Pandemiak 150 milioi haur gehiago eraman ditu pobreziara
Osasun larrialdia eragiteaz gainera, gizarte mailako larrialdia ere ekarri du COVID-19ak; izan ere, gaur egun 150 milioi haurrek ezagutzen dute "pobrezia multidimentsionala", familien diru-sarrerak gorabehera, elikadura, hezkuntza, osasun, etxebizitza, garbitasun eta ur premien gabezia ere islatzen duena.
Haurren Laguntzarako Nazio Batuen FuntsaK (UNICEF) eta Save the Childrenek elkarlanean egin duten azterketa baten arabera, 1.200 milioi haur daude pobrezian mundu osoan, koronabirusaren pandemia hasi aurretik zegoena baina % 15 gehiago.
Aipatu bi erakundeek uste dute oinarrizko beharretatik bati gutxienez uko egin behar izan diola % 45ak, gutxi gorabehera. Beldur dira, gainera, ondorengo hilabeteetan egoerak okerrera egingo ote ez duen. Izan ere, positiboen kasuak geroz eta gehiago dira ia herrialde guztietan.
"Krisiaren amaieratik baino, hasieratik gertuago" gaudela uste du Henrietta Fore UNICEFeko zuzendari exekutiboak. "Pobreziatik irteteko puntuan zeuden zenbait familia berriz ere zulora erori" direla ere esan du, eta gaineratu du aurretik sekula izan ez duten gabezia mailetara ere iritsi direla pertsona asko.
Inger Ashing, Save the Children-eko zuzendari exekutiboak, berriz, fokua hezkuntzan jarri du. "Hezkuntzara sartzeko aukera ez duten haur horiek, ziur asko, lanerako esplotatuko dituzte" edo "ezkontza goiztiarra izango dute", esan du. "Haurren belaunaldi oso bat pandemia honen biktima" izatea onartezina dela gaineratu du, eta horregatik, guzti hau lasaitze aldera, gobernuei lan egiteko eskatu die.
Zure interesekoa izan daiteke
24. Korrikaren amaiera: festa erraldoia Bilbon, igandean
Martxoaren 29an Bilboko udaletxean amaituko da 24. Korrika, "Euskara gara" lelopean, eta egun osoan zehar jarduera desberdinez osatutako egitarau zabala izango da.
Euskal hiztunen "eguneroko errealitatearen lagin txiki bat": 883 urraketa, 2025ean
Hizkuntza Eskubideen egoerari buruzko txostena aurkeztu du Behatokiak. Ondorio nagusia da "araugintzan errotiko aldaketak" egin ezean, "atzerapausoak emateko arriskua gero eta nabarmenagoa" dela. Azaldu dutenez, zenbait lanpostu publikotan euskararen ezagutza ez izateak sistema osoaren euskaraz funtzionatzeko gaitasuna oztopatzen du.
Eusko Jaurlaritzak Trans Memoriaren Eguna izendatu du azaroaren 20a
Dekretua elkarte eta erakunde sozialekin lankidetzan egin da, besteak beste, Naizen, Errespetuz eta Loratuz Lotu elkarteekin. Besteak beste, aukeratutako dataren proposamenean eta adostasunean parte hartu dute.
Akusatutako irakaslearen ikasle ohia: "Guk ere lekuz kanpo zeuden iruzkinak entzun behar izan genituen 11-12 urte genituenean"
Oiartzungo Elizalde ikastetxean irakasle akusatuaren ikasle izan ziren hainbat emakume Gipuzkoako Probintzia Epaitegira hurbildu dira gaur biktimei babesa ematera. Horietako batek azaldu duenez, 11-12 urte zituztenean "iruzkin lizunak" egiten zizkien gizonak, eta epaiketan entzundakoaren aurka, ziurtartatu duenez, gizona bera zen gerturatzen zitzaiena eta "lekuz kanpoko iruzkinak" egiten zizkiena. Ikasgelan bideo pornoak jartzen zizkiela eta hitz-joko lizunak egiten zituela esan dute, eta "nazkagarria" eta "lotsagabea" zela.
Irungo institutu batean diruaren truke ikasleei sexu harremanak proposatzea leporatzen dioten irakasleak akusazioak ukatu ditu, eta lan jazarpena salatu du
Fiskaltzak 22 urteko kartzela zigorra eskatu du irakasle horrentzat, 13 eta 15 urteko hiru adingaberi diruaren zein oparien truke sexu harremanak izateko proposamenak egitea egotzita.
Epaileak Amaya Zabarteren kasua artxibatu du, jaurtigaia nork bota zuen egiaztatu ezin duelako
Donostiako epaileak behin-behinean artxibatu du 2024ko martxoan jasandako lesioagatik irekitako auzia, eta familiak helegitea aurkezteko aukera du orain.
Epailearen arabera, Estatuko administrazioarena zen El Bocaleko pasabidea mantentzearen ardura, eta ikerketapean jarri ditu Trantsizio Ekologikoko bi funtzionario
Epailearen ustez, Estatuko administrazioa da martxoaren 3an Santanderko hondartza horretan istripua izan zen pasabidearen "kontserbazio-egoera eta mantentzea egokia zela bermatzeko arduradun bakarra", eta pasabide horretako eta beste batzuetako lanak "amaitu gabe" daudela. Sei pertsona hil ziren eta bat larri zauritu zen, martxoaren 3an, itsaso ondoko pasabidea behera etorrita.
Alokairuen eskaintza, amilduta: Bilbon eta Donostian % 70 baino gehiago murriztu da
Iruñean alokairuen eskaintza % 47 jaitsi da, eta Gasteizen % 26, Idealistaren arabera. Bilbon, etxebizitza baten bila dabiltzanen lehiak % 864 egin du gora bost urtean.
Ordu aldaketa: Bueltan da udako ordutegia
Martxoaren 28tik (larunbata) 29ra (igandea) bitarteko goizaldean, 02:00etan ordua aldatu egin beharko da, eta 03:00ak izango dira. Atseden hartzeko ordubete gutxiago egongo da. Egungo ordutegi ereduarekin jarraitzeko beharrak eztabaida sortzen du, batez ere bi arrazoi garrantzitsu direla eta: Osasuna eta energia kostua.
Futbol arbitro neska batek salatu du irainak eta mehatxuak bota zizkiotela partida batean, Basaurin
Bizkaiko Futbol Federakundeko lehiaketa batzordea gaur elkartzekoa da gertatutakoa aztertzeko eta balizko neurriak aztertzeko. Basauriko futbol taldeko jokalariak, teknikariak eta zaleak barne, irainka hasi zitzaizkion, talde bisitariak berdinketa (3-3) lortu eta gero.