EHUren errektore berria aukeratzeko prozesua, abian
Euskal Herriko Unibertsitateak (EHU) gaur, hilaren 9an, abiatu du errektore berria aukeratzeko hauteskunde prozesua. Nekane Balluerkak, orain arte errektore izan denak, irailean jakinarazi zuen ez zela berriro aurkeztuko.
EHUren gobernu kontseiluak atzo onartu zuen hauteskundeen egutegia. Gaurtik hasita azaroaren 4ra arte, hautagaitzak aurkezteko aukera izango da. Azaroaren 9an behin betiko hautagaitzak jakinarazi eta hauteskunde kanpaina abiaraziko dute, hilaren 23ra arte. Bozketa azaroaren 26an egingo dute.
Itzuli bakarra egongo balitz (gehienez, bi hautagaitza), abenduaren 4an izendatuko litzateke errektore berria. Bi hautagaitza baino gehiago egotekotan, ordea, bi itzuli egin beharko lirateke (bigarrenean boto gehien jaso dituzten bi hautagaiak lehiatuta). Hori horrela, abenduaren 3an egingo litzateke bigarren bozketa, eta biharamunean, behin-behinean, izendatuko litzateke errektore berria. Hilaren 14an izendatuko litzateke errektore berria, oraingoan behin betikoz.
Prozesuak Hauteskunde Batzorde Orokorraren babesa jaso du. Erakundeak zehaztu duenez, Arriskuen Prebentziorako Zerbitzuari dagokio babes, segurtasun eta osasun neurriak jasotzeko protokoloak egitea, hauteskundeak osasun berme guztiekin egin daitezen.
Eva Ferreira Ekonomian katedradunak gaur bertan iragarri du bere hautagaitza, prentsaurreko batean. EHUko idazkari nagusi ohi izandakoa da Ferreira.
Albiste gehiago gizartea
Lan Onari saria Carmelo Urza Larrauri Filologia Hispanikoko doktoreari emanda itxi du Lehendakaritzak 2025eko Jaialdira egindako bisita
Esparru akademikoan egindako lanagatik eta kanpoan euskal kultura zabaltzen egindako ekarpenagatik saritu dute Renoko Unibertsitateko Filologia Hispanikoko doktorea. Oso gazte zela Estatu Batuetara bizitzera joan bazen ere, euskal sustraiei eusteagatik eta Euskadiren eta Estatu Batuen arteko harremanak estutzeko lan egiteagatik nabarmendu da beti.
Normaltasuna nagusi zirkulazioan larunbat goizean, abuztuko irteera operazioan
Lehen orduan auto-ilarak izan dira AP-8 autobidean, Irun parean, eta AP-1ean, Gasteiz inguruan, abuztuko lehen asteburuko irteera eta itzulera operazioarekin batera.
Lau gizonek 18 urteko neska bat inguratu eta bortxatu dute Ferrolen
Gizon bat atxilotu dute jada. Erasoa Coruñako hiriaren Espainia plazako arkupe batzuetan gertatu zen. Gertakariak asteartetik asteazkenerako gauean jazo ziren, hiriaren erdialdean.
Bilbok hilerria modernizatu du errausketak eta maskotentzako zerbitzuak eskaintzeko
Araudi berria irailera arte egongo da ikusgai, eta heriotza perinatalari ematen zaion tratuari eta erlijio-aniztasunerako guneei buruzko hobekuntzak ere jasotzen ditu, besteak beste.
Adineko bost moja Urduñako komentutik ateratzea eragotzi dute, erlijiosoak Beloradotik bota ondoren
Adineko lekaimeen beharrengatik egokitutako garraio berezi bat prest zuten, baina ezin izan dute erabili, moja matxinoek uko egin baitiote giltzak emateari. Gainera, gaurko operazioa "bahiketatzat eta agintekeriatzat" jo dute moja horiek.
Gasteizko txosnak itzuli dira txandalariak omenduz, eta musikaz eta aldarrikapenez beteta
Txosnagunea Arabako Campusera itzuliko da kontzertuekin, herri-ekimenekin eta TicketBAIren ezarpenaren kontrako protestekin. Bien bitartean, Txosnetako txandalariak izan dira Txosnisariaren irabazleak.
50 boluntario inguruk Barrundian desagertutako 77 urteko emakumea bilatzeko lanekin bat egin dute
Senideek asteartean salatu zuten adineko emakumearen desagerpena. Emakumea Hermua auzoko bere etxebizitzatik atera zen, eta ez dute berriro ikusi.
Zeledonek baditu aterkia, zahatoa eta zapia: "Ez dugu inolako erasorik onartuko"
Maider Etxebarria alkateak "zorterik onena" opa dio Iñaki Kerejazuri. Kerejazuk bigarren urtez jarraian pertsonaia ezagunaren papera egingo du. Bere hitzaldian, alkateak jaiez "arduraz" eta "errespetuz" gozatzera gonbidatu ditu herritarrak.
Katherine Bidegaray, Montanako Auzitegi Goreneko epailea, euskal amerikar komunitatearen ordezkari boteretsuenetako bat da egun, AEBn
Behe Nafarroako familia batean sortua, haurtzaroa Ipar Dakotako mugako belardietan egin zuen, gurasoen arrantxoan. Bidegaray oso kritikoa da Trumpekin eta etorkinen deportazioekin. Emakumearen eskubideen alde egiteagatik ere ezaguna da.
Chikungunya: tigre-eltxoaren gaixotasuna saihesteko gakoak eta aholkuak
Pello Latasak, Eusko Jaurlaritzako Osasun saileko zaintza epidemiologikorako arduradunak, tigre-eltxoek kutsatzen duten chikungunya gaitzaren inguruan mintzatu da. Latasak azaldu duenez, gaitza ez da zuzenean gizakien artean transmititzen; hala ere, badira salbuespenak. Bideo honetan sintomak zeintzuk diren, transmisioa nola ematen den eta gaitzari aurre egiteko gomendioak eman dizkigu arduradunak.