Eusko Jaurlaritzak ez du neurri murritzaile gehiagorik hartuko, oraingoz
Eusko Jaurlaritzak pandemiaren bilakaera aztertzeko bilera egin du eta oraingoz neurri murriztaile gehiagorik ez hartzea erabaki du. Hala, COVID-19ari aurre egiteko indarrean dauden ohiko prebentzio neurriak betetzen jarraitzeko deia egin du.
Batzarra Iñigo Urkullu lehendakariak zuzendu du, eta ondoren Gotzone Sagardui Osasun sailburuak agerraldia egin du.
Sailburuaren esanetan, pandemiaren eragina eta PCR proben bidez detektatutako kasu positiboen kopurua beheraka egiten ari dira, "astiro bada ere".
Azkeneko datuen arabera, 300 pertsona daude ospitalean koronabirusak jota, eta horietako 56 zaintza intentsiboko unitateetan (ZIU) daude. Sagarduik azpimarratu du ZIUn 620 ohe prestatzeko moduan daudela eta ez direla bigarren fasera pasatu behar izan.
Gauzak horrela, Eusko Jaurlaritzaren estrategiak orain arteko bera izaten jarraitzen duela esan du: birusaren detekzio goiztiarra eta prebentzio neurri eta indibidualak betetzea (musukoa erabiltzea, eskuak garbitzea eta segurtasun-tartea mantentzea). Ildo horretan, gogora ekarri du Araban, Bizkaian eta Gipuzkoan baieztatutako positiboen erdia sintomarik gabeko pertsonak zirela.
Gripea eta koronabirusa
Horrez gain, Sagarduik esan du goizegi dela Gabonetan zein egoera eman daitekeen aurreikusteko eta, ondorioz, erabakiak pandemiaren bilakaeraren arabera hartuko dituztela berretsi du.
Koronabirusa detektatzeko proben harira, baieztatu du Osakidetza proba antigenikoak eta listu-testak egiteko aukera aztertzen ari dela.
Bestalde, gripeak datozen hilabeteetan izan dezakeen eraginaz galdetuta, Sagarduik adierazi du datorren astelehenenean hasiko direla txertoa zahar-etxeetan banatzen eta gaixotasun horrek aurkako bakuna jartzeko deia egin du.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan erregistratutako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.