Aurrez aurreko eskolak Nafarroako Unibertsitate Publikoan, ikasturtearen hasieran
Nafarroako Unibertsitate Publikoak hurrengo astean ekingo dio 2020-21 ikasturteari, eta aurrez aurreko eskolak izango ditu, % 100ean, ikasturteko hasiera horretan. Horretarako, zenbait antolakuntza-, garbitasun- eta osasun-neurri hartu dituzte, unibertsitate-komunitatearen segurtasuna bermatzea helburu.
Eskolak irailaren 2an hasiko dira hau da, hurrengo asteazkenean, baina lehen mailako ikasleek, aurreko egunean (irailaren 1ean), graduen aurkezpen-jardunaldia dute, Unibertsitateak jakitera eman duenez.
Hartutako neurriak, bereziki, bi arlotan daude zehaztuta. Alde batetik, geletako aforoak berregituratu eta murrizteko neurriak daude; beste aldetik, 1,5 metroko tartea zaintzeko neurriak daude. Campusean, aurrez aurreko irakaskuntza egotea xede, garbitasun-neurriak hartu beharko dituzte (besteak beste maskara erabili beharko dute, eta eskuak garbitu).
Eskumena duten agintarien gomendioekin bat hartutako neurriak dira, Foru Gobernuko Unibertsitateko, Berrikuntzako eta Eraldaketa Digitaleko Departamentuarekin eta Osasun Publikoko eta Lan Osasuneko Nafarroako Institutuarekin koordinatuta.
Nafarroako Unibertsitate Publikoak, halaber, Arrisku Plana du; bertan, 2020-21 ikasturtean egon litezkeen egoeretarako ekintzak daude zehaztuta: alegia, egokitutako aurrez aurreko eskoletarako, konfinamendu partzialerako, edo erabateko konfinamendurako. Planaren helburua da oreka egotea kalitatezko unibertsitate-irakaskuntzaren eta ikasleen eta langileen osasunaren babesaren artean.
Egoera aldatuko balitz, egokitzeko gaitasuna
Osasun-agintariek hala erabakita egoera aldatuko balitz, Unibertsitateak gaitasuna izango luke egokitzeko, gela hibridoen bidez, eskolak zuzenean emanez, edo, udaberriko konfinamenduan egin zutenez, onlineko eskolak eginez.
Unibertsitate-komunitateari jakinarazi diote, dagoeneko, erabaki horiek hartu dituztela. Gainera, ikasle guztiek, aste honetan, gida espezifikoa jasoko dute, campusera joan aurretik jakin dezaten zein neurri ezarri dituzten. Horrekin lotuta, ikasleei gogora ekarri diete derrigorrezkoa dela maskara une oro zuzen jarrita izatea, tartea egonda ere.
Irakaskuntzari dagokionez, "ikerketa sakona" egin dute, aurrez aurrekoa izan dadila lortzeko. Nafarroako Unibertsitate Publikoak ikasgelategi zentralizatua du Arrosadiako campusean eta, hortaz, guztiz optimizatu egin dituzte egun dauden irakaskuntza-guneak.
Osasuneko campusean eta Tuterakoan, eskolak guztiz izango dira aurrez aurrekoak, bietan dauden baliabideei erreparatuta. Unibertsitatean egin beharreko praktikei dagokienez, aurreikuspena da denak aurrez aurrekoak izan daitezela, beharrezko garbitasun- eta osasun-neurriak hartuta.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.