24. Korrikaren amaiera: festa erraldoia Bilbon, igandean
Martxoaren 29an Bilboko udaletxean amaituko da 24. Korrika, "Euskara gara" lelopean, eta egun osoan zehar jardueraz betetako egitarau zabala izango da.
Korrikaren ordezkariek prentsa-agerraldi bat egin dute, Kalderapeko Kulturgunean, Bilbon.
Martxoaren 29an, Bilboko udaletxean amaituko da 24. Korrika, euskararen alde egindako 2.750 kilometroko ibilbidearen eta 3.436 lekuko-hartzeren ondoren.
Lekukoa udaletxe aurrera 12:30erako iritsiko da, AEK-ko kideen eskutik. Azken mezua eskuz esku Atharratzetik Bilbora eraman ondoren, azkenean ozen eta harro irakurriko da, Bilbotik ekialderantz entzun dadin.
Jarraian, festa piztuko da Bilboko hainbat txokotan.
BBK GUNEA - FAMILIA GUNEA (Erripa eta Bailen kaleetan)
13:00-19:00 – Puzgarriak eta jolasak (Urtxintxa, Makusi eta BBK Fundazioa)
13:00-19:00 – Rokodromoa, kartak, bonbonera (Athletic Fundazioa)
NAIZ GUNEA - kontzertuak (Areatza)
14:00-15:00 – La Basu
16:00-17:00 – Arranoaren Hegaldia
18:00-19:00 – Añube
20:00-21:30 – Akerbeltz
ARRIAGA
13:30-18:00 – Jan-gunea
Herri-bazkaria
- Menua: paella (bi aukera: beganoa edo oilasko eta saiheskiduna)
- Ogia eta kafea barne
- Prezioa: 8 €
- Tiketak laster izango salgai
13:30-18:00 – Azoka
13:30-14:45 – Herri-kirolak
15:15-16:30 – Dantza ikuskizuna (Gaztedi)
17:15-18:30 – Diskofesta (Urtxintxa)
SAN NIKOLAS - kontzertuak
15:00-16:00 – Zerotan
17:00-18:00 – Bele
19:00-20:00 – Misxerabliak
AREATZA
13:30-19:00 – Gamer gela, taloak eta foodtruckak
PLAZA BARRIA
Erakusketa: “Mundu bat KORRIKA!”
13:00-14:00 – Punpairez
14:30-15:30 – PD Rasmia
16:00-17:00 – Bertsolariak
17:30-18:30 – Kontzertu akustikoa
BILBO ZAHARRA
16:00-17:00 – Yogurinha Borova
17:30-19:00 – Txalainak
19:30-21:00 – DJ Elepunto
ZAZPIKALEAK
Egunean zehar kale-animazioa: txarangak, kalejira, erraldoiak, Korrika kantari eta joaldunak.
AEK-k esan duenez, euskararen alde eta euskaraz Korrikaren festa erraldoiaz gozatu nahi duen oro gonbidatuta dago Bilbora, baina azpimarratu du protokolo bereziak ezarri dituztela eguna eraso sexistarik, arrazistarik eta homofoborik gabekoa izateko. Era berean, garraio publikoa erabiltzea gomendatzen da.
Zure interesekoa izan daiteke
Norovirusak kutsatutako 21 lagun daramatzan Ambition gurutzaontziak Galizia utzi eta Gijonerako bidea hartu du
Norobirus batek eragindako gastroenteritis-agerraldi izan duen Ambition itsasontzian zihoazen 1.600 bidaiarik barkutik ateratzeko baimena izan dute eta Galizian, A Coruñan, eman dute eguna. 21 pertsonak isolatuta jarraitzen dute, osasun protokoloak betez. 20:00etan Galizia utzi eta Gijonerako bidea hartu dute. Astelehenean, Bilboko Portuan egingo du eskala ontziak.
Palestinarrek euren herrialdean bizitzeko duten eskubidea defendatu du manifestazio batek Iruñean, 'Nakba' ren 78. urteurrenean
Yala Nafarroa plataformak deitu, ehunka lagun bildu dira Israelekin "harremanak etetea" eskatzeko berriro ere. Izan ere, antolatzaileek uste dute hori dela Gazako Zerrendan gertatzen ari den genozidioa gelditzeko neurri bakarra.
12 adingabe eraman dituzte Loiuko aireportutik ospitalera, gastroenteritis zantzuekin
Ikas bidaiaren ondoren Lanzarotera zihoan hegaldi batean sartzeko zain zeudela, okadak eta zorabio-sentsazioa izaten hasi dira. 11 eta 12 urte bitarteko haurrak ospitalean aztertu, eta alta eman diete guztiei.
14 eta 17 urteko bi adingabe atxilotu dituzte Irunen taxi gidari bati eraso egiteagatik
Adin txikikoak izan arren aurrekariak zituzten biek. Fiskaltzak horietako bat aske uztea eta gazteena zentro batean sartzea ebatzi du.
Iruñeko jesuita bat ikertzen ari dira, gazte bati ustez sexu-abusuak egiteagatik
Atzo atxilotu zuen Foruzaingoak eta larunbat honetan eraman dute epailearen aurrera. Epaileak behin-behinean aske uztea erabaki du. Delituaren izaera eta biktima gehiago ote dauden ikertzen ari dira.
Gizon bat hil da Urgull menditik Pasealeku Berrira erorita
Ertzaintzak 11:00ak aldera jaso du abisua. Ordu horretan aurkitu dute biktimaren gorpua, baina larrialdi zerbitzuetako langileek ezin izan dute haren bizitza salbatu. Ertzaintzak ikerketa abiatu du, istripua nola gertatu den jakiteko.
60 eragile sozial eta politikok gerraren aurkako manifestua sinatu dute Gernikan
Euskal Herri osoko ia 60 eragilek sinatu dute gaur eguerdian, Gernikan, “Gernikaren herritik, bakea eta justizia” manifestua, non gerraren aurkako eta bakearen, justiziaren eta herrien subiranotasunaren aldeko konpromisoa berretsi duten.
Carlos Gimeno Hezkuntza kontseilariaren kargugabetzea eskatu dute Iruñean hainbat manifestarik
Manifestazioa eguerdian egin dute, "Kalitatezko hezkuntza eta lan baldintzen alde. Gimeno Kanpora!", lelopean.
Urgentziaz hartu beharreko 10 neurri aurkeztu ditu UEMAk, udalerri euskaldunen atzerakada gelditzeko
Udalerri Euskaldunen Eguna ospatu du UEMAk Otxandion. 121 udalek osatzen dute gaur egun Udalerri Euskaldunen Mankomunitatea, eta guztien artean 355.500 biztanle ordezkatzen dituzte.
Baldintzapean aske utzi dute dute Igorreko errugbi taldeko presidentea
Ertzaintzak 132 salaketa jaso zituen igandera arte, Arratiko Zekorrak Rugby Taldeak Gabonetako loteria ez ordaintzeagatik. Zehazki, 3. sari bat egokitu zitzaion, eta orain klubak ez du nahikoa diru saria kobratu ez duten saridunei ordaintzeko.