43.802 lagun mediku-kontsulta baten zain daude Nafarroan, eta 7.200 ebakuntza egiteko
Nafarroako itxaron zerrenden egoera "ez da inork nahi duena, ezta inork espero zuena ere", Santos Indurain Osasun kontseilariaren esanetan, eta pandemia hasi baino lehenagoko kopuruetara murrizteko lanean ari direla ziurtatu du. Ildo horretatik, abuztuan 43.802 pertsona zeuden lehen mediku-kontsultarako zain, eta 7.200 ebakuntza egiteko zain.
"Osasun arloko arreta pandemiak ahalbidetzen dituen gehienezko mugetaraino mantentzen dela bermatzeko lanean ari gara", esan du Indurainek, eta, lehen urrats gisa, "ezinbestekoa dela ikusi den arazoetarako" aurrez aurreko arreta berreskuratzea erabaki dela gaineratu du; "kontsulta eta ebakuntza gelak arratsaldean irekiz, ahal izan denean".
Indurainek adierazi duenez, koronabirusak eragindako pandemiak "eragin zuzena eta erabakigarria" izan du itxaron zerrendetan. "Egia eta kezkagarria" da bi zerrenda esanguratsuenak, lehen mediku-kontsultakoak eta kirurgiakoak, haziz joan direla udaberritik, baina "pandemiaren lehen olatuaren ondoren, datuak urtarrilekoaren antzekoak dira", eta horrek sistema eta profesionalak egokitzeko egin duten "ahalegin handia" islatzen duela iritzi dio.
Udaren hasierak jardueraren susperraldi garrantzitsua ekarri zuen (batez ere ekainean, langile gehienek oporrak hartu baituzte uztailean eta abuztuan), eta, horren ondorioz, egoera pandemiaren aurreko uneen antzeko parametroetan egonkortu da.
Egoera horrek beste bultzada bat eskatzen du urte hasieran hasitako beheranzko joerari berriro heltzeko, eta urte amaierarako finkatu ahal izatea espero da, Osasun kontseilariak adierazi duenez.
Ezarritako neurrien artean, kasu askotarako aurrez aurrekoa beharrezkoa ez den zerbitzua finkatzeko informazio-sistemen ahalegina eta egiteke dauden erreserbak historia klinikotik berrikusteko aukera aipatu ditu Santos Indurainek. Bere esanetan, hurrengo kontsultan aurrez aurreko arreta edo kontsulta telefonikoa zehazteko aukera ematen duen "urrats garrantzitsua da".
Halaber, azaldu duenez, pazienteei gaitzak arinago atzemateko eta lankidetza-ereduak ezartzeko asmoz, "oso aberasgarriakk" diren zerbitzu batzuk identifikatu dira, hala nola osasun arloko profesionalen arteko interkontsultak, pazienteei erantzun "hobea eta arinagoa" emateko asmoz.
Albiste gehiago gizartea
Auto erakustaldi bateko hainbat zaletu harrapatuak izan dira Galdakaon
Ezbeharra Urreta auzoko San Juan jaietan gertatu da. Zaurituak Galdakaoko ospitalera eraman dituzte baina gehienak arin zaurituta daude, lehen informazioen arabera.
Oraindik ere ikusten da ostiraleko sutearen ke arrastoa Gasteizko LEA-Lascaray enpresan
Gasteizko LEA-Lascaray enpresaren atarian hau da gaurko irudia. Oraindik ke arrastoa ikus daiteke, ostiraleko zoritxarreko sutearen ondorioz. Sugarrak kontrolpean dituzte, baina guztiz amatatu gabe daude oraindik. Enpresa erabat suntsituta geratu da, baina jabeek berreraiki egingo dutela jakinarazi dute.
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.