Pandemia "egonkortu" egin dela uste du Jaurlaritzak
Koronabirusaren pandemia "egonkortu" egin da Euskadin, ospitaleratzeak eta 3-16 urteko umeen arteko positiboak "egunez egun" jaisten ari baitira, Eusko Jaurlaritzak azaldu duenez.
Ignacio Garitano Osasun Sailaren eta Osakidetzaren Zaintza eta Kontrol Programaren koordinatzailearen esanetan, egun 4.602 kasu aktibo daude EAEn, eta 9.889 pertsona daude bakartuta.
Garitanoren hitzetan, kasu positiboen portzentajea "egonkor" dago (% 5 ingurukoa izan da azken bi asteetan), eta ikastetxeetan ere behera egin dute kasuek. Une honetan, 3-16 urteko umeen artean, 134 kasu daude 100.000 biztanleko. Hain zuzen ere, 389 kasu aktibo daude orain urte tarte horretan, eta horietako 140k "ondorioak" izan dituzte eskoletan. Horren ildotik, 1.397 ikasle daude bakartuta, hots, "10 ikasle kasu positibo bakoitzeko".
19 urte arteko ikasleei dagokienez, 2.724k eman dute positibo PCR proban, hots, ikasle guztien % 0,7.
Koronabirusaren aurkako borrokaren arduradunaren arabera, "zentro gutxi batzuetan" izan da "kasu bat baino gehiago gela berean", baina "zaila" da jakitea klase barruan kutsatu den edo ikasle taldeek eskolatik kanpo harremana dutelako.
"3-16 urteen artean kasuak behera egiten ari dira, eta, horregatik, ondoriozta daiteke eskolen hasierak ez duela eraginik izan pandemiaren garapenean", berretsi du.
Bestalde, Garitanok azaldu du gaurtik aurrera aldatu egingo dela zainketa berezien geletan daudenak zenbatzeko modua; izan ere, aurrerantzean zenbatu egingo dituzte koronabirusagatik ingresatuta dauden baina PCR proban negatibo eman dutenak ere.
Horrela, "zehatzago" ezagutu ahalko dute koronabirusaren eragina ospitaleetan.
Bukatzeko, Garitanok esan du Radar Covid aplikazioa "duela bizpahiru egun" hasi zela "guztiz" funtzionatzen Euskadin.
Zure interesekoa izan daiteke
Eusko Jaurlaritzak Trans Memoriaren Eguna izendatu du azaroaren 20a
Dekretua elkarte eta erakunde sozialekin lankidetzan egin da, besteak beste, Naizen, Errespetuz eta Loratuz Lotu elkarteekin. Besteak beste, aukeratutako dataren proposamenean eta adostasunean parte hartu dute.
Akusatutako irakaslearen ikasle ohia: "Guk ere lekuz kanpo zeuden iruzkinak entzun behar izan genituen 11-12 urte genituenean"
Oiartzungo Elizalde ikastetxean irakasle akusatuaren ikasle izan ziren hainbat emakume Gipuzkoako Probintzia Epaitegira hurbildu dira gaur biktimei babesa ematera. Horietako batek azaldu duenez, 11-12 urte zituztenean "iruzkin lizunak" egiten zizkien gizonak, eta epaiketan entzundakoaren aurka, ziurtartatu duenez, gizona bera zen gerturatzen zitzaiena eta "lekuz kanpoko iruzkinak" egiten zizkiena. Ikasgelan bideo pornoak jartzen zizkiela eta hitz-joko lizunak egiten zituela esan dute, eta "nazkagarria" eta "lotsagabea" zela.
Irungo institutu batean diruaren truke ikasleei sexu harremanak proposatzea leporatzen dioten irakasleak akusazioak ukatu ditu, eta lan jazarpena salatu du
Fiskaltzak 22 urteko kartzela zigorra eskatu du irakasle horrentzat, 13 eta 15 urteko hiru adingaberi diruaren zein oparien truke sexu harremanak izateko proposamenak egitea egotzita.
Epaileak Amaya Zabarteren kasua artxibatu du, jaurtigaia nork bota zuen egiaztatu ezin duelako
Donostiako epaileak behin-behinean artxibatu du 2024ko martxoan jasandako lesioagatik irekitako auzia, eta familiak helegitea aurkezteko aukera du orain.
Epailearen arabera, Estatuko administrazioarena zen El Bocaleko pasabidea mantentzearen ardura, eta ikerketapean jarri ditu Trantsizio Ekologikoko bi funtzionario
Epailearen ustez, Estatuko administrazioa da martxoaren 3an Santanderko hondartza horretan istripua izan zen pasabidearen "kontserbazio-egoera eta mantentzea egokia zela bermatzeko arduradun bakarra", eta pasabide horretako eta beste batzuetako lanak "amaitu gabe" daudela. Sei pertsona hil ziren eta bat larri zauritu zen, martxoaren 3an, itsaso ondoko pasabidea behera etorrita.
Alokairuen eskaintza, amilduta: Bilbon eta Donostian % 70 baino gehiago murriztu da
Iruñean alokairuen eskaintza % 47 jaitsi da, eta Gasteizen % 26, Idealistaren arabera. Bilbon, etxebizitza baten bila dabiltzanen lehiak % 864 egin du gora bost urtean.
Ordu aldaketa: Bueltan da udako ordutegia
Martxoaren 28tik (larunbata) 29ra (igandea) bitarteko goizaldean, 02:00etan ordua aldatu egin beharko da, eta 03:00ak izango dira. Atseden hartzeko ordubete gutxiago egongo da. Egungo ordutegi ereduarekin jarraitzeko beharrak eztabaida sortzen du, batez ere bi arrazoi garrantzitsu direla eta: Osasuna eta energia kostua.
Futbol arbitro neska batek salatu du irainak eta mehatxuak bota zizkiotela partida batean, Basaurin
Bizkaiko Futbol Federakundeko lehiaketa batzordea gaur elkartzekoa da gertatutakoa aztertzeko eta balizko neurriak aztertzeko. Basauriko futbol taldeko jokalariak, teknikariak eta zaleak barne, irainka hasi zitzaizkion, talde bisitariak berdinketa (3-3) lortu eta gero.
BI-30 errepidean izandako istripu batek auto-ilarak eragin ditu Txorierrin eta Arrontegin
Ezbeharra goizean goiz gertatu da Erandion, eta errei bat itxi behar izan dute Galdakaorako noranzkoan. Ilara luzeak sortu dira.
EHUk unibertsitate-komunitatean errespetua eta bizikidetza indartzeko protokolo bat bultzatuko du
Ekimenak bitartekotza, partaidetza eta sentsibilizazio-neurriak izango ditu, eta komunitate osoaren ekarpenak jasotzeko plataforma digital bat izango du oinarri.