Eusko Jaurlaritzak ostiralean hartuko ditu ikasgeletara itzultzeko neurriak
Iñigo Urkullu lehendakariak ziurtatu du Eusko Jaurlaritzak ostiralean hartuko dituela ikasgeletara itzultzeko neurriak, hori "lehentasunezko kezka" baita Jaurlaritzarentzat; era berean, ikastetxeetara itzultzea "beharrezkoa" dela azpimarratu du.
Datorren ostiralean LABI Babes Zibileko Planaren aholku kontseiluaren bilera izango da, eta bertara gonbidatuta dago Nekane Murga, "ikasturte hasieran ikasgeletara itzultzeak duen lehentasunezko kezka dela eta". Hedabideen aurrean egindako agerraldian, Urkulluk zehaztu du jardunaldi horretan beharrezko neurriak hartuko dituztela.
Ekainaz geroztik, hezkuntza komunitateak ikastetxe guztietara bidalitako protokolo bat dagoela berretsi du. "Ikastetxeek protokolo hori udako hilabeteetan landu" ahal izan dutela zehaztu du.
Nolanahi ere, onartu egin du abuztuko egoera dela eta, kutsatze kopuruaren gorakadarekin, "protokolo hura berriz aztertzea gomendagarria dela". Ildo horretan, Cristina Uriarteren sailak horretan lan egiten ari dela zehaztu du.
Lehendakariak zehaztu du Hezkuntza Sailak ekainetik gaur arte 23 bilera egin dituela "hezkuntza-komunitateko, patronaletako, eskola publikoetako, ikastetxeetako zuzendaritzetako, elkarteetako eta era guztietako eragileekin".
"Hiru aukerekin ari gara lanean. Beste herrialde batzuetan eman den errealitateari ere erreparatzen ari gara, batez ere, Europari", azaldu du.
Iñigo Urkulluk, halaber, "gainerako autonomia erkidegoek kezka berdina" dutela azpimarratu du. Ildo horretan, gogorarazi du gaur Osasun Publikoari buruzko bilera egiten ari direla Estatuan, eta Hezkuntza eta Osasun Sailak gaur arratsaldean neurriak "zehazteko" bilduko direla nabarmendu du.
Zure interesekoa izan daiteke
Elon Musk bat dator Anthropic eta OpenAI lehiakideekin, adimen artifiziala moteldu behar dela
Anthropiceko Dario Amodeik adimen artifizialaren (AA) garapena moteltzeko eskatu zuen ostiralean, segurtasun arriskuengatik, eta eskaera horren alde egin dute lehiakideek, OpenAIko Sam Altmanek eta xAIren sortzaile Muskek. OpenAIko eta Anthropiceko liderrek iragarri dute ebaluatzaile independenteei beren sistemak ikuskatzea ahalbidetuko dietela, baina Muskek ez du hori argitu.
Ceutako 860 migratzaile baino gehiago aldi baterako instalazio egokitu berri batera eraman dituzte
Jaurlaritzak 4.300 plaza inguru izango ditu aldi baterako, eta datozen egunetan 6.000 plaza baino gehiago izango direla aurreikusi du.
AEBk Kuban ezarritako "setioa" salatu dute Bilbon, Silvio Rodriguezen kontzertuaren aurretik
Manifestariek Kubako eta hainbat herri zapalduren banderak eraman dituzte. "Nazio Batuetan urtero giza eskubideen urraketa masiboa gaitzesten den arren, gobernu gehienak geldi daude", salatu dute. "Argia eta Indarra Kubarentzat. Blokeoaren aurka, Energia Kubarentzat" kanpaina solidarioa babesteko ere balio izan du protestak.
Oihane Mateos Oria, duela gutxi hildako lankide eta laguna, gogoan izan du Dani Alvarezek Gasteizko FesTVal jaialdian
Aste gogorrak izan dira azken hauek Orain eta EITBko Albistegietako lantalde guztiarentzat. Dani Alvarez lankideak Gasteizko FesTVal jaialdian esan duen bezala, "bizitzako injustizia bategatik goizegi joan berri da Oihane Mateos Oria". Bere irribarrea, energia eta lanerako grina beti izango dira gure artean, ordea. Hemen Daniren hitzak gaur iluntzean, sari bat banatu aurretik.
Zarrakazteluko baso sutea eragindakoa ote den ikertzen ari dira
Garrak atzo piztu ziren Corral Nuevo inguruan, eta gaur arratsaldean egonkortu dituzte. Eremuan ez zegoen nekazaririk lanean, eta, hori dela eta, Foruzaingoak susmoa du nahita piztutakoa izan zela.
Bost gasolindegi Margaritan, 30 laguneko herrian, bizilagunen desesperaziorako
Gasteizko Margarita kontzejuan, bizilagunak kexu dira beste gasolindegi bat jarri nahi dietelako, bosgarrena bailitzateke. 30 bat biztanle diren herrixka honetarako sarbideak dagoeneko kolapsatuta daudela diote, eta gainera salatzen dute, kamioi gidariek ez dutela askotan oso gizalegez jokatzen.
Logroñon desagertutako 83 urteko gizon baten gorpua aurkitu dute Vianan
Hilotza Iruñeko Auzitegiko Institutu Anatomikora eraman dute, autopsia egin diezaioten.
54 urteko motorzale bat hil da Gasteizen izandako istripu batean
Istripua AP-1etik N-622ra doan zatian gertatu da, Arabako hiriburuan. Larrialdi-zerbitzuak biktima suspertzen saiatu dira, baina ez dute lortu.
Motozerra bat martxan zuela hainbat pertsonaren atzetik ibili den gizon bat atxilotu dute Getxon
Ustezko erasotzailea, polizia-aurrekariak dituena, arma zuri batekin zauritu dute atxilotu aurretik.
Hiru adingabe identifikatu dituzte Plentziako jaietan Ertzaintzari botilak jaurtitzeagatik
16 eta 17 urteko gazteek bi patruilari eraso zieten abuztuaren 29ko goizaldean, irain eta oihu artean.