EHU, munduko 400 unibertsitate onenen artean
Nazioarte mailan hezkuntza-ebaluaziorako sailkapen ospetsuenetarikoa den "Shanghaiko Ranking"ean gora egin du EHUk, eta munduko 400 unibertsitate onenen artean kokatu da.
Espezialitateei erreparatuta, Ingeniaritza Kimikoan munduko 75 unibertsitate onenen artean dago EHU, eta munduko 150 onenen artean, berriz, Nanozientzian eta Nanoteknologian, Kimikan eta Ingeniaritza Metalurgikoan.
Nekane Balluerka EHUko errektorea ohar baten bidez adierazi duenez, "oso berri ona da euskal gizartearentzat oro har, eta Euskal Herriko Unibertsitatearentzat bereziki. Dena dela, konplazentzia alde batera utzi behar dugu eta exijentzia maila berari eutsi".
Bartzelonako Unibertsitatea 150-200 postuen artean dago, Espainiar Estatuko onena, eta Harvardekoa, berriz, lehena.
"Shanghaiko Ranking" sailkapenak hainbat adierazle hartzen ditu kontuan, hala nola, ikasle kopurua, Nobel saridun diren edo izan diren irakasleak, ikerlarien lanen aipu kopuruak, eta Science edo Nature bezalako aldizkari ospetsuetan artikuluak publikatu izana.
Zure interesekoa izan daiteke
Ehunka lagun kalera atera dira Euskadin eta Nafarroan, etxebizitzaren negozioaren aurka
Etxebizitzaren aldeko protesta jendetsua egin dute Madrilen, eta greba orokorra prestatzen ari dira
Igandera arte luzatu dituzte euriteengatik EAEn gaurko ezarrita zeuden abisu horiak
12 lagun zauritu dira Errioxako taberna baten zati bat erorita, eta zortzi osasun zentroetara eraman dituzte
102 urteko emakume bat hil da eta 90 pertsona erreskatatu dituzte Albaceten, Madrigueras herrian izandako uholdeetan
Milaka pertsona kalera atera dira Madrilen, etxebizitza eskubidea aldarrikatzeko
Euriteek alerta egoeran izango dute Mediterraneoa asteburuan, hainbat abisu aktibo baitaude
Milaka pertsona kalera atera dira etxebizitza duina izateko eskubidea aldarrikatzera
Juntsen ezezkoak tentsioa areagotu du Solen, eta etxebizitzaren aldeko plataformek greba orokorra dute hizpide
