egoiliarrek eta hiru langilek, positibo eman dute, COVID-19agatik, igandean agerraldia atzeman zuten Tuterako adinekoen egoitza batean; hortaz, guztira, 21 kasu daude zentro horretan. Hiriko beste hiru egoitzatan egindako proba guztiek, aldiz, negatibo eman dute.
Hala ere, Tuterako eguneko zentro bat ixtea erabaki dute; izan ere, hainbat kasu atzeman dituzte bertan, erabiltzaileen artean. Hain zuzen, erabiltzaile batek positibo eman du, eta probak egin dituzte; oraingoz, beste lau egoiliarrek eman dute positibo, COVID-19agatik. PCR probak egiten jarraituko dute, erabiltzaileei eta langileei.
Guztira, agerraldia atzeman duten egoitzan, 15 egoiliar eta sei langile kutsatu dira.
Nafarroako egoitzetako balantzea, uztailaren 1etik
Nafarroako Gobernuak zehaztu duenez, uztailaren 1etik, Foru Erkidegoko zazpi egoitzatan izan dira kasuak: batean, 16 positibo atzeman dituzte, beste batean hiru, eta gainerakoetan bana. Hortaz guztira, 24 kasu egon dira, gehienak sintomarik gabekoak.
Ordutik, pertsona bat hil da egoitza batean, bost ospitaleratu dituzte (hori bai, hiru asintomatikoak ziren), eta beste bi eraman dituzte bitarteko zentroetara. Horiei gehitu behar zaizkie Tuterako zentrotik eramango dituzten herritarrak.
Desgaituen zentroei dagokienez, guztira, zazpi kasu izan dira uztailaren 1etik. Pertsona bat ospitaleratu zuten, beste bat egoitza batean, beste bat zentro okupazional batean, eta lau eraman dituzte bitarteko baliabidera.
Halaber, eguneko zentroetan, bederatzi kasu positibo izan dira, lau zentrotan.
Kasu aktiboei dagokienez, astelehen honetan 18 kasu daude, adinekoen egoitzetan. Bat ospitaleratuta dago, bi bitarteko zentroan, eta 15 egoitza-zentroetan, baina ondorengo orduetan eramango dituzte bitarteko baliabidera.
Desgaituen zentroei erreparatuta, bitarteko baliabidean bi kasu aktibo daude. Zentroetan eta ospitaleetan, aldiz, ez dago kasurik.
Azkenean, eguneko zentroetan, bost kasu aktibo daude; denak daude euren etxeetan, jarraipena egiteko.
Langileei dagokienez, une hauetan, hiru positibo daude ezgaituen zentroetan, eta 25 adineko zentroetan.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.